| ສ້າງເງື່ອນໄຂການເຂົ້າເມືອງສຳລັບຊາວຕ່າງປະເທດ, ຊາວຫວຽດນາມ ພ້ອມກັບພີ່ນ້ອງກັບເມືອປະເທດ | |
| ແຄ໊ງຮ່ວາ ຈະຕ້ອນຮັບແຂກທ່ອງທ່ຽວລັດເຊຍ 8.000 ຄົນ ທີ່ມີໜັງສືຜ່ານແດນວັກຊິນ |
ເພື່ອໄດ້ຮັບອະນຸມັດອອກໜັງສືຜ່ານແດນສຳລັບວັກຊີນ COVID-19, ປະຊາຊົນຄວນເອົາໃຈໃສ່ບາງເງື່ອນໄຂຕໍ່ໄປນີ້:
- ຜູ້ທີ່ໄດ້ຮັບວັກຊີນ ແລະ ໄດ້ຖືກໜ່ວຍງານໃຫ້ວັກຊີນປ້ອນຂໍ້ມູນເຂົ້າໃນລະບົບ, ກວດສອບຂໍ້ມູນໃນແອັບປຶ້ມສຸຂະພາບເອເລັກໂຕຣນິກ. ຂໍ້ມູນຕ້ອງມີຄວາມຖືກຕ້ອງຊັດເຈນ, ໄດ້ຮັບການຢັ້ງຢືນຖືກຕ້ອງກັບຖານຂໍ້ມູນປະຊາກອນແຫ່ງຊາດ.
- ກໍລະນີທີ່ມີຂໍ້ມູນວັກຊີນບໍ່ຖືກຕ້ອງ ຫຼື ບໍ່ຄົບຖ້ວນ ຈະບໍ່ຮັບອະນຸຍາດອອກໜັງສືຜ່ານແດນວັກຊີນ. ໃນກໍລະນີນີ້, ຜູ້ກ່ຽວຕ້ອງຕິດຕໍ່ກັບໜ່ວຍງານໃຫ້ວັກຊີນເພື່ອເພີ່ມເຕີມ, ປັບປຸງ ແລະ ອັບເດດໂດຍກົງ ຫຼື ປ້ອນເຂົ້າຖານຂໍ້ມູນຮັບວັກຊີນ (tiemchungcovid19.gov.vn).
- ປະຊາຊົນຕ້ອງແຈ້ງຂໍ້ມູນຢ່າງຖືກຕ້ອງຊັດເຈນໃນເວລາທີ່ໄປຮັບວັກຊີນຕ້ານ COVID-19.
 |
| ພາບປະກອບ: lsvn.vn |
ໜັງສືຜ່ານແດນວັກຊີນຈະຖືກສະແດງຢູ່ໃນແອັບປຶ້ມສຸຂະພາບເອເລັກໂຕຣນິກ, PC-COVID ຫຼືເມື່ອມີຜູ້ຄົ້ນຫາໃນຖານຂໍ້ມູນຂອງກະຊວງສາທາລະນະສຸກ.
ເພື່ອການຄົ້ນຫາໄດ້ນັ້ນ, ປະຊາຊົນຈໍາເປັນຕ້ອງແຈ້ງຂໍ້ມູນລວມມີຊື່ນາມສະກຸນ, ວັນເດືອນປີເກີດ, ເພດ, ເລກປະຈໍາຕົວພົນລະເມືອງ ຫຼື ລະຫັດປະຈໍາຕົວສ່ວນບຸກຄົນ, ວັນທີຂອງຮັບວັກຊີນເຂັມລ້າສຸດ, ອີເມວ. ໃນທີ່ນີ້, ປະຊາຊົນຜູ້ທີ່ບໍ່ນຳໃຊ້ໂທລະສັບມືຖືແບບສະມາດໂຟນ ກໍສາມາດລົງທະບຽນຜ່ານທາງອີເມວ ແລະ ພິມອອກເປັນເອກະສານເພື່ອການນໍາໃຊ້.
ກະຊວງສາທາລະນະສຸກກ່າວວ່າ, ວັນທີ 15 ເມສານີ້ ຈະເລີ່ມດຳເນີນການອອກໜັງສືຜ່ານແດນວັກແຊງໃຫ້ປະຊາຊົນໃນທົ່ວປະເທດ.
ເພື່ອເຮັດໃຫ້ຂະບວນການອອກໜັງສືຜ່ານແດນວັກຊີນດຳເນີນໄປໃນຕໍ່ໜ້າຢ່າງສະດວກ ແລະ ມີປະສິດທິຜົນ, ກະຊວງສາທາລະນະສຸກໄດ້ມອບໃຫ້ກົມເຕັກໂນໂລຊີຂໍ້ມູນຂ່າວສານ ເກັບກຳຄວາມຄິດເຫັນຂອງທ້ອງຖິ່ນ ແລະ ຂະແໜງການຕ່າງໆ ເລັ່ງສ້າງຄຳແນະນຳ ຈັດຕັ້ງປະຕິບັດການອອກໜັງສືຜ່ານແດນວັກຊີນ. ບັນດາໜ່ວຍງານໃຫ້ວັກຊີນທົ່ວປະເທດ ຕ້ອງກວດກາຄືນ, ເພີ່ມເຕີມ ແລະ ຢັ້ງຢືນຂໍ້ມູນການຮັບວັກຊີນ COVID-19, ປ້ອນຂໍ້ມູນຜູ້ໄດ້ຮັບວັກຊີນ COVID-19 ໃຫ້ຄົບຖ້ວນ, ຊັດເຈນ ເຂົ້າໃນລະບົບການບໍລິການອອກໜັງສືຜ່ານແດນວັກຊີນ.
ວິລະຊົນ
