| ນາຍົກລັດຖະມົນຕີ ຕົກລົງຊື້ວັກຊິນ Pfizer ຈຳນວນ 21,9 ລ້ານໂດສ ໃຫ້ແກ່ເດັກໃນເກັ່ນອາຍຸແຕ່ 5 ຫາ 11 ປີ | |
| ທ່ານນາຍົກລັດຖະມົນຕີ ຟ້າມມິງຈິງ ອວຍພອນບຸນເຕັດຕຳຫຼວດນະຄອນຮ່າໂນ້ຍ |
 |
| ທ່ານນາຍົກລັດຖະມົນຕີ ຟ້າມມິງຈິງ ໂອ້ລົມທາງໂທລະສັບກັບທ່ານປະທານ, ຜູ້ບໍລິຫານກຸ່ມບໍລິສັດ Pfizer Albert Bourla (ພາບ: CGV) |
ທີ່ການໂອ້ລົມທາງໂທລະສັບ, ທ່ານນາຍົກລັດຖະມົນຕີ ຟ້າມມິງຈິງ ໄດ້ສະແດງຄວາມຂອບໃຈ, ຕີລາຄາສູງກຸ່ມບໍລິສັດ Pfizer ແລະ ທ່ານປະທານ Pfizer ໄລຍະຜ່ານມາ ໄດ້ສົມທົບກັບບັນດາອົງການຂອງຫວຽດນາມ ຢ່າງມີປະສິດທິຜົນ ເພື່ອປະຕິບັດສຳເລັດການສະໜອງວັກຊິນກັນໂຄວິດ - 19 ຈຳນວນ 51 ລ້ານໂດສ ໃຫ້ແກ່ ຫວຽດນາມໂດຍໄວ ແລະ ຄົບຖ້ວນ ຕາມຂໍ້ສະເໜີຂອງ ຫວຽດນາມ ຢູ່ການໂອ້ລົມທາງໂທລະສັບກັບທ່ານນາຍົກລັດຖະມົນຕີ ເມື່ອວັນທີ 20 ສິງຫາ 2021.
ທ່ານນາຍົກລັດຖະມົນຕີ ຟ້າມມິງຈິງ ໃຫ້ຮູ້ວ່າ ໄລຍະຜ່ານມາ ຫວຽດນາມ ໄດ້ນຳເຂົ້າວັກຊິນ Pfizer ເພື່ອສັກໃຫ້ເດັກໃນເກນອາຍຸ 12 – 17 ປີ, ມາຮອດປັດຈຸບັນ ການສັກເຂັມທີ 1 ບັນລຸເກືອບ 96%, ເຂັມທີ 2 ບັນລຸເກືອບ 90% ແລະ ນີ້ແມ່ນຄວາມມານະພະຍາຍາມອັນໃຫຍ່. ສິ່ງນີ້ຊ່ວຍໃຫ້ເດັກນ້ອຍມີຄວາມອຸ່ນອ່ຽນໃຈ ແລະ ປອດໄພກ່ວາ ເມື່ອໄປໂຮງຮຽນຄືນໃໝ່.
ທ່ານນາຍົກລັດຖະມົນຕີສະເໜີໃຫ້ທ່ານ ປະທານ, ຜູ້ອຳນວຍການຝ່າຍບໍລິຫານ Pfizer ສືບຕໍ່ເອົາໃຈໃສ່ຊຸກຍູ້ວຽກງານສະໜອງວັກຊິນ 22 ລ້ານໂດສໃຫ້ແກ່ເດັກທີ່ມີອາຍຸແຕ່ 5 – 12 ປີຢູ່ ຫວຽດນາມ ຍິ່ງໄວກໍ່ຍິ່ງດີ ໃນຊຸມວັນຈະມາເຖິງ, ມານະພະຍາມປະຕິບັດສຳເລັດສັນຍາສະໜອງໃນເດືອນເມສາ, ຊ້າສຸດແມ່ນໃນເດືອນພຶດສະພາ ປີ 2022.
ທ່ານນາຍົກລັດຖະມົນຕີ ກໍ່ສະເໜີໃຫ້ Pfizer ອັບເດດ, ສະໜອງຂໍ້ມູນກ່ຽວກັບວິວັດການພັດທະນາວັກຊິນຊະນິດໃໝ່ຢ່າງເປັນປະຈຳ, ພ້ອມທັງສະໜອງ, ຖ່າຍທອດເຕັກໂນໂລຢີຜະລິດຢາປິ່ນປົວເຊື້ອໄວຣັດສາຍພັນຕ່າງໆ.
ທ່ານປະທານ Pfizer Albert Bourla ໃຫ້ຮູ້ວ່າ Pfizer ກໍ່ຄືທ່ານເອງ ກໍມີຄວາມປະທັບໃຈທີ່ສຸດຕໍ່ບັນດາຄວາມມານະພະຍາຍາມ, ຜົນງານຂອງ ລັດຖະບານ ຫວຽດນາມ ໃນການຜັນຂະຫຍາຍຍຸດທະສາດສັກວັກຊິນຢ່າງມີປະສິດທິຜົນ, ສ້າງການປ່ຽນແປງໃໝ່ຕໍ່ສຸຂະພາບຂອງຊາວຫວຽດນາມ.
ທ່ານ Albert Bourla ຢັ້ງຢືນຈະມານະພະຍາຍາມຈົນສຸດຄວາມສາມາດຂອງຕົນ ແລະ ເພີ່ມຄວາມໄວໃນການປະຕິບັດສັນຍາ, ສະໜອງວັກຊິນໂດຍໄວສຳລັບເດັກນ້ອຍທີ່ມີອາຍຸແຕ່ 5 – 12 ປີໃຫ້ແກ່ ຫວຽດນາມ, ພະຍາຍາມສະໜອງໃນຊຸມອາທິດຈະມາເຖິງ ດ້ວຍຄວາມໄວທີ່ສຸດເທົ່າທີ່ຈະໄວໄດ້. ທ່ານ Albert Bourla ກໍ່ໃຫ້ຮູ້ວ່າ Pfizer ອາດຈະຮ່ວມມືກັບ ຫວຽດນາມ ໃນການຖ່າຍທອດເຕັກໂນໂລຢີຜະລິດຢາປິ່ນປົວໂຄວິດ - 19.
ເນື່ອງໃນໂອກາດນີ້, ທ່ານນາຍົກລັດຖະມົນຕີ ໄດ້ເຊື້ອເຊີນທ່ານປະທານ, ຜູ້ອຳນວຍການຝ່າຍບໍລິຫານກຸ່ມບໍລິສັດ Pfizer ມາຍັງ ຫວຽດນາມ ໃນຖານະເປັນແຂກຖືກເຊີນຂອງ ນາຍົກລັດຖະມົນຕີ ເພື່ອແລກປ່ຽນ ແລະ ຊຸກຍູ້ແຜນການຮ່ວມມືທີ່ຍາວນານລະຫວ່າງ ກຸ່ມບໍລິສັດ Pfizer ແລະ ຫວຽດນາມ.
ບຸນຄົງ
