| ທ່ານນາຍົກລັດຖະມົນຕີ ສປປ ລາວ ສິ້ນສຸດການຢ້ຽມຢາມ ສສ ຫວຽດນາມ ເປັນທາງການຢ່າງຈົບງາມ | |
| ການຢ້ຽມຢາມຂອງທ່ານນາຍົກລັດຖະມົນຕີລາວ ຮັດແໜ້ນການພົວພັນແບບພິເສດລະຫວ່າງ ລາວ ຫວຽດນາມ |
 |
| ພາບປະກອບ: vneconomy.vn |
ທ່ານນາຍົກລັດຖະມົນຕີ ຟ້າມມິງຈິງ ໄດ້ລົງນາມໃນໂທລະເລກທາງການສະບັບເລກທີ 28 ກ່ຽວກັບການເລັ່ງການສັກວັກຊິນປ້ອງກັນ ແລະ ຍູ້ແຮງການປະຕິບັດບັນດາມາດຕະການປ້ອງກັນ Covid-19.
ທ່ານນາຍົກລັດຖະມົນຕີຮຽກຮ້ອງໃຫ້ຫົວໜ້າຄະນະຊີ້ນຳປ້ອງກັນ ແລະ ຄວບຄຸມພະຍາດໂຄວິດ-19, ປະທານຄະນະກຳມະການປະຊາຊົນ ບັນດາແຂວງ, ນະຄອນ ສຸມໃສ່ຊີ້ນຳການປະຕິບັດວຽກງານປ້ອງກັນ ແລະ ຄວບຄຸມພະຍາດໂຄວິດ-19 ຢ່າງເຂັ້ມງວດຕາມບັນດາການຊີ້ນໍາ ແລະ ບັນດາມາດຕະການຮັບມືກັບສາຍພັນໃໝ່ Omicron.
ທ່ານນາຍົກລັດຖະມົນຕີ ໃຫ້ໃສ່ໃຈຢ່າງເດັດຂາດວ່າ ບໍ່ໃຫ້ປະໝາດ ຫຼື ບໍ່ມີສະຕິໃນການປ້ອງກັນພະຍາດ; ເພີ່ມທະວີການປິ່ນປົວຢູ່ບ້ານຕາມການຊີ້ນຳຂອງກະຊວງສາທາລະນະສຸກຢ່າງເຂັ້ມງວດ ສໍາລັບຜູ້ຕິດເຊື້ອພະຍາດໂຄວິດ-19 ແບບຄ່ອຍ ແລະ ບໍ່ສະແດງອາການ.
ຫົວໜ້າຄະນະຊີ້ນຳປ້ອງກັນ ແລະ ຄວບຄຸມພະຍາດໂຄວິດ-19, ປະທານຄະນະກຳມະການປະຊາຊົນບັນດາແຂວງ, ນະຄອນ ມີຄວາມຮັບຜິດຊອບໃນການຈັດຕັ້ງປະຕິບັດວຽກງານສັກວັກຊິນໃຫ້ວ່ອງໄວ, ຮັບປະກັນຄວາມປອດໄພ, ມີວິທະຍາສາດ, ມີປະສິດທິຜົນຕາມຄໍາແນະນຳຂອງກະຊວງສາທາລະນະສຸກ ວາງອອກ; ຈັດຕັ້ງກຸ່ມເຄື່ອນທີ່ເພື່ອສັກວັກຊີນຢ່າງຮີບດ່ວນຢູ່ເຮືອນສໍາລັບຜູ້ທີ່ບໍ່ສາມາດໄປບ່ອນສັກຢາລວມສູນໄດ້.
ບັນດາທ້ອງຖິ່ນ, ອົງການ, ໜ່ວຍງານໃດທີ່ຍັງບໍ່ທັນມີພະນັກງານພຽງພໍໃນການຈັດຕັ້ງການກວດ ແລະ ປິ່ນປົວພະຍາດໂຄວິດ-19, ສັກວັກຊິນປ້ອງກັນພະຍາດ, ໂດຍສະເພາະແມ່ນກຳລັງການແພດຢູ່ຮາກຖານ ເພື່ອເພີ່ມທະວີໃຫ້ການປິ່ນປົວຢູ່ເຮືອນຕາມຄໍາແນະນຳຂອງກະຊວງສາທາລະນະສຸກ ກໍ່ຕ້ອງລາຍງານໃຫ້ຂັ້ນທີ່ມີໜ້າທີ່ໄດ້ຮັບຊາບໂດຍທັນທີ ເພື່ອໃຫ້ມີການລະດົມກຳລັງໜູນຊ່ວຍຢ່າງວ່ອງໄວ, ທັນການ.
ກະຊວງສາທາລະນະສຸກມີຄວາມຮັບຜິດຊອບໃນການຮັບປະກັນໃຫ້ມີວັກຊິນ ແລະ ຢາປິ່ນປົວພະຍາດໂຄວິດ-19 ໃຫ້ພຽງພໍ, ສຸມໃສ່ຊີ້ນຳການຜະລິດ ແລະ ເປັນເຈົ້າຕົນເອງ ໃນດ້ານວັກຊິນພາຍໃນປະເທດໃຫ້ໄວເທົ່າທີ່ຈະໄວໄດ້ ແລະ ຮັບປະກັນດ້ານວິທະຍາສາດ, ຄວາມປອດໄພ, ມີປະສິດທິຜົນ; ມີເອກະສານແນະນຳຢ່າງລະອຽດໃຫ້ແກ່ຄະນະກຳມະການປະຊາຊົນ, ພະແນກສາທາລະນະສຸກແຂວງ, ນະຄອນ ໃນການເລັ່ງລັດການຈັດຕັ້ງການສັກວັກຊິນປ້ອງກັນ ແລະ ເພີ່ມທະວີການປິ່ນປົວຢູ່ບ້ານ.
ກະຊວງສາທາລະນະສຸກສືບຕໍ່ຄົ້ນຄວ້າປະສົບການສາກົນ, ທາບທາມຄວາມຄິດເຫັນບັນດາຊ່ຽວຊານກ່ຽວກັບການສັກວັກຊິນປ້ອງກັນພະຍາດໂຄວິດ-19; ເພີ່ມທະວີການກວດກາ, ແນະນຳ, ຫັນເປັນຄວາມຮັບຜິດຊອບຂອງບຸກຄົນເພື່ອປ້ອງກັນ ແລະ ຕ້ານການສໍ້ລາດບັງຫຼວງ, ສິ່ງຫຍໍ້ທໍ້, ຄວາມຟຸ່ມເຟືອຍ, ຜົນປະໂຫຍດຂອງກຸ່ມໃນການປ້ອງກັນ ແລະ ຄວບຄຸມພະຍາດໂຄວິດ-19.
ກະຊວງສາທາລະນະສຸກ ສົມທົບກັບກະຊວງສຶກສາທິການ ແລະ ບຳລຸງສ້າງ, ບັນດາອົງການທີ່ກ່ຽວຂ້ອງເລັ່ງຄົ້ນຄວ້າ, ທາບທາມປະສົບການຈາກຕ່າງປະເທດ ແລະ ພາຍໃນປະເທດ ໃນການຈັດຕັ້ງປະຕິບັດການນຳເຂົ້າ, ການສັກວັກຊິນປ້ອງກັນພະຍາດໂຄວິດ-19 ໃຫ້ແກ່ເດັກທີ່ມີອາຍຸຕ່ຳກວ່າ 18 ປີ ທີ່ຕ້ອງຮັບປະກັນຄວາມປອດໄພ, ທັນການ, ມີວິທະຍາສາດ, ມີປະສິດທິພາບ.
ໄຊພອນ
