| ດ່າລາດ, ຫວຸງເຕົ່າ ແລະ ຮ້າລອງ ໄດ້ຮັບລາງວັນນະຄອນທ່ອງທ່ຽວສະອາດອາຊຽນ 2022 | |
| ມອບຂອງຂວັນ 600 ພູດ ໃຫ້ແກ່ຄົນທຸກຍາກຢູ່ເມືອງມູ່ກັງຈ໊າຍ |
 |
| ທ່ານຮອງປະທານສະພາແຫ່ງຊາດ ຫວຽດນາມ ເຈິ່ນກວາງເຟືອງ ພ້ອມດ້ວຍຄະນະປະຕິບັດງານ ໄດ້ໄປຢ້ຽມຢາມ ແລະ ອວຍພອນກຳລັງປະກອບອາວຸດ ທະຫານເຂດ 9 ເນື່ອງໃນໂອກາດບຸນປີໃໝ່ປະຈຳຊາດ ຫວຽດນາມ 2022. |
ທ່ານຮອງປະທານສະພາແຫ່ງຊາດ ຕີລາຄາສູງກຳລັງປະກອບອາວຸດທະຫານເຂດ 9 ໃນຕະຫຼອດໄລຍະຜ່ານມາ, ສຸມໃສ່ວຽກງານປ້ອງກັນ, ຕ້ານໂລກລະບາດໂຄວິດ - 19, ພິເສດແມ່ນແຕ່ງຕັ້ງພະນັກງານ, ນັກຮົບເຂົ້າຮ່ວມການໜູນຊ່ວຍທ້ອງຖິ່ນໃນວຽກງານປ້ອງກັນ, ຕ້ານໂລກລະບາດ, ເກັບກ່ຽວຜົນລະປູກ, ທ່ານຮອງປະທານສະພາແຫ່ງຊາດ ຫວຽດນາມ ເຈິ່ນກວາງເຟືອງ ເນັ້ນໜັກວ່າ ໃນໄລຍະຈະມາເຖິງ, ກຳລັງປະກອບອາວຸດທະຫານເຂດ 9 ຈົ່ງສືບຕໍ່ສົມທົບກັບທ້ອງຖິ່ນຕ່າງໆຢູ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ຢ່າງແໜ້ນແຟ້ນ ເພື່ອປະຕິບັດໜ້າທີ່ປ້ອງກັນຊາດ, ປ້ອງກັນຄວາມສະຫງົບໃຫ້ມີປະສິດທິຜົນ ແລະ ປ້ອງກັນ, ຕ້ານໂລກລະບາດໂຄວິດ - 19; ຈັດຕັ້ງການຕ້ອນຮັບບຸນປີໃໝ່ໃຫ້ແກ່ທະຫານ ແລະ ປະຊາຊົນໃຫ້ເປັນຢ່າງດີ.
ໂດຍສືບຕໍ່ການຢ້ຽມຢາມ ແລະ ມອບຂອງຂວັນເນື່ອງໃນໂອກາດບຸນປີໃໝ່ຢູ່ເກາະແຫ່ງຕ່າງໆຢູ່ເຂດທະເລທາງທິດຕາເວັນຕົກສ່ຽງໃຕ້, ວັນທີ 12 ພະຈິກ, ຄະນະປະຕິບັດງານຂອງກອງບັນຊາການທະຫານເຂດ 5 ທະຫານເຮືອ, ບັນດາແຂວງ, ນະຄອນເຂດທົ່ງພຽງແມ່ນ້ຳຂອງ ຫວຽດນາມ, ແຂວງ ບິ່ງດິ້ງ, ດົງນາຍ ແລະ ບັນດານັກຂ່າວ ກໍໄດ້ໄປຢ້ຽມຢາມ, ມອບຂອງຂວັນອວຍພອນບັນດາກົມກອງຢູ່ເກາະ ໂທ່ຈູ ແຂວງ ກຽນຢາງຂອງ ຫວຽດນາມ ເນື່ອງໃນໂອກາດບຸນປີໃໝ່. ຄະນະຍັງໄດ້ພົບປະ, ມອບຂອງຂວັນໃຫ້ແກ່ພະນັກງານ, ນັກຮົບ ສະຖານີ ຣາດາ 610, ຄ້າຍທະຫານປ້ອງກັນຊາຍແດນ, ສະຖານີໄຟເຍືອງທາງທະເລ, ກອງພັນໃຫຍ່ 152 - ທະຫານເຂດ 9 ແລະ ຕາແສງໂທ່ຈູ.
ໃນຕອນບ່າຍຂອງ ວັນທີ 12 ມັງກອນ, ຄະນະຈັດຕັ້ງລາຍການ “ລະດູບານໃໝ່ ເຈື່ອງຊາ” ປີ 2022 ໄດ້ມອບງົບປະມານກໍ່ສ້າງເຮືອນແຫ່ງສາຍຈິດມິດໃຈ ຈຳນວນ 80 ລ້ານດົ່ງຕໍ່ຫຼັງ ໃຫ້ແກ່ 2 ຄອບຄົວນັກຮົບ ທີ່ໄດ້ ແລະ ກຳລັງຮັບໃຊ້ກຳລັງທະຫານເຮືອ ເຊິ່ງແມ່ນຄອບຄົວ ທ່ານ ຮວ່າງວັນຕຽນ ແລະ ທ່ານ ຟ້າມບາກູຍ ຢູ່ ຕາແສງ ນາມເວີນ ແລະ ມອບຂອງຂວັນ ຈຳນວນ 50 ພູດໃຫ້ແກ່ຄອບຄົວເປົ້າໝາຍນະໂຍບາຍ, ຜູ້ປະສົບເຄາະຮ້າຍຈາກທາດພິດສີສົ້ມ, ຄອບຄົວທຸກຍາກ, ຄອບຄົວທີ່ປະສົບກັບຄວາມຫຍຸ້ງຍາກຢູ່ຕາແສງ ນາມເວິນ, ນະຄອນ ນາມດິ້ງ, ແຂວງນາມດິ້ງ.
ໄຊພອນ
