| ໜ້າທີ່ພົວພັນຕ່າງປະເທດຂອງ ຫວຽດນາມ ໃນປີ 2022 | |
| ການທູດປະຊາຊົນ ປີ 2022: ນຳໜ້າ ແລະ ປ່ຽນແປງໃໝ່ |
 |
| ການນໍາສອງແຂວງຮ່າຕິງ ແລະແຂວງບໍລິຄໍາໄຊ ແລກປ່ຽນບົດບັນທຶນຊ່ວຍຈໍາປີ 2022. ພາບ: baohatinh.vn |
ຕາມແຜນການ, ແຂວງຮ່າຕິງ ຈະຜັນຂະຫຍາຍເນື້ອໃນທີ່ໄດ້ລົງນາມກັບແຂວງບໍລິຄໍາໄຊ, ຄໍາມ່ວນ ໃຫ້ມີປະສິດທິຜົນ. ກໍ່ສ້າງແຜນການ ແລະຈັດຕັ້ງປະຕິບັດບັນດາການເຄື່ອນໄຫວສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ, 45 ປີແຫ່ງວັນເຊັນສົນທິສັນຍາມິດຕະພາບ ແລະການຮ່ວມມືຫວຽດນາມ-ລາວ.
ສືບຕໍ່ໜູນຊ່ວຍການບໍາລຸງສ້າງແຫຼ່ງຊັບພະຍາກອນມະນຸດໃຫ້ທ້ອງຖິ່ນຕ່າງໆຂອງລາວ, ໃນນັ້ນເອົາໃຈໃສ່ເປັນສໍາຄັນຕໍ່ການຍົກສູງຄຸນນະພາບການບໍາລຸງສ້າງ. ເພີ່ມທະວີການຮ່ວມມືໃນບັນດາຂົງເຂດຮ່ວມມືກັບບັນດາສະມາຊິກຂອງສະຫະສະມາຄົມບັນດາແຂວງຂອງສາມປະເທດຫວຽດນາມ-ລາວ-ໄທ ທີ່ນໍາໃຊ້ທາງເລກ 8, ເລກ 12.
ເຂົ້າຮ່ວມກອງປະຊຸມກະກຽມ ແລະກອງປະຊຸມຂັ້ນສູງ 9 ແຂວງຂອງສາມປະເທດຫວຽດນາມ-ລາວ-ໄທ. ຜັນຂະຫຍາຍສົນທິສັນຍາລະຫວ່າງລັດຖະບານຫວຽດນາມ-ລາວ ກ່ຽວກັບການຮ່ວມມືພັດທະນາທ່າກໍາປັ່ນເລກທີ 1, 2, 3 ຢ່າງມີປະສິດທິຜົນຂອງທ່າກໍາປັ່ນຫວູງອ໊າງ. ສືບຕໍ່ຊຸກຍູ້ການຮ່ວມມືລະຫວ່າງວິສາຫະກິດຂອງແຂວງຮ່າຕິງ ແລະແຂວງຕ່າງໆຂອງລາວ. ກະກຽມສໍາເນົາເອກະສານ, ລະບຽບການເພື່ອລົງມືກໍ່ສ້າງໂຄງການກໍ່ສ້າງລະບົບຊົນລະປະທານເມືອງໜອງບົກ, ແຂວງຄໍາມ່ວນ ໃນໄຕມາດ I ປີ 2022 ແລະຜັນຂະຫຍາຍຂັ້ນຕໍ່ໄປຂອງໂຄງການ...
ປະຕິບັດບົດສະຫຼຸບເລກທີ 12-KL/TW ລົງວັນທີ 12 ສິງຫາ 2021 ຂອງກົມການເມືອງກ່ຽວກັບວຽກງານຊາວຫວຽດນາມ ອາໄສຢູ່ຕ່າງປະເທດໃນສະພາບການໃໝ່, ແຂວງຮ່າຕິງ ໄດ້ສ້າງເງື່ອນໄຂສະດວກ ແລະໜູນຊ່ວຍຊາວຮ່າຕິງຢູ່ຕ່າງປະເທດມີຄວາມອຸ່ນອ່ຽນໃຈທໍາມາຫາກິນ, ເຊື່ອມໂຍງເຂົ້າກັບສັງຄົມຂອງປະເທດປະຈໍາຖິ່ນ, ພ້ອມທັງຮັກສາການພົວພັນສະໜິດຕິດແທດບ້ານເກີດເມືອງນອນ, ປະເທດຊາດ. ໃນນັ້ນເອົາໃຈໃສ່, ໜູນຊ່ວຍ ແລະຈັດສົ່ງຄູສອນໄປສອນພາສາຫວຽດ ໃຫ້ລູກຫຼານປະຊາຄົມຊາວຫວຽດນາມ ອາໄສຢູ່ແຂວງບໍລິຄໍາໄຊ, ລາວ.
la.qdnd.vn
