 |
| ການນຳພັກ, ລັດ ເຂົ້າສຸສານ ອາໄລຫາປະທານໂຮ່ຈີມິນ (ພາບ: baochinhphu.vn) |
ຄະນະຜູ້ແທນການນຳພັກ, ລັດ ແລະ ຄະນະກຳມະການສູນກາງແນວໂຮມປະເທດຊາດ ຫວຽດນາມ ເຂົ້າຮ່ວມພິທີໄວ້ອາໄລໂດຍມີ: ທ່ານປະທານປະເທດ ຫງວຽນຊວັນຟຸກ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດວັນຈຽນ.
ເຂົ້າຮ່ວມຄະນະມີທ່ານອະດີດເລຂາທິການໃຫຍ່ ນົງດຶກແມັ້ງ, ອະດີດປະທານສະພາແຫ່ງຊາດ ຫງວຽນວັນອານ, ບັນດາສະຫາຍກຳມະການກົມການເມືອງ, ເລຂາທິການສູນກາງພັກ, ອະດີດຄະນະກຳມະການກົມການເມືອງ, ອະດີດເລຂາທິການສູນກາງພັກ, ບັນດາສະຫາຍການນຳຄະນະ, ກະຊວງ, ຂະແໜງການ, ອົງການສູນກາງ.
ຕໍ່ໜ້າດວງວິນຍານຂອງປະທານໂຮ່ຈີມິນຜູ້ຍິ່ງໃຫຍ່, ບັນດາສະຫາຍການນຳໄດ້ສະແດງຄວາມຮູ້ບຸນຄຸນ, ຄວາມເຄົາລົບນັບຖືຕໍ່ຄຸນງາມຄວາມດີອັນຍິ່ງໃຫຍ່ຂອງປະທານໂຮ່ຈີມິນ ຕໍ່ພາລະກິດແຫ່ງການປົດປ່ອຍຊາດ, ທ້ອນໂຮມປະເທດຊາດເປັນເອກະພາບ, ສ້າງສາປະເທດຊາດ ຫວຽດນາມ ສັງຄົມນິຍົມແຫ່ງສັນຕິພາບ, ເອກະລາດ, ເອກະພາບ.
ພວງມາລາຂອງຄະນະໄດ້ຂຽນແຖວຕົວໜັງສືທີ່ວ່າ “ສະແດງຄວາມຮູ້ບຸນຄຸນຕໍ່ປະທານໂຮ່ຈີມິນຜູ້ຍິ່ງໃຫຍ່ຕະຫຼອດໄປ”.
ບຸນຄົງ
