 |
| ນຳສົ່ງຄົນເຈັບໄປຍັງໂຮງໝໍ (ພາບ: TTXVN) |
ເວລາ 1 ໂມງ 30 ນາທີຂອງວັນທີ 30 ມີນາ, ກຳປັ່ນ SAR 27 – 01 ຂຶ້ນກັບສູນປະສານງານຄົ້ນຫາ, ກູ້ໄພການເດີນເຮືອ ຫວຽດນາມ (ສູນ) ໄດ້ນຳລູກເຮືອ MD Milon ມີອາຍຸ 24 ປີ, ສັນຊາດ Bangladesh ລູກເຮືອຂອງກຳປັ່ນ Izumo ທີ່ເຈັບໜ້າເອິກກັບມາທ່າກຳປັ່ນຍາຈາງ, ແຂວງແຄ໊ງຮວາ ຢ່າງປອດໄພ ແລະ ນຳສົ່ງສຸກເສີນໄປຮາກຖານສາທາລະນະສຸກທ້ອງຖິ່ນຢ່າງທັນການ.
ກ່ອນໜ້ານັ້ນ, ໃນເວລາ 15 ໂມງຂອງວັນທີ 29 ມີນາ, ສູນໄດ້ຮັບຂ່າວແຈ້ງວ່າຕ້ອງການກູ້ໄພໂດຍດ່ວນຈາກກັບຕັນຂອງກຳປັ່ນ Izumo (ສັນຊາດ Panama). ກຳປັ່ນພວມເດີນທາງຈາກຈີນ ໄປຍັງ Chennai ປະເທດອິນເດຍ. ເມື່ອໄປຮອດຈຸດດັ່ງກ່າວທີ່ຫ່າງຈາກຍາຈາງ 130 ໄມທະເລໄປທາງທິດຕາເວັນອອກສ່ຽງເໜືອ, ລູກເຮືອ MD Milon ຮູ້ສຶກເຈັບໜ້າເອິກຢ່າງຮຸນແຮງ.
ເມື່ອໄປຮອດກຳປັ່ນ Izumo, ໜ່ວຍການແພດ ແລະ ບັນດາກຳລັງສົມທົບຢູ່ທ້ອງຖິ່ນໄດ້ປະຖົມພະຍາບານເບື້ອງຕົ້ນໃຫ້ແກ່ຄົນເຈັບ ແລະ ປະຕິບັດການຮັບເອົາຄົນເຈັບ. ວິວັດການຮັບ ແລະ ນຳຄົນເຈັບກັບມາຝັ່ງ ໄດ້ປະຕິບັດຕາມຂໍ້ກຳນົດໃນການປ້ອງກັນ, ຕ້ານໂລກລະບາດໂຄວິດ - 19 ຢ່າງເຂັ້ມງວດ.
ບຸນຄົງ
