| ກອງທຶນໄຕ້ຫວັນຮ່ວມມືກັບ VinaCapital ລົງທຶນເຂົ້າຕະຫຼາດຫຼັກຊັບ ຫວຽດນາມ | |
| ປະກາດຍຸດທະສາດພັດທະນາຂະແໜງກະສິກຳແບບຍືນຍົງ ໄລຍະ 2021 – 2030, ວິໄສທັດຮອດປີ 2050 |
 |
| ພາບປະກອບ: baoquocte.vn |
ທ່ານ Filippo Bortoletti, ຜູ້ອໍານວຍການຂັ້ນສຸງພາກສ່ວນທຸລະກິດສາກົນ ຢູ່ ບໍລິສັດທີ່ປຶກສານາໆຊາດ Dezan Shira & Associates ໃຫ້ຮູ້ວ່າ: ຂະແໜງ logistics ຂອງຫວຽດນາມ ຍັງຄົງດຶງດູດນັກລົງທຶນຕ່າງປະເທດ.
"ລູກຄ້າສາມາດສຳຜັດກັບຄວາມແຕກຕ່າງກັນຢ່າງຫຼວງຫຼາຍໃນຄຸນນະພາບ ແລະ ຄວາມເປັນມືອາຊີບລະຫວ່າງບັນດາບໍລິສັດ logistics ຢ່າງແທ້ຈິງ. ບັນດາວິສາຫະກິດ ທີ່ມີທຶນລົງທຶນໂດຍກົງຈາກຕ່າງປະເທດ (FDI) ສ້າງລາຍຮັບຢູ່ຕະຫຼາດຫວຽດນາມ ເພີ່ມຂຶ້ນ ເພາະມີທ່າໄດ້ປຽບໃນການແກ່ງແຍ້ງກວ່າເມື່ອທຽບໃສ່ບັນດາວິສາຫະກິດພາຍໃນປະເທດ.
ເນື່ອງຈາກຫຼາຍບໍລິສັດຢຸດເຊົາດໍາເນີນທຸລະກິດໃນໄລຍະໂລກລະບາດ, ພ້ອມທັງບົດບາດທີ່ນັບມື້ນັບສໍາຄັນຂອງຫວຽດນາມໃນລະບົບຕ່ອງໂສ້ການສະຫນອງທົ່ວໂລກ, ຂະແໜງ logistics ຈະສືບຕໍ່ພັດທະນາຢ່າງໄວ, ມີໂອກາດຫຼາຍສໍາລັບນັກລົງທຶນຕ່າງປະເທດ,” ທ່ານ Bortoletti ໃຫ້ຮູ້.
ຕາມກະຊວງອຸດສາຫະກຳ ແລະ ການຄ້າແລ້ວ, ປະຈຸບັນ ຫວຽດນາມ ມີບໍລິສັດຂົນສົ່ງ 4.000 ກວ່າແຫ່ງພວມດຳເນີນທຸລະກິດ. ນັກລົງທຶນຕ່າງປະເທດຫຼາຍຄົນພວມເຄື່ອນໄຫວລົງທຶນເຂົ້າຕະຫຼາດຫວຽດນາມ. ຫວ່າງມໍ່ໆມານີ້, GLP ໄດ້ປະກາດສ້າງຕັ້ງ GLP Vietnam Development Partners I (GLP VDP I) ດ້ວຍຍອດມູນຄ່າການລົງທຶນ 1,1 ຕື້ USD. ກອງທຶນດັ່ງກ່າວໄດ້ຮັບຄໍາຫມັ້ນສັນຍາຈາກກຸ່ມນັກລົງທຶນທີ່ຫລາກຫລາຍຈາກກອງທຶນບໍານານ, ກອງທຶນລົງທືນແຫ່ງຊາດ ແລະ ບໍລິສັດປະກັນໄພຈາກອາຊີ, ເອີຣົບ, ອາເມລິກາເຫນືອ ແລະ ຕາເວັນອອກກາງ.
ທ່ານ Craig A. Duffy, ຜູ້ອຳນວຍການຝ່າຍບໍລິຫານພາກສ່ວນຄຸ້ມຄອງກອງທຶນໃຫ້ຮູ້ວ່າ: “ກະແສເງິນລົງທຶນຈາກບັນດາກຸ່ມບໍລິສັດທີ່ເປັນມືອາຊີບເຂົ້າໃນຂະແໜງ logistics ຢູ່ອາຊີ-ປາຊີຟິກ ແມ່ນເຂັ້ມແຂງຫຼາຍ ແລະ ພິເສດແມ່ນຢູ່ພາກພື້ນອາຊີຕາເວັນອອກສ່ຽງໃຕ້. ໃນນັ້ນ, ຫວຽດນາມ ໄດ້ຮັບຖືວ່າແມ່ນໜຶ່ງໃນບັນດາຕະຫຼາດທີ່ດຶງດູດທີ່ສຸດ ຍ້ອນປະຊາກອນຂະຫຍັນຂັນເຄື່ອນ, ເສດຖະກິດພວມມີການເຕີບໂຕ ແລະ ການຊົມໃຊ້ພາຍໃນຂອງຄົນຊັ້ນກາງເພີ່ມຂຶ້ນ.
ກຸ່ມບໍລິສັດ WHA Corporation PCL (ປະເທດໄທ) ໄດ້ປະກາດແຜນການລາຍຮັບໃໝ່ໂດຍການລົງທຶນ 50 ຕື້ບາດສະກຸນເງິນໄທ (1.51 ຕື້ໂດລາສະຫະລັດ) ໃນໄລຍະ 5 ປີຕໍ່ໜ້າ. ໃນນັ້ນ, ນອກຈາກການລົງທຶນດ້ານເຕັກໂນໂລຊີດີຈີຕອນແລ້ວ, ສ່ວນໜຶ່ງຂອງການລົງທຶນນີ້ຈະນຳໃຊ້ເພື່ອຜັນຂະຫຍາຍຢູ່ຫວຽດນາມ. WHA ວາງແຜນທີ່ຈະຂະຫຍາຍເຂດອຸດສາຫະກຳ 352 ເຮັກຕາຢູ່ແຂວງ ເງ້ອານ ໃນໄຕມາດທີ 1 ປີ 2022. ກຸ່ມບໍລິສັດດັ່ງກ່າວຄາດວ່າຍອດຂາຍໃນໄທ ແລະ ຫວຽດນາມ ຈະເພີ່ມຂຶ້ນ 46 % ໃນປີນີ້.
ຕາມທ່ານ Bortoletti ແລ້ວ, ບັນດາບໍລິສັດຕ່າງປະເທດໃນຂະແໜງ logistics ຍັງມີທ່າໄດ້ປຽບໃນການແກ່ງແຍ້ງຢ່າງແຮງ, ດ້ວຍເຕັກໂນໂລຢີ ແລະ ຂະບວນການທີ່ມີປະສິດທິຜົນ, ຄຸນນະພາບການບໍລິການທີ່ດີ, ແຫຼ່ງຊັບພະຍາກອນມະນຸດ ແລະ ເຕັກໂນໂລຢີທີ່ເຂັ້ມແຂງ. ທ່ານກ່າວວ່າ "ບັນດາບໍລິສັດຕ່າງປະເທດມີຄວາມກຽມພ້ອມທີ່ຈະຂຸດຄົ້ນການບໍລິການ logistics ພາຍໃນປະເທດເພື່ອເຂົ້າເຖິງ ຕະຫຼາດ ຢ່າງໄວວາ ແລະ ໄດ້ຮັບຜົນຕອບແທນໃນທາງບວກຈາກການລົງທຶນ".
ທ່ານ Bortoletti ຊີ້ອອກວ່າ ກາລະໂອກາດຕົ້ນຕໍເພື່ອໃຫ້ບັນດາວິສາຫະກິດຕ່າງປະເທດ ເມື່ອແຊກຊຶມຕະຫລາດ logistics ຂອງຫວຽດນາມ ແມ່ນມາຈາກໂຄງປະກອບຂອງຂະແໜງການ. ດ້ວຍບໍລິສັດສ່ວນໃຫຍ່ມີຂະໜາດນ້ອຍ ແລະ ຄ່າຂົນສົ່ງສູງ, ບັນດາບໍລິສັດຕ່າງປະເທດສາມາດແຊກຊຶມຕະຫຼາດໄດ້ໄວໂດຍການໃຊ້ປະໂຫຍດຈາກເທັກໂນໂລຊີທີ່ເໜືອກວ່າ ແລະ ຂະບວນການທີ່ມີປະສິດທິພາບ.
ໄຊພອນ
