 |
ພາບປະກອບ
ທີ່ກອງປະຊຸມເຜີຍແຜ່ດໍາລັດວ່າດ້ວຍການປະເມີນຜົນການຈັດຕັ້ງປະຕິບັດວຽກງານພະນັກງານ, ລັດຖະກອນທີ່ໄດ້ຈັດຂຶ້ນໃນວັນທີ 17 ກໍລະກົດນີ້ ທີ່ຫໍວັດທະນະທໍາແຫ່ງຊາດ. ທ່ານ ບົວເງິນ ຊາພູວົງ ຍົກໃຫ້ເຫັນວ່າ: ເປັນຫຍັງຈຶ່ງເວົ້າແນວນັ້ນ ກໍເນື່ອງຈາກວ່າໃນຜ່ານມາບັນດາແຮງງານ ແລະ ບຸກຄະລາກອນທີ່ໄດ້ກໍ່ສ້າງມາຢ່າງມີຄຸນນະພາບນັ້ນ ຍັງບໍ່ສາມາດຕອບສະຫນອງຄວາມຮຽກຮ້ອງຕ້ອງການຂອງຕະຫລາດ ຫລື ການລົງທຶນຕ່າງໆ, ບໍ່ວ່າຈະເປັນການຄ້າຂາຍ, ດ້ານສີມືແຮງງານກໍຍັງບໍ່ສາມາດທຽບກັບປະເທດອື່ນໄດ້, ຍ້ອນວ່າພວກເຮົາຍັງຖືເບົາຕໍ່ການຮຽນຮູ້ ແລະ ພັດທະນາຕົນເອງ, ພ້ອມຂາດຄວາມຂະຫຍັນຫ້າວຫັນໃນການປະຕິບັດຫນ້າທີ່ວຽກງານຂອງຕົນ, ເຮັດວຽກຊັກຊ້າອືດອາດບໍ່ເອົາຈິງເອົາຈັງ, ເຮັດພໍແລ້ວຕີນແລ້ວມື ໃນລັກສະນະຂີ້ຄ້ານມັກງ່າຍກໍມີຫລາຍ, ແຕ່ກົງກັນຂ້າມບັນດານັກລົງທຶນເຂົ້າມາລົງທຶນຢູ່ປະເທດເຮົາເຂົາຕ້ອງການແຮງງານຜູ້ມີສີມືດີ, ມີລະບຽບວິໄນ ແລະ ມີຄວາມອົດທົນຕໍ່ການປະຕິບັດວຽກງານສູງ. ດັ່ງນັ້ນມັນຈຶ່ງມີຄໍາຖາມຂຶ້ນວ່າ ແນວໃດເຮົາຈະສ້າງຊັບພະຍາກອນມະນຸດຢ່າງມີຄຸນນະພາບໄດ້, ເຊິ່ງສິ່ງນີ້ຈະຕ້ອງໄດ້ພ້ອມກັນປັບປຸງແກ້ໄຂ.
ທ່ານ ບົວເງິນ ຊາພູວົງ ໄດ້ກ່າວຕື່ມວ່າ: ໃນໄລຍະຜ່ານມາບັນຫາ ຕ່າງໆທີ່ເກີດຂຶ້ນຢູ່ໃນສັງຄົມ ມີຫລາຍອັນທີ່ຂັ້ນເທິງກໍຄື ສັງຄົມມີຄວາມ ເປັນຫ່ວງເປັນໃຍ, ໂດຍສະເພາະວຽກງານໃນຂະແຫນງການຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ເປັນຕົ້ນ ບັນຫາເລື່ອງປ້າຍໂຄສະນາ, ເລື່ອງຮ້ານກິນດື່ມ, ວຽກງານທ່ອງທ່ຽວ ແລະ ບັນຫາອື່ນໆ. ສະນັ້ນ, ພວກ ເຮົາຈະເຮັດແນວໃດເພື່ອເຊີດຊູວຽກງານຂອງພັກ, ວຽກງານພະນັກງານ, ວຽກງານສ້າງບຸກຄະລາກອນຂອງພວກເຮົາ ເພື່ອໃຫ້ຕອບສະຫນອງຕາມຄວາມຮຽກຮ້ອງຕ້ອງການດັ່ງກ່າວ, ເວົ້າສະເພາະ ແມ່ນວຽກງານຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໃຫ້ມີຄວາມຈະເລີນກ້າວຫນ້າ, ມີວິໄສທັດທີ່ກວ້າງໄກ ກ້າວເຂົ້າສູ່ລະບົບດີຈີຕອນ ແລະ ການນໍາໃຊ້ເຕັກໂນໂລຊີທີ່ທັນສະໄຫມ. ສະນັ້ນ, ເຮົາຈຶ່ງຕ້ອງອີງໃສ່ວຽກງານຕົວຈິງ ເພື່ອກ້າວສູ່ການພັດທະນາ, ສ້າງບຸກຄະລາກອນໃຫ້ເກັ່ງດ້ານວິຊາສະເພາະ, ເກັ່ງດ້ານການເມືອງແນວຄິດເພື່ອສ້າງເປັນພະນັກງານຄຸ້ມຄອງ, ວິຊາການ ແລະ ເປັນການນໍາລຸ້ນສືບທອດໃນອະນາຄົດຢ່າງມີຄຸນນະພາບ.
 |
ພາບປະກອບ
ປັດຈຸບັນ ວຽກງານອາຊີວະສຶກສາກຳລັງໄດ້ຮັບຄວາມສົນໃຈຈາກສັງຄົມນັບມື້ນັບຫຼາຍຂຶ້ນ ຈາກຕົວເລກການເຂົ້າສຶກສາຮ່ຳຮຽນຂອງບັນດານັກຮຽນ ເຂົ້າຮຽນສາຍວິຊາຊີບມີທ່າອຽງດີຂຶ້ນຖ້າທຽບກັບເມື່ອກ່ອນ ແລະ ນັກຮຽນທີ່ຮຽນຈົບສາຍສາມັນຈຳນວນຫຼາຍກໍສະໝັກເຂົ້າຮຽນສາຍວິຊາຊີບ ບວກກັບ ພັກ-ລັດຖະບານ ໃຫ້ການສົ່ງເສີ່ມການສ້າງວຽກເຮັດງານທຳ ເຮັດໃຫ້ວຽກງານຂະແໜງດັ່ງກ່າວໄດ້ຮັບການພັດທະນາ ແລະ ຂະຫຍາຍຕົວຢ່າງຕໍ່ເນື່ອງ. ວຽກງານອາຊີວະສຶກສາເປັນວຽກງານໜຶ່ງທີ່ພັກ-ລັດຖະບານ ໄດ້ເອົາໃຈໃສ່ມາໂດຍຕະຫຼອດ ໃນການຍົກລະດັບວິຊາຊີບໃນລະດັບຕົ້ນ ກາງ ສູງ ໃນການສ້າງນາຍຊ່າງກຳມະກອນສີມືທີ່ມີເຕັກນິກ ເພື່ອຮັບໃຊ້ໃຫ້ແກ່ການພັດທະນາເສດຖະກິດ-ສັງຄົມຂອງຊາດ ນັບແຕ່ກອງປະຊຸມໃຫຍ່ ຄັ້ງທີ VII ຂອງພັກເປັນຕົ້ນມາ (2005-2010) ໄດ້ເອົາໃຈໃສ່ເປັນພິເສດໃນການກໍ່ສ້າງນັກວິຊາການໃນລະດັບຕົ້ນ ສ້າງຄົນໃຫ້ເປັນລັກຊະນະຮູບທາດ ສ້າງນາຍຊ່າງສີມືເປັນຜູ້ຜະລິດ ເຊິ່ງໄດ້ຮັບການສະໜັບສະໜູນທຶນຮອນຈາກລັດ ແລະ ບັນດາປະເທດຄູ່ຮ່ວມພັດທະນາ ເລີ່ມແຕ່ປີ 2003 ສປປ ລາວ ໄດ້ຕັ້ງເປົ້າໃນທົ່ວປະເທດຕ້ອງມີໂຮງຮຽນວິຊາຊີບໝົດທຸກແຂວງ ແລະ ເປົ້າໝາຍນີ້ໄດ້ສຳເລັດ ໃນປີ 2008-2009 ມີການຂະຫຍາຍໂຮງຮຽນອາຊີວະສຶກສາໃນທົ່ວປະເທດ ໃນນັ້ນ ມີການຊ່ວຍເຫຼືອຈາກປະເທດເພື່ອນມິດ ອົງການຈັດຕັ້ງສາກົນ ສະຖາບັນທະນາຄານ ຫຼັກໆແມ່ນໄດ້ຮັບການຊ່ວຍເຫຼືອຈາກລັດຖະບານເຢຍລະມັນ ໃນເປົ້າໝາຍການສ້າງນາຍຊ່າງກຳມະກອນໃນອາຊີບຕ່າງໆ ເພື່ອຮັບໃຊ້ໃຫ້ແກ່ການພັດທະນາເສດຖະກິດ-ສັງຄົມໃນແຕ່ລະທ້ອງຖິ່ນ.
ເພື່ອຮອງຮັບດ້ານບຸຄະລາກອນໃຫ້ແກ່ໂຄງການທາງລົດໄຟ ລາວ-ຈີນ ກະຊວງກຳລັງຈະສ້າງວິທະຍາໄລການລົດໄຟ ທີ່ເປັນການຊ່ວຍເຫຼືອລ້າຈາກລັດຖະບານຈີນ ປັດຈຸບັນ ກຳລັງສົ່ງຄູໄປເຝິກອົບຮົມວິຊາຊີບຊ່າງໄຟຟ້າ ສັນຍານ ສ້ອມແປງກົນຈັກພາກບໍລິການພາຍໃນ ການບໍລິການພາຍນອກ ແລະ ບັນຊາລົດໄຟ (ຂັບລົດໄຟ) ເຊິ່ງສາມາດຮັບນັກຮຽນເຂົ້າຮຽນໄລຍະ 3 ປີ ຈຳນວນ 1.000 ຄົນ ຈະຮັບເຂົ້າຮຽນປີລະ 300 ຄົນ ໃຊ້ໄລຍະເວລາໃນການຮຽນ 3 ປີ ຈົບຫຼັກສູດ ເປັນອີກວິຊາຊີບໃໝ່ທີ່ຈະມີຂຶ້ນໃນເວລາອັນໃກ້ນີ້.
（ໄຊພອນ）
