 |
| ພາບປະກອບ |
ບໍລິສັດຫຸ້ນສ່ວນ ຄຸ້ມຄອງກອງທຶນ VinaCapital (VCFM) ໂດຍແມ່ນສະມາຊິກຂອງ ກຸ່ມບໍລິສັດ VinaCapital ຫາກໍ່ກາຍເປັນຫົວໜ່ວຍໃຫ້ຄຳປຶກສາຂອງ Jih Sun Securities Investment Trust ໂດຍແມ່ນຫົວໜ່ວຍເຮັດວຽກຂຶ້ນກັບກຸ່ມບໍລິສັດການບໍລິການການເງິນແຖວໜ້າຂອງ ໄຕ້ຫວັນ (ຈີນ), ເຮັດວຽກໂດຍກົງ ກັບ Jih Sun Vietnam Opportunity Fund (JSVOF) ເຊິ່ງແມ່ນ ກອງທຶນຫາກໍ່ສ້າງຕັ້ງ ແລະ ຫາກໍ່ປະຕິບັດສຳເລັດການ IPO ໃນວັນທີ 19 ມັງກອນ 2022 ດ້ວຍທຶນຮຽກຮ້ອງແມ່ນ 143 ລ້ານ USD.
ທະນາຄານຕິດຕາມຂອງ ກອງທຶນ JSVPF ແມ່ນທະນາຄານ Taiwan Cooperative Bank ໂດຍແມ່ນໜຶ່ງໃນ 3 ທະນາຄານແຖວໜ້າຂອງ ໄຕ້ຫວັນ ແລະ ຢືນຢູ່ອັນດັບທີ 162 ໃນທົ່ວໂລກປີ 2020 ຕາມວາລະສານ The Banker.
VinaCapital ຈະສະໜອງບັນດາຄຳປຶກສາລົງເລິກຂະແໜງຢ່າງເລິກເຊິ່ງກວ້າງຂວາງ ແລະ ບົດຮຽນປະສົບການຢູ່ຕະຫຼາດ ຫວຽດນາມ ໂດຍອີງໃສ່ບັນຊີລາຍຊື່ລົງທຶນທີ່ເຂົາເຈົ້າໄດ້ກໍ່ສ້າງລວມມີຫຸ້ນສ່ວນຂອງບັນດາບໍລິສັດແຖວໜ້າ ແລະ ມີການພັດທະນາໂດຍໄວຢູ່ ຫວຽດນາມ.
ທ່ານ ຜູ້ອຳນວຍການໃຫຍ່ບໍລິສັດຄຸ້ມຄອງກອງທຶນ Vina Capital ແບ່ງປັນວ່າ: ນັບມື້ນັບມີຫຼາຍນັກລົງທຶນສາກົນ ມີຄວາມດຶງດູດໃຈຍ້ອນການເຕີບໂຕດ້ານເສດຖະກິດຂອງ ຫວຽດນາມ ແລະ ມີຄວາມຫວັງຢາກເຂົ້າຮ່ວມຕະຫຼາດນີ້. ພວກຂ້າພະເຈົ້າຫວັງວ່າຈະມີບ້ວງເງິນລົງທຶນໃຫ້ຫຼາຍກ່ວາອີກ ເຂົ້າມາຕະຫຼາດ ຫວຽດນາມ ແລະ ຍາມໃດກໍ່ກຽມພ້ອມການໜູນຊ່ວຍບັນດານັກລົງທຶນສາກົນທີ່ມີຄວາມສຸດຈິດສຸດໃຈຕໍ່ ຫວຽດນາມ ມາລົງທຶນຢ່າງສຳເລັດຜົນເຂົ້າບັນດາຂົງເຂດທີ່ມີຄວາມສາມາດບົ່ມຊ້ອນຂອງປະເທດ ແລະ ນຳຜົນປະໂຫຍດດີທີ່ສຸດມາໃຫ້ລູກຄ້າຂອງເຂົາເຈົ້າ.
ບຸນຄົງ
