| ປະທານປະເທດ ຍ້ອງຍໍຊົມເຊີຍ ທິມບານເຕະຍິງ ຫວຽດນາມ | |
| ຊະນະ ມາເລເຊຍ 1 – 0, U23 ຫວຽດນາມ ເຂົ້າ ແຂ່ງຂັນຮອບຊີງຊະນະເລີດ ບານເຕະ ຊາຍ SEA Games 31 |
 |
| ທິມບານເຕະຫວຽດນາມ ຍາດໄດ້ລາງວັນຊະນະເລີດ (ພາບ: Vietnam+) |
ນີ້ແມ່ນງານແຂ່ງຂັນບານເຕະມິດຕະພາບປະຈຳປີທີ່ສະພາສູງ ເຊັກໂກ ໄດ້ສະໜັບສະໜູນໃຫ້ບັນດາຊົນເຜົ່າໄດ້ແລກປ່ຽນ ແລະ ເຊື່ອມຕໍ່ຊຸມຊົນຊາວຕ່າງປະເທດອາໄສຢູ່, ເຮັດວຽກແລະຮ່ຳຮຽນຢູ່ ສ.ເຊັກໂກ.
ທ່ານເອກອັກຄະລັດຖະທູດຫວຽດນາມ ປະຈຳ ສາທາລະນະລັດ ເຊັກໂກ ທ໊າຍຊວັນຢຸງ ກ່າວວ່າ, ງານແຂ່ງຂັນບານເຕະສະມາຊິກ ສະພາສູງ ສ.ເຊັກໂກ ແມ່ນບ່ອນເຕົ້າໂຮມບັນດາຊາວຕ່າງປະເທດ ເຂົ້າຮ່ວມ. ຜ່ານບັນດາການເຄື່ອນໄຫວດັ່ງກ່າວ, ຈະເພີ່ມທະວີການພົວພັນ ແລະ ຄວາມເຂົ້າໃຈລະຫວ່າງປະຊາຄົມ ຫວຽດນາມ ແລະ ເຊັກໂກ ເວົ້າລວມ ແລະ ກັບປະຊາຄົມຊາວຕ່າງປະເທດຢູ່ ສາທາລະນະລັດ ເຊັກໂກ ເວົ້າສະເພາະ.
ທ່ານເອກອັກຄະລັດຖະທູດ ຫວັງວ່າ ພາບພົດຂອງປະເທດ ແລະ ປະຊາຊົນຫວຽດນາມ ຈະໄດ້ຮັບການເສີມຂະຫຍາຍໃນສາຍຕາປະຊາຄົມສາກົນໂດຍຜ່ານບັນດາການເຄື່ອນໄຫວກິລາ.
ກ່ອນໜ້ານີ້, ໃນພິທີເຄື່ອນພົນໃນວັນທີ 31 ພຶດສະພາ, ທ່ານ ເອກອັກຄະລັດຖະທູດ ໄດ້ມອບໃບຍ້ອງຍໍໃຫ້ທິມບານເຕະ FC Sapa Praha ເພື່ອເປັນກຽດມອບລາງວັນທີມສາມັກຄີ ແລະ ບັນລຸໄດ້ຜົນງານຫຼາຍຢ່າງໃນກິລາຊຸມຊົນ.
ງານແຂ່ງຂັນບານເຕະພື້ນເມືອງປະຈຳປີ ເຊັກໂກ ມີຄວາມໝາຍສຳຄັນ, ແມ່ນການເຄື່ອນໄຫວຊຸກຍູ້ການເຊື່ອມໂຍງເຂົ້າກັບຊົນເຜົ່າ, ຮັດແໜ້ນນ້ຳໃຈສາມັກຄີ, ຄວາມເຂົ້າໃຈເຊິ່ງກັນແລະກັນ ລະຫວ່າງປະຊາຊົນໃນສັງຄົມ ເຊັກໂກ.
ບຸນຄົງ
