| ທິມບານເຕະແຫ່ງຊາດ U23 ຫວຽດນາມ ສາມາດເຂົ້າແຂ່ງຂັນຮອບຊີງຊະນະເລີດກິລາບານເຕະອາຊີ 2022 | |
| ທີມຊາດ U.22 ຫວຽດນາມ ເຕົ້າໂຮມນັກເຕະບານ 30 ຄົນໃຫ້ຮອບຄັດເລືອກອາຊີ |
 |
| ພາບປະກອບ: VTV |
ໃນພິທີຖະແຫຼງຂ່າວທາງໄກກ່ອນການແຂ່ງຂັນໃນວັນທີ 13 ກຸມພາ, ທ່ານ ດິງເທນາມ ຄູຝຶກທີມຊາດຫວຽດນາມອາຍຸບໍ່ເກີນ 23 ປີ U23 ກ່າວວິເຄາະວ່າ: ທີມຊາດ U23 ຫວຽດນາມ ກໍຄືບັນດາທີມຊາດອື່ນ ທີ່ເຂົ້າຮ່ວມການແຂ່ງຂັນບານເຕະຊິງແຊ້ມ U23 ທີ່ປະເທດກຳປູເຈຍ ທີມໃດກໍມີການກະກຽມຄວາມພ້ອມທີ່ດີທີ່ສຸດໃຫ້ແກ່ການແຂ່ງຂັນຄັ້ງນີ້.
ຫຼາຍທີມທີ່ເຂົ້າຮ່ວມແມ່ນມາດ້ວຍເປົ້າໝາຍສູງສຸດ, U23 ຫວຽດນາມ ຈະແຂ່ງຂັນສຸດເຫື່ອແຮງເພື່ອໄປບັນລຸເປົ້າໝາຍສູງສຸດເທົ່າທີ່ຈະເປັນໄປໄດ້. ທີມຊາດຫວຽດນາມສ່ວນໃຫຍ່ປະກອບດ້ວຍບັນດານັກເຕະທີ່ມີອາຍຸຕໍ່ກວ່າ 21 ປີ ແລະ ການແຂ່ງຂັນຄັ້ງນີ້ ຈະເປັນໂອກາດທີ່ໃຫ້ບັນດານັກເຕະນັ້ນໄດ້ເກັບກ່ຽວປະສົບການເທິງສະໜາມອີກລະດັບໜຶ່ງເພື່ອກະກຽມໃຫ້ແກ່ອະນາຄົດການເປັນນັກເຕະລະດັບຊາດ.
ໃນການແຂ່ງຂັນບານເຕະຊິງແຊ້ມທີມຊາດ U23 ອາຊີຕາເວັນອອກສຽງໃຕ້ ປີ 2022, ທີມຊາດ U23 ຫວຽດນາມນອນຢູ່ໃນກຸ່ມ C ຮ່ວມກັບ ທີມຊາດ U23 ສິງກະໂປ ແລະ U23 ໄທ ຊຶ່ງຄູຝຶກ ດິງເທນາມ ຮ່ວມກັບລູກທີມ ຈະໄດ້ພົບກັບທີມຊາດ U23 ສິງກະໂປ ເປັນນັດທຳອິດຂອງການແຂ່ງຂັນ ໃນວັນທີ 19 ກຸມພາ.
ວິລະຊົນ
