ທີ່ການພົບປະຢູ່ສູນຄົ້ນຫາ ແລະກູ້ໄພທາງທະເລຫວຽດນາມ (ກົມເດີນທະເລ, ກະຊວງຄົມມະນາຄົມຂົນສົ່ງ), ທ່ານຮອງນາຍົກລັດຖະມົນຕີ ຟ້າມບິ່ງມິງ ປາດຖະໜາວ່າ ສູນປະສານງານຄົ້ນຫາ ແລະກູ້ໄພທາງທະເລຫວຽດນາມ ຈະນັບມື້ນັບມານະພະຍາຍາມກວ່າອີກ ເພື່ອກູ້ໄພຜູ້ຄົນຢູ່ທະເລໂດຍໄວ, ຍົກສູງ ປະສິດທິຜົນໜ້າທີ່ວຽກງານໃຫ້ນັບມື້ນັບດີຂຶ້ນກວ່າອີກ.
 |
| ບັນຍາກາດທີ່ການພົບປະ. ພາບ: vov.vn |
ສູນປະສານງານຄົ້ນຫາ ແລະກູ້ໄພທາງທະເລຫວຽດນາມ ຕ້ອງເພີ່ມທະວີ ວຽກງານຮ່ວມມືສາກົນກັບບັນດາປະເທດພັດທະນາໃນຂົງເຂດຄົ້ນຫາ ແລະກູ້ໄພຢູ່ທະເລກ່ຽວກັບວຽກງານບຳລຸງສ້າງ, ຝຶກແອບ, ພັດທະນາແຫຼ່ງຊັບ ພະຍາກອນມະນຸດ, ອຸປະຖໍາອຸປະກອນ, ພາຫະນະສະເພາະໃນການຄົ້ນຫາ ແລະກູ້ໄພກວ່າອີກ.
ທ່ານຮອງນາຍົກລັດຖະມົນຕີ ຟ້າມບິ່ງມິງ ຕີລາຄາສູງ ແລະຍ້ອງຍໍຊົມເຊີຍບັນດາໝາກຜົນທີ່ບັນລຸໄດ້ໃນຊຸມປີມໍ່ໆມານີ້ຂອງສູນປະສານງານຄົ້ນຫາ ແລະກູ້ໄພທາງທະເລ ຫວຽດນາມ.
ທ່ານຮອງນາຍົກລັດຖະມົນຕີ ເນັ້ນໜັກວ່າ: ການເຄື່ອນໄຫວນີ້ບໍ່ພຽງຢຸດຢູ່ແຕ່ການກູ້ໄພ, ກູ້ຊີິບເທົ່ານັ້ນ ຫາກຍັງປະກອບສ່ວນປົກປັກຮັກສາອະທິປະໄຕຂອງປະເທດຢູ່ນ່ານທະເລຂອງປະເທດຊາດອີກດ້ວຍ.
ບູນມີ
