ຊາວໜຸ່ມ ລາຍເຈົາ start up ຈາກຮູບແບບສະຫະກອນ | |
ປີ 2019 - ແມ່ຍິງລາວ “ຄິດຢ່າງສະເໝີພາບ, ສ້າງຄວາມສະຫຼາດ, ປະດິດສ້າງ ເພື່ອການປ່ຽນແປງ” |
ໃນຂອບເຂດ “ສາມຫຼ່ຽມຄຳເລີ່ມຕົ້ນ”, ຫວຽດນາມ ໄດ້ກາຍເປັນເມັດເພັດໃໝ່ຂອງພາກພື້ນ ເມື່ອບືນຂຶ້ນຈັດອັນດັບໄປພ້ອມກັບບັນດາປະເທດນຳໜ້າໃນພາກພື້ນ ຄື: ສິງກະໂປ ແລະ ອິນໂດເນເຊຍ ດ້ວຍຍອດຈຳນວນທຶນລົງທຶນສູງເຖິງ 1,4 ຕື້ USD ໄດ້ຈັັດເຂົ້າໃນ start up ຂອງວິສາຫະກິດຫວຽດນາມ ໃນປີ 2021, ເພີ່ມຂຶ້ນ 1,6 ເທົ່າ ເມື່ອທຽບໃສ່ຕົວເລກ 874 ລ້ານ USD ທີ່ຜ່ານມາ ໃນປີ 2019.
ທ່ານ ຫວູກວກຮຸຍ, ຜູ້ອຳນວຍການ NIC ໃຫ້ຮູ້ວ່າ: ປີ 2021 ແມ່ນປີທີ່ພັດທະນາແຮງທີ່ສຸດ ສຳລັບບັນດາວິສາຫະກິດ start up ຂອງຫວຽດນາມ. ທຶນການລົງທຶນທີ່ຖອກໃສ່ວິສາຫະກິດ start up ແມ່ນສູງທີ່ສຸດນັບແຕ່ກ່ອນມາຮອດປັດຈຸບັນ ເຊິ່ງມີມູນຄ່າ 1,4 ຕື້ USD, ແລະ ການ start up ໃນ 4 ເດືອນຕົ້ນປີ 2022 ໄດ້ເພີ່ມຂຶ້ນ 12,3% ເມື່ອທຽບໃສ່ປີກາຍ ແລະ 31,9% ເມື່ອທຽບໃສ່ສອງປີກ່ອນ.
ຫວຽດນາມ ໄດ້ຮັບຖືວ່າແມ່ນເມັດເພັດຢູ່ພາກພື້ນ ກ່ຽວກັບການ start up ປະດິດສ້າງ. (ພາບ: baodautu) |
ຕົວເລກນີ້ ພ້ອມກັບທ່າການເຕີບໂຕທາງບວກຂອງການລົງທຶນຕ່າງປະເທດ ໄດ້ສະແດງໃຫ້ເຫັນຄວາມຮັບຮູ້ຢ່າງຈະແຈ້ງ ກ່ຽວກັບຄວາມສາມາດບົ່ມຊ້ອນຂອງຫວຽດນາມ ໃນລະບົບນິເວດວິສາຫະກິດ start up ຂຶ້ນສູ່ລະດັບສູງໃໝ່, ຄາດວ່າ ການລົງທຶນເຫຼົ່ານີ້ຈະເພີ່ມຂຶ້ນສອງເທົ່າໃນ 3 ປີຕໍ່ໜ້າ.
ທ່າແຮງບົ່ມຊ້ອນຂອງຫວຽດນາມ ແມ່ນໄດ້ຮັບການຕີລາຄາໂດຍອີງໃສ່ກຸ່ມຜູ້ບໍລິໂພກ, ກຳລັງແຮງງານໜຸ່ມ ແລະ ມີລະດັບການສຶກສາເພີ່ມຂຶ້ນ ພ້ອມກັບຄວາມຕ້ອງການດ້ານເຕັກໂນໂລຢີດີຈີຕອນທີ່ນັບມື້ນັບສູງຂຶ້ນພາຍຫຼັງໂລກລະບາດ.
ຕາມນັ້ນແລ້ວ, ການຊົມໃຊ້ພາຍໃນປະເທດຄາດຄະເນວ່າ ຈະເພີ່ມຂຶ້ນໃນອັດຕາ 20% ໃນແຕ່ລະປີ; ກໍາລັງແຮງງານຫນຸ່ມ ແລະ ມີລະດັບການສຶກສາສູງ, 70% ຂອງປະຊາກອນທີ່ມີອາຍຸຕ່ໍາກວ່າ 35 ປີໃນຈໍານວນປະຊາກອນ 98 ລ້ານຄົນ. ອັດຕາການຮູ້ຫນັງສືແມ່ນປະມານ 95.4% - ຫນຶ່ງໃນອັດຕາສ່ວນສູງທີ່ສຸດໃນພາກພື້ນອາຊີ.
ປັດໄຈທີ 3 ທີ່ໄດ້ປະກອບສ່ວນໃຫ້ແກ່ຄວາມສາມາດບົ່ມຊ້ອນຂອງ ຫວຽດນາມ ແມ່ນຄວາມຕ້ອງການດີຈີຕອນເພີ່ມຂຶ້ນຢ່າງແຮງພາຍຫຼັງໂລກລະບາດ. ຫວຽດນາມ ໄດ້ມີຜູ້ຊົມໃຊ້ດິຈິຕອນໃໝ່ ເພີ່ມ 8 ລ້ານຄົນ, ໃນນັ້ນ 55% ແມ່ນມາຈາກເຂດນອກຕົວເມືອງ ນັບແຕ່ໄລຍະແຜ່ລະບາດຂອງພະຍາດຮອດ 6 ເດືອນຕົ້ນປີ 2021.
ຄຳຮຸ່ງ