| Lawrence S. Ting ມອບທຶນການສຶກສາ ຈຳນວນ 8,5 ຕື້ດົ່ງ ໃຫ້ແກ່ນັກຮຽນ, ນັກສຶກສາ | |
| Lawrence S. Ding ມອບລົດເຂັນ ຈຳນວນ 25 ຄັນ ໃຫ້ແກ່ຄົນພິການຢູ່ເມືອງ ຮືງງວຽນ, ແຂວງ ເຫງ້ອານ |
 |
| ພາບປະກອບ |
ນີ້ແມ່ນບັນດາເປົ້າໝາຍລະອຽດຂອງໂຄງການ “ຊ່ວຍໃຫ້ເດັກທີ່ເປັນພະຍາດອໍທິສຕິກຢູ່ເກີ່ນເທີ ໄດ້ຮັບການປີ່ນປົວໂດຍໄວ ໄລຍະ 2022-2024” ໂດຍອົງການຈັດຕັ້ງ Saigon Children’s Charity CIO (SCC) ອຸປະຖໍາ ເຊິ່ງໄດ້ຮັບອະນຸມັດຈາກຄະນະກໍາມະການປະຊາຊົນນະຄອນເກີ່ນເທີ. ໃນນັ້ນ,ໂຄງການປະກອບສ່ວນປະຕິບັດ, ຊຸກຍູ້ວຽກງານປ້ອງກັນ, ດູແລ ແລະ ສຶກສາເດັກນ້ອຍເວົ້າລວມ, ເວົ້າສະເພາະແມ່ນເດັກນ້ອຍພິການຢູ່ນະຄອນເກີ່ນເທີ ແລະ ບັນດາແຂວງ/ນະຄອນອ້ອມຂ້າງໃຫ້ນັບມື້ນັບພັດທະນາ ແລະ ສົມບູນແບບ.
ຫຼັງຈາກໂຄງການສິ້ນສຸດ, ຮູບການປີ່ນປົວໃຫ້ແກ່ເດັກນ້ອຍທີ່ມີອາຍຸ 3-6 ປີທີ່ເປັນພະຍາດອໍທິສຕິກ (ເດັກອໍທິສຕິກ) ກໍໄດ້ຮັບການສ້າງຕັ້ງຂຶ້ນຢູ່ນະຄອນເກີ່ນເທີ ຈາກການສ້າງຕັ້ງ ແລະ ປະຕິບັດການປ້ອງກັນປີ່ນປົວແຕ່ໄວ ດ້ວຍອຸປະກອນທີ່ໄດ້ມາດຕະຖານ ແລະ ຖັນແຖວພະນັກງານທີ່ໄດ້ຮັບການບຳລຸງສ້າງດ້ານວິຊາສະເພາະຕອບສະໜອງໃຫ້ວຽກງານບົ່ງມະຕິພະຍາດ, ປີ່ນປົວ ແລະ ສື່ສານກ່ຽວກັບອາການຜິດປົກກະຕິອໍທິສຕິກ.
ໂດຍໄດ້ຊາບວ່າ ລວມຍອດທຶນຂອງໂຄງການແມ່ນ 55.246 ໂດລາສະຫະລັດ, ເທົ່າກັບ 1.255.200.000 ດົ່ງ; ລວມມີທຶນຊ່ວຍເຫຼືອລ້າ ແລະ ທຶນສົມທົບ. ເວລາປະຕິບັດໃນ 3 ປີ (2022-2024); ໜ່ວຍງານປະຕິບັດ:ສູນປະຕິບັດວຽກງານສັງຄົມນະຄອນເກີ່ນເທີ.
ໄຊພອນ
