ກອງປະຊຸມປະກອບຄຳຄິດເຫັນໃສ່ເນື້ອໃນ ຮ່າງລັດຖະບັນຍັດຂອງປະທານປະເທດ

ກອງປະຊຸມປະກອບຄຳຄິດເຫັນໃສ່ເນື້ອໃນ ຮ່າງລັດຖະບັນຍັດຂອງປະທານປະເທດ.(ພາບ:pasaxon.org.la)

ກອງປະຊຸມໃນຄັ້ງນີ້ຜູ້ເຂົ້າຮ່ວມໄດ້ຮັບຟັງການລາຍງານກ່ຽວກັບເຫດຜົນ ແລະ ຄວາມເປັນມາຂອງການມີສານປົກຄອງ ຢູ່ ປະເທດເອີຣົບ ແລະ ບາງປະເທດໃນອາຊີ, ຮັບຟັງການລາຍງານເຫດຜົນ ແລະ ຄວາມຈຳເປັນຂອງການສ້າງຕັ້ງຄະນະສານປົກຄອງຢູ່ ສປປ ລາວ ນຳສະເໜີໂດຍ ຊ່ຽວຊານຈາກສະຖາບັນຊ່ວຍເຫຼືອທາງດ້ານກົດໝາຍ ແລະ ວິຊາການ ປະເທດ ລຸກຊຳບວກ (ILSTA) ແລະ ຮັບຟັງການສະເໜີເນື້ອໃນຮ່າງລັດຖະບັນຍັດຂອງປະທານປະເທດ ວ່າດ້ວຍການດຳເນີນຄະດີປົກຄອງ.

ທ່ານ ຄຳພາ ແສງດາລາ ໄດ້ຮຽກຮ້ອງໃຫ້ຜູ້ແທນກອງປະຊຸມຈົ່ງພ້ອມກັນຄົ້ນຄວ້າປະກອບຄຳຄິດເຫັນຢ່າງເລິກເຊິ່ງໃສ່ເນື້ອໃນຮ່າງລັດຖະບັນຍັດຂອງປະທານປະເທດບາງມາດຕາເປັນຕົ້ນ: ມາດຕາ 2 ການດຳເນີນຄະດີປົກຄອງ, ມາດຕາ 3 ອະທິບາຍຄຳສັບກ່ຽວກັບການລະເມີດທາງປົກຄອງ, ມາດຕາ 6 ຂອບເຂດການນຳໃຊ້, ມາດຕາ 7 ຫຼັກການພື້ນຖານໃນການດຳເນີນຄະດີປົກຄອງ, ມາດຕາ 14 ຂອບເຂດພິຈາລະນາຄຳຮ້ອງຟອງ, ມາດຕາ 16 ສິດອຳນາດຂອງຄະນະສານປົກຄອງ , ມາດຕາ 20 ກຳນົດເວລາດຳເນີນຄະດີປົກຄອງ, ມາດຕາ 25 ຄຳຮ້ອງຟ້ອງ, ມາດຕາ 27 ການຍື່ນຄຳຮ້ອງຟ້ອງ ແລະ ອື່ນໆ ເພື່ອເຮັດໃຫ້ເນື້ອໃນຂອງ (ຮ່າງ) ລັດຖະບັນຍັດ ປະທານປະເທດສົມບູນ ແລະ ສາມາດນຳໃຊ້ໄດ້ໃນເວລາອັນໃກ້ນີ້.

（ແຫຼ່ງ​ຂໍ້​ມູນ​： pasaxon.org.la）