| ທີມຊາດ U23 ຫວຽດນາມຕັ້ງເປົ້າໝາຍສູງສຸດໃນການແຂ່ງຂັນບານເຕະຊິງແຊ້ມອາຊີບຕາເວັນອອກສຽງໃຕ້ U23 ປີ 2022 | |
| ປີ 2022: ແຂວງຮ່າຕິງ ຍູ້ແຮງການຮ່ວມມືຮອບດ້ານກັບທ້ອງຖິ່ນຂອງລາວ |
 |
| ພາບປະກອບ |
ຕາມການຄາດຄະເນຂອງນັກຊ່ຽວຊານແລ້ວ, ປີ 2022 ການຄ້າເອເລັກໂຕຼນິກຂອງຫວຽດນາມ ຈະສືບຕໍ່ຂະຫຍາຍຕົວຢ່າງແຮງ ແລະ ສ້າງແຮງຊຸກຍູ້ການເຕີບໂຕຂອງເສດຖະກິດ. ພິເສດ, ນີ້ກໍ່ແມ່ນໂອກາດເພື່ອໃຫ້ບັນດາວິສາຫະກິດ ຫວຽດນາມ ກໍ່ສ້າງບັນດາຍຸດທະສາດດຳເນີນທຸລະກິດໃໝ່, ເຂົ້າເຖິງບັນດາຊ່ອງຈຳໜ່າຍທີ່ທັນສະໄໝ ເພື່ອເປີດກວ້າງຕະຫຼາດ ແລະ ຟື້ນຟູຫຼັງໂລກລະບາດ.
ເພື່ອສ້າງທ່ວງທ່າໃຫ້ ການຄ້າເອເລັກໂຕຼນິກ ພັດທະນາ, ທ່ານ ດັ້ງຮວ່າງຫາຍ, ຫົວໜ້າກົມ ການຄ້າເອເລັກໂຕຼນິກ ແລະ ເສດຖະກິດດິຈິຕອລ (ກະຊວງອຸດສາຫະກຳ ແລະ ການຄ້າ) ໃຫ້ຮູ້ວ່າ ໃນໄລຍະຈະມາເຖິງ, ກົມຈະສືບຕໍ່ເປີດກວ້າງໂຄງການຮ້ານຄ້າອອນລາຍຂອງຫວຽດນາມ ພ້ອມທັງຈັດຕັ້ງບັນດາການເຄື່ອນໄຫວຝຶກອົບຮົມກ່ຽວກັບ ການຄ້າເອເລັກໂຕຼນິກ ໃຫ້ບັນດາວິສາຫະກິດໃນທົ່ວປະເທດ.
ພ້ອມກັນນັ້ນ, ກົມການຄ້າເອເລັກໂຕຼນິກ ແລະ ເສດຖະກິດດີຈີຕອລ ຍັງສຸມໃສ່ປັບປຸງລະບົບຊຳລະເງິນເອເລັກໂຕຼນິກ ແລະ ຍົກສູງຄຸນນະພາບການເຄື່ອນໄຫວຂົນສົ່ງ, ມອບຮັບສິນຄ້າ, ສ້າງຄວາມໄວ້ເນື້ອເຊື່ອໃຈໃຫ້ຜູ້ບໍລິໂພກ ແລະ ຍົກສູງຄຸນນະພາບສິນຄ້າ ແລະ ຮູບພາບຂອງການຄ້າເອເລັກໂຕຼນິກຫວຽດນາມ ໃນໄລຍະ 2022 - 2025 ຈະມີບາດກ້າວບຸກທະລຸຫຼາຍຢ່າງ.
ໄຊພອນ
