| ວາດພາບບັນຍາກາດບຸນປີໃໝ່ປະຈໍາຊາດຫວຽດນາມ ຜ່ານເອກະສານສຳເນົາ | |
| ງານວາງສະແດງ “ບຸນເຕັດດັ້ງເດີມ” ວາງສະແດງເອກະສານ ແລະຮູບພາບທີ່ເປັນເອກະລັກສະເພາະກ່ວາ 100 ແຜ່ນກ່ຽວກັບບຸນປີໃໝ່ປະຈໍາຊາດ |
 |
| ຄາບເຂົ້າບຸນເຕັດ |
ບຸນເຕັດຂອງ ຊາວຫວຽດນາມ ຈຳເປັນຕ້ອງມີຄາບເຂົ້າດ້ວຍເຍື່ອງອາຫານພິເສດເຊິ່ງວັນທຳມະດາບໍ່ຄ່ອຍເຫັນ. ຕາມບັນດານັກສິລະປິນແລ້ວ, ອາຫານການກິນຍາມບຸນເຕັດ ເຄີຍມີລັກສະນະພາກເຂດ. ປັດຈຸບັນ, ແມ່ຍິງມີການຄັດເລືອກຫຼາຍຢ່າງໃນການກະກຽມຄາບເຂົ້າຍາມບຸນເຕັດ. ແຕ່ວ່າ ຊ້ອນແຝງໃນແນວຄິດຈິດໃຈຂອງຊາວຫວຽດ, ເຖີງວ່າ ປະສົບຜົນສຳເລັດແນວໃດ, ການດຳລົງຊີວິດຮັ່ງມີລ້ຳລວຍເທົ່າໃດກໍ່ຕາມ ແຕ່ຄາບເຂົ້າບຸນເຕັດຫວຽດ ໃນຊຸມວັນບຸນເຕັດ ຍາມໃດກໍ່ແມ່ນສັນຍາລັກໃຫ້ແກ່ບົດບາດຂອງແມ່ຍິງໃນຄອບຄົວ.
ຄາບເຂົ້ານັ້ນຕ້ອງໄດ້ຮັບການປຸງແຕ່ງດ້ວຍມືຂອງແມ່ຍິງ ຫາກບໍ່ແມ່ນເຍື່ອງອາຫານຊື້ຢູ່ນອກ. ຖ້າປຸງແຕ່ງໄດ້ຄາບເຂົ້າໜຶ່ງທີ່ສົມບູນແບບໃນວັນທີ 1 ບຸນເຕັດ ເພື່ອຖະຫວາຍບູຊາບັນພະບຸລຸດນັັັັ້ນ, ບັນດາສະມາຊິກໃນຄອບຄົວກໍ່ຈະເຫັນໄດ້ເຖິງຂະໜົບທຳນຽນຂອງຄອບຄົວ, ຮູ້ສຶກໄດ້ເຖິງຄວາມອົບອຸ່ນ ແລະ ນ້ຳໃຈຄວາມຮັກແພງທີ່ສະໜິດສະໜົມ. ສິ່ງສັກກະລະບູຊາກ່ວາສິ່ງໃດໝົດນັ້ນແມ່ນ ຄາບເຂົ້າບຸນເຕັດແມ່ນວິທີເພື່ອນຳພໍ່ແມ່ພີ່ນ້ອງໝົດທຸກຄົນໃນຄອບຄົວ ເຕົ້າໂຮມກັນໃນວັນຕົ້ນປີໃໝ່, ບູຊາບັນພະບຸລຸດ, ປະຕິບັດບັນດາພິທີທີ່ເປັນມູນເຊື້ອຄືອວຍພອນບຸນເຕັດ, ອວຍພອນສຸຂະພາບ ດ້ວຍການມອບອັງເປົາ, ພ້ອມກັນກິນຄາບເຂົ້າທຳອິດຂອງປີໃໝ່, ຫຼັງຈາກນັ້ນ, ແຕ່ລະຄົນ ຈຶ່ງໄປເຮັດວຽກອື່ນ.
ຄາບເຂົ້າຮ່າໂນ້ຍ ໄດ້ຮັບການຕີລາຄາແມ່ນມີແບບມີແຜນ ແລະ ຮັກສາໄດ້ຈຸດທີ່ເປັນມູນເຊື້ອຂອງ ຊາວຫວຽດນາມ. ຄາບເຂົ້າບຸນເຕັດຫວຽດ ທີ່ເປັນເອກະລັກສະເພາະບໍ່ສາມາດຂາດເຍື່ອງອາຫານຕ່າງໆຄື: ເຂົ້າຕົ້ມ, ເຂົ້າໜຽວ, ຢໍ່, ໄກ່, ໝູໜາວ, ຂາໝູຕົ້ມໃສ່ໜໍ່ໄມ້. ຄວາມໝາຍຂອງຄາບເຂົ້າສະແດງໃຫ້ເຫັນຄວາມອີ່ມໜຳສຳລານ, ບັນດາຈຸດວັດທະນະທຳທີ່ເປັນມູນເຊື້ອ ໂດຍໄດ້ຮັບການກະກຽມຈາກແມ່ຍິງໃນຄອບຄົວ. ຜ່ານການກະກຽມຄາບເຂົ້າວັນບຸນເຕັດ, ແມ່ຍິງສະແດງໃຫ້ເຫັນບົດບາດເບິ່ງແຍງດູແລໃຫ້ແກ່ຄອບຄົວ, ເຕົ້າໂຮມບັນດາສະມາຊິກໃນຄອບຄົວໃນຊຸມວັນຕົ້ນປີ. ເຖິງວ່າ ຊີວິດການເປັນຢູ່ມີການປ່ຽນແປງຫຼາຍຢ່າງກໍ່ຕາມ ແຕ່ມູນເຊື້ອແຕ່ກີ້ແຕ່ກ່ອນຍັງແມ່ນຮູບພາບຄອບຄົວເຕົ້າໂຮມກັນອ້ອມຄາບເຂົ້າໃນຊຸມວັນທຳອິດຂອງປີ. ບັນດາຮູບພາບແຫ່ງຄວາມຜາສຸກ, ອົບອຸ່ນນັ້ນ ຍັງຈາລຶກໃນໃຈຂອງຊາວຫວຽດນາມ ແຕ່ລະຄົນຢູ່ຕະຫຼອດເວລາ.
ບຸນຄົງ
