ມະຫາວິທະຍາໄລ ໂຕນດຶກຖັງ ໄດ້ເຂົ້າຢູ່ໃນ 100 ມະຫາວິທະຍາໄລໜຸ່ມ ທີ່ດີທີ່ສຸດໃນໂລກ

08:02 | 24/02/2022

ຍສໝ - ອົງການຈັດອັນດັບ ມະຫາວິທະຍາໄລ THE (THE World University Rankings) ຫາກໍປະກາດຜົນການຈັດອັນດັບ ຂອງມະຫາວິທະຍາໄລໜຸ່ມ (ມະຫາວິທະຍສໄລທີ່ກໍ່ຕັ້ງບໍ່ດົນ) ທົ່ວໂລກໃນປີ 2022. ມະຫາວິທະຍາໄລ ໂຕນດຶກຖັງ (TDTU) ຂອງຫວຽດນາມ ຈັດຢູ່ອັນດັບທີ 98 ໃນຈໍານວນ 790 ມະຫາວິທະຍາໄລທີ່ໄດ້ຮັບລາງວັນ.

ມະຫາວິທະຍາໄລ ເຊິອຸນໃຕ້ ໜູນຊ່ວຍຫວຽດນາມ 1,250,000 ວອນ ແລະ ສິ່ງທີ່ຈຳເປັນທາງການແພດ ມະຫາວິທະຍາໄລ ເຊິອຸນໃຕ້ ໜູນຊ່ວຍຫວຽດນາມ 1,250,000 ວອນ ແລະ ສິ່ງທີ່ຈຳເປັນທາງການແພດ
ມອບຂອງຂວັນກວ່າ 400 ພູດໃຫ້ແກ່ນັກສຶກສາສາກົນທີ່ພວມສຶກສາຮໍ່າຮຽນຢູ່  ມະຫາວິທະຍາໄລ 10 ແຫ່ງຢູ່ຮ່າໂນ້ຍ ມອບຂອງຂວັນກວ່າ 400 ພູດໃຫ້ແກ່ນັກສຶກສາສາກົນທີ່ພວມສຶກສາຮໍ່າຮຽນຢູ່ ມະຫາວິທະຍາໄລ 10 ແຫ່ງຢູ່ຮ່າໂນ້ຍ

THE ຈັດອັນດັບມະຫາວິທະຍາໄລທົ່ວໂລກ ທີ່ມີອາຍຸແຕ່ 50 ປີ ຫຼື ຕ່ຳກວ່າ, ເຊິ່ງໄດ້ປະກາດມາຕັ້ງແຕ່ປີ 2012. ການຈັດອັນດັບ ແມ່ນອີງໃສ່ 13 ມາດຖານ, ແບ່ງອອກເປັນ 5 ກຸ່ມ ປະກອບມີ: ການສອນ, ການຄົ້ນຄວ້າ, ການຄັດສະເໜີ, ການຮ່ວມມືສາກົນ ແລະ ການຖ່າຍທອດເຕັກໂນໂລຊີ.

ມະຫາວິທະຍາໄລ ໂຕນດຶກຖັງ ໄດ້ເຂົ້າຢູ່ໃນ 100 ມະຫາວິທະຍາໄລໜຸ່ມ ທີ່ດີທີ່ສຸດໃນໂລກ
ມະຫາວິທະຍາໄລ ໂຕນດຶກຖັງ ໄດ້ເຂົ້າຢູ່ໃນ 100 ມະຫາວິທະຍາໄລໜຸ່ມ ທີ່ດີທີ່ສຸດໃນໂລກ. (ພາບ: baolaodong)

ດ້ວຍ​ໝາກຜົນ​ການຈັດ​ອັນ​ດັບ​ນີ້, ມະຫາວິທະຍາ​ໄລ ໂຕນດຶກຖັງ ​ແມ່ນ​ມະຫາວິທະຍາ​ໄລ​ແຫ່ງ​ທຳ​ອິດ ​ແລະ ​ແຫ່ງ​ດຽວ​ຂອງ​ຫວຽດນາມ ​ທີ່ໄດ້ເຂົ້າຢູ່ໃນ 100 ມະຫາວິທະຍາ​ໄລ​ໜຸ່ມ​ດີ​ທີ່​ສຸດ​ໃນ​ໂລກ. ມະຫາວິທະຍາ​ໄລ​ໂຕນດຶກຖັງ, ​ໄດ້​ຮັບ​ການ​ສ້າງ​ຕັ້ງ​ເມື່ອ​ປີ 1997, ​ແມ່ນ​ໜຶ່ງ​ໃນ​ບັນດາ​ມະຫາວິທະຍາ​ໄລ​ແຫ່ງລັດ ​ທີ່ເຄື່ອນໄຫວຕາມ​ກົນ​ໄກ​ປົກຄອງ​ຕົນ​ເອງ.

ນອກຈາກມະຫາວິທະຍາໄລ ໂຕນດຶກຖັງ, ໃນປີນີ້ ຫວຽດນາມ ຍັງມີ 3 ມະຫາວິທະຍາໄລໄດ້ຮັບການ ຈັດອັນດັບຄື: ມະຫາວິທະຍາໄລ ຢູຍແທັງ (ອັນດັບທີ 122), ມະຫາວິທະຍາໄລແຫ່ງຊາດ ຫວຽດນາມ ຮ່າໂນ້ຍ (ອັນດັບ 301-350) ແລະ ມະຫາວິທະຍາໄລແຫ່ງຊາດ ໂຮ່ຈີມິນ (ຈັດຢູ່ໃນກຸ່ມ 401+).

ຄຳຮຸ່ງ

ທ່ານອາດຈະມັກ

ເຫດການ