ສະຫາຍ ພົນຕີ ແອສະໄໝ ເລືອງວັນໄຊ ຮອງລັດຖະມົນຕີກະ ຊວງປ້ອງກັນປະເທດ, ຫົວໜ້າຊີ້ ນໍາໂຄງການພັດທະນາສະໜາມ ບິນທົ່ງໄຫຫີນໄດ້ລາຍງານຫຍໍ້ກ່ຽວກັບໂຄງການພັດທະນາສະ ໜາມບິນທົ່ງໄຫຫີນວ່າ ອີງຕາມ ຂໍ້ຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບ ໂຄງການພັດທະນາສະໜາມບິນທົ່ງໄຫຫີນ ຂອງກະຊວງປ້ອງກັນປະເທດສະ ບັບເລກທີ 527/ກປທ ລົງວັນທີ 12/2/2019.
 |
ສະຫາຍ ພົນເອກ ຈັນສະໝອນ ຈັນຍາລາດ ລົງກວດກາ ແລະ ວາງແຜນການຈັດຕັ້ງປະຕິບັດ. (ພາບ: Lao's People News)
ຄະນະຮັບຜິດຊອບ ກໍໄດ້ມີການປະສານ ສົມທົບກັບທຸກພາກສ່ວນທີ່ກ່ຽວ ຂ້ອງ ແລະ ລົງກວດກາ ແລະ ວາງແຜນການຈັດຕັ້ງປະຕິບັດ ກ່ຽວກັບແຜນການປັບປຸງເດີ່ນ ບິນທົ່ງໄຫຫີນຊຽງຂວາງ ໂດຍ ສະເພາະແມ່ນການກໍ່ສ້າງ ແລະ ປັບປຸງລະບົບເສັ້ນທາງ, ການແກ້ ໄຂສິ່ງກີດຂວາງ, ກວດກາບັນດາ ສາງເກົ່າ, ບ່ອນທີ່ຈະຕິດຕັ້ງສະ ຖານີວິທະຍຸສື່ສານທາງໄກ, ລະ ບົບໄຟເຍືອງທາງ, ເຍືອງເດີ່ນ ແລະ ສິ່ງກໍ່ສ້າງອື່ນໆຕາມລະບົບ ການກໍ່ສ້າງສະຫນາມບິນ ແລະ ໄດ້ມອບໃຫ້ສອງບໍລິສັດຮັບເໝົາ ກໍ່ສ້າງ ແລະ ລົງທຶນກ່ອນຄື: ບໍລິ ສັດໄຊທານີກໍ່ສ້າງຂົວທາງຈໍາກັດ ຮັບເໝົາກໍ່ສ້າງພື້ນຖານໂຄງລ່າງ ແລະ ບໍລິສັດທີເຄ (TK) ກໍ່ ສ້າງ ແລະ ຕິດຕັ້ງໄຟຟ້າຈໍາກັດຮັບ ເໝົາກໍ່ສ້າງ ແລະ ຕິດຕັ້ງໄຟຟ້າ. ເຊິ່ງພາຍຫຼັງມອບໝາຍທັງສອງບໍລິສັດກໍດໍາເນີນການກໍ່ສ້າງ ແລະ ມາຮອດປັດຈຸບັນກໍມີຫຼາຍໜ້າ ວຽກໄດ້ຮັບການຈັດຕັ້ງປະຕິບັດ, ມີຄວາມຄືບໜ້າ, ບາງໜ້າວຽກ ພວມດໍາເນີນການກະກຽມລົງມື ກໍ່ສ້າງເພື່ອໃຫ້ສໍາເລັດຕາມແຜນການທີ່ກະຊວງປ້ອງກັນປະເທດ ກໍຄືລັດຖະບານວາງໄວ້. ໂອກາດດັ່ງກ່າວສະຫາຍລັດ ຖະມົນຕີກະຊວງປ້ອງກັນປະເທດ ກໍໃຫ້ທິດຊີ້ນໍາຫຼາຍບັນຫາທີ່ສໍາ ຄັນຕໍ່ຄະນະຊີ້ນໍາ, ຄະນະຮັບຜິດ ຊອບ, ບໍລິສັດຮັບເໝົາກໍ່ສ້າງກໍຄື ຄະນະຊ່ຽວຊານ-ວິຊາການຣັດ ເຊຍ ໂດຍສະເພາະແມ່ນບັນດາ ໜ້າວຽກທີ່ຈັດຕັ້ງປະຕິບັດໄປ ແລ້ວ ກໍຄືືໜ້າວຽກພວມດໍາການ ຕ້ອງມີການປະສານສົມທົບກັນ ເຮັດຖືກເຕັກນິກ, ຕາມແຜນຜັງ, ແຜນການ ແລະ ຮັບປະກັນຄຸນນະ ພາບ, ຂອດໃດທີ່ເຫັນວ່າຫຍຸ້ງ ຍາກກໍພ້ອມກັນແກ້ໄຂທັງນີ້ກໍເພື່ອ ເຮັດໃຫ້ການຈັດຕັ້ງປະຕິບັດວຽກງານດັ່ງກ່າວປະສົບຜົນສໍາເລັດ ຕາມແຜນການທີ່ວາງໄວ້. ຂ່າວແຈ້ງຕື່ມອີກວ່າ: ໃນວັນ ດຽວກັນນັ້ນ (ວັນທີ 16 ສິງຫາ 2019) ສະຫາຍ ພົນເອກ ຈັນສະ ໝອນ ຈັນຍາລາດ ລັດຖະມົນຕີ ກະຊວງປ້ອງກັນປະເທດ ແລະ ສະຫາຍ ບຸນຕົ້ນ ຈັນທະພອນ ເຈົ້າ ແຂວງໆຊຽງຂວາງ ພ້ອມດ້ວຍ ຄະນະໄດ້ລົງເຄື່ອນໄຫວກວດກາ ແລະ ຊີ້ນຳໂຄງການກໍ່ສ້າງສະ ໜາມຊ້ອມຮົບລົດຕັງລະຫວ່າງ ກອງທັບປະຊາຊົນລາວ ແລະ ກອງທັບ ຣັດເຊຍ ທີ່ບ້ານແປນ ແຂວງຊຽງຂວາງ ຕື່ມອີກ.
（ແຫຼ່ງຂໍ້ມູນ： Lao people's Army news）
