ເນື່ອງໃນໂອກາດສະເຫຼີມສະຫຼອງ 47 ປີແຫ່ງວັນປົດປ່ອຍພາກໃຕ້ ແລະ ທ້ອນໂຮມປະເທດເປັນເອກະພາບ (30 ເມສາ 1975 – 30 ເມສາ 2022), ຫວ່າງແລ້ວນີ້, ຄະນະໂຄສະນາສຶກສາ ຄະນະພັກນະຄອນໂຮ່ຈີມິນ ສົມທົບກັບຄະນະກຳມະການແນວໂຮມປະເທດຊາດ ຫວຽດນາມ ໄດ້ຈັດຕັ້ງພິທີປະກາດຊຸດປື້ມ “ແນວໂຮມຊົນຊາດປົດປ່ອຍພາກໃຕ້, ພັນທະມິດບັນດາກໍາລັງແຫ່ງຊາດ, ປະຊາທິປະໄຕ ແລະ ສັນຕິພາບຫວຽດນາມ, ລັດຖະບານປະຕິວັດຊົ່ວຄາວ ສາທາລະນະລັດພາກໃຕ້ຫວຽດນາມ” ເພີ່ມເຕີມ, ພິມຄືນຄັ້ງໃໝ່.
 |
| ປະກາດຊຸດປຶ້ມກ່ຽວກັບ 3 ອົງການປະຕິວັດຊົ່ວຄາວພາກໃຕ້ຢູ່ຫວຽດນາມ. (qdnd) |
ກ່າວຄຳເຫັນທີ່ພິທີ, ທ່ານ ເຈີ່ນຮຶວເຟືອກ (ອາຍຸ 90 ປີ, ຫົວໜ້າຄະນະສັງລວມ ແລະ ພິມຈຳໜ່າຍປື້ມຄືນ) ໃຫ້ຮູ້ວ່າ: ຂະບວນການຮຽບຮຽງຊຸດປຶ້ມ ໄດ້ຮັບການປະຕິບັດ ແລະ ຈັດພິມເປັນຄັ້ງທຳອິດໃນປີ 2018 ແລະ ແມ່ນຄວາມມານະພະຍາຍາມຂອງບັນດານັກຄົ້ນຄ້ວາ, ຜູ້ຕາງໜ້າບັນດາພະຍານປະຫວັດສາດ, ບັນດານັກຮຽນຮູ້, ນັກປັນຍາຊົນທີ່ມີຊື່ສຽງໃນໄລຍະປະຫວັດສາດ ຂອງກຳລັງພັນທະມິດແຫ່ງຊາດ, ປະຊາທິປະໄຕ ແລະ ສັນຕິພາບຂອງຫວຽດນາມ, ລັດຖະບານປະຕິວັດຊົ່ວຄາວ ສາທາລະນະລັດພາກໃຕ້ ຫວຽດນາມ ແລະ ແນວໂຮມຊາດປົດປ່ອຍພາກໃຕ້ ຫວຽດນາມ.
ຕາມທ່ານ ເຈີ່ນຮຶວເຟືອກ ແລ້ວ, ເມື່ອປຶ້ມນີ້ຖືກພິມຈຳໜ່າຍຄັ້ງທຳອິດ, ໄດ້ຮັບການຕີລາຄາສູງ. ຈາກນັ້ນ, ໃນປີ 2020, ປື້ມດັ່ງກ່າວກໍ່ສືບຕໍ່ໄດ້ຮັບການປັບປຸງ, ດັດແກ້ ແລະ ພິມຈຳໜ່າຍຄືນໃໝ່ ເນື່ອງໃນໂອກາດສະເຫຼີມສະຫຼອງ 60 ປີແຫ່ງວັນສ້າງຕັ້ງແນວໂຮມຊາດ ປົດປ່ອຍພາກໃຕ້ ຫວຽດນາມ (20 ທັນວາ 1960 – 20 ທັນວາ 2020).
ທ່ານ ຮວິ່ງດ້າມ, ອະດີດປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຖືວ່າ: ຊຸດປື້ມແມ່ນຕົວຢ່າງ ແລະ ສະແດງໃຫ້ເຫັນໄລຍະການເຄື່ອນໄຫວປະຕິວັດທີ່ຟົດຟື້ນຂອງແນວໂຮມປະເທດຊາດເພື່ອປົດປ່ອຍພາກໃຕ້ຫວຽດນາມ, ພັນທະມິດກໍາລັງແຫ່ງຊາດ, ປະຊາທິປະໄຕ ແລະ ສັນຕິພາບຂອງຫວຽດນາມ ແລະ ລັດຖະບານປະຕິວັດຊົ່ວຄາວ ສາທາລະນະລັດພາກໃຕ້ ຫວຽດນາມ.
ການເປີດຕົວຊຸດປຶ້ມເນື່ອງໃນໂອກາດວັນປົດປ່ອຍພາກໃຕ້ຄົບຮອບ 47 ປີ ແລະ ການໂຮມປະເທດຊາດເປັນເອກະພາບ (30 ເມສາ 1975 - 30 ເມສາ 2022) ແມ່ນມີຄວາມໝາຍ, ເລິກເຊິ່ງ ແລະ ຕື້ນຕັນໃຈທີ່ສຸດ.
ຄຳຮຸ່ງ
