| ງານວາງສະແດງເອກະສານ ຮວ່າງຊາ, ເຈື່ອງຊາຢູ່ແຂວງບັກຢາງ | |
| ງານວາງສະແດງ ຮູບພາບ “ນໍ້າໃຈມິດຕະພາບ ຫວຽດນາມ - ໝັ້ນຄົງທະນົງແກ່ນຈົນຊົ່ວກາລະນານ” ແລະ “ສອງເອື້ອຍນ້ອງ - ສອງແນວຮົບ” |
ໃນງານວາງສະແດງດັ່ງກ່າວໄດ້ວາງສະແດງເອກະສານຫຼາຍກວ່າ 300 ສະບັບ ແລະ ຮູບພາບແຕ່ສະໄໝລາຊະວົງຫງຽນ ຈົນເຖີງປັດຈຸບັນ, ພ້ອມກັບບັນດາຮູບພາບທີ່ກ່ຽວກັບຄວາມອົງອາດກ້າຫານທີ່ມີຄຸນຄ່າທາງປະຫວັດສາດ-ຄວາມພິເສດທາງວັດທະນະທໍາ; ຄວາມສວຍສົດງົດງາມຂອງທໍາມະຊາດ ແລະ ທ່າແຮງບົ່ມຊ້ອນເພື່ອການພັດທະນາໂກນດາວໃນປັດຈຸບັນ. ວາລະການສະແດງດັ່ງກ່າວປະກອບມີ 4 ເນື້ອໃນຕົ້ນຕໍ: ໂກນດາວພາຍໃຕ້ສະໄໝລາຊະວົງຫງຽນ, ຄຸກໂກນດາວ - ປະຫວັດສາດ 113 ປີ (1862-1975), ໂກນດາວແມ່ນຄວາມພູມໃຈຂອງຄົນຫວຽດນາມ ແລະ ຕ່າງປະເທດ, ທັດສະນິຍະພາບ ແລະ ຄວາມສໍາເລັດໃນການພັດທະນາໂກນດາວ.
 |
| ພາບປະກອບ: thanhnien.vn |
ຢູ່ໃນເຂດພື້ນທີ່ວາງສະແດງ ໄດ້ມີການຢ້ຽມຢາມ ແລະ ຮຽນຮູ້ກ່ຽວກັບອະນຸສອນສະຖານອະນຸຊົນແຫ່ງຊາດ ດາລາດ, ສະຖານທີ່ສາຍຮູບພາບບັນດາເອກະສານກ່ຽວກັບອະນຸສາວະລີອະນຸຊົນແຫ່ງຊາດດາລາດ, ຮູບເງົາຄາສສິກກ່ຽວກັບການປະຕິວັດ, ບັນດາຕົວລະຄອນອະນຸຊົນທີ່ມີຊື່ສຽງຂອງຫວຽດນາມ; ຮູບເງົາທີ່ສະແດງເຖີງຄວາມອາດສາມາດ ແລະ ທ່າແຮງບົ່ມຊ້ອນຂອງດາລາດ ແລະ ໂກນດາວ...
ນອກຈາກນັ້ນ, ກໍໄດ້ເຊື້ອເຊີນອະດີດນັກໂທດຄຸກອະນຸຊົນດາລາດ ເລົ່າກ່ຽວກັບ “ເລື່ອງລາວເບື້ອງຫຼັງຂອງສິ່ງວັດຖຸ”.
ງານວາງສະແດງໃນຄັ້ງນີ້ແມ່ນໜຶ່ງໃນລາຍການທີ່ຕອບສະໜອງໃຫ້ແກ່ປີທ່ອງທ່ຽວບັນດາແຂວງພາກໃຕ້ຝັ່ງຕາເວັນອອກ ປີ 2022 ຊຶ່ງຈະສະແດງຈົນເຖີງວັນທີ 30 ເມສາ.
ວິລະຊົນ
