| ຫວຽດນາມ - ອັງກິດ ເຫັນດີຮອງໜັງສືຜ່ານແດນວັກຊິນຂອງກັນ | |
| ໝູນໃຊ້ບັນດາ FTA ເພື່ອຊຸກຍູ້ການຮ່ວມມື ລະຫວ່າງຫວຽດນາມ ແລະ ສິງກະໂປ |
ຕາມຂໍ້ມູນຂອງດ່ານພາສີຫວຽດນາມແລ້ວ, ໃນ 11 ເດືອນຕົ້ນປີ 2021, ວົງເງິນການຄ້າສອງຝ່າຍລະຫວ່າງຫວຽດນາມ ແລະ ອັງກິດ ບັນລຸກວ່າ 6 ຕື້ ໂດລາສະຫະລັດ, ເພີ່ມຂຶ້ນ 17% ເມື່ອທຽບໃສ່ໄລຍະດຽວກັນຂອງປີ 2020, ໃນນັ້ນ ຫວຽດນາມ ມີຍອດມູນຄ່າການຄ້າສອງຝ່າຍເພີ່ມຂຶ້ນ 4.46 ຕື້ ໂດລາສະຫະລັດ.
ຍອດວົງເງິນສົ່ງອອກຂອງຫວຽດນາມ ໄປອັງກິດ ບັນລຸ 5,24 ຕື້ໂດລາສະຫະລັດ, ເພີ່ມຂຶ້ນ 15,6% ເມື່ອທຽບໃສ່ໄລຍະດຽວກັນຂອງປີ 2020. ການສົ່ງອອກຂອງຫວຽດນາມ ໄປອັງກິດ ສ່ວນຫຼາຍແມ່ນເຕີບໂຕດີ. ນຳໜ້າການເຕີບໂຕ ແມ່ນສິນຄ້າດັ່ງຕໍ່ໄປນີ້: ເຫຼັກ ແລະ ເຫຼັກກ້າ (1.183%); ຢາງພາລາ (82,3%); ຜະລິດຕະພັນກະເສດ (70,8%); ຜະລິດຕະພັນຫວາຍ, ໄມ້ໄຜ່, ຜື ແລະ ພົມ (60,3%); ພິກໄທ (48%); ພາຫະນະຂົນສົ່ງ ແລະ ອາໄຫຼ່ (35,3%); ເຄື່ອງປັ້ນດິນເຜົາ (35.2%); ເຄື່ອງຈັກ, ອຸປະກອນ, ເຄື່ອງມື ແລະ ອາໄຫຼ່ອື່ນໆ (21%).
 |
| ວົງເງິນການຄ້າສອງຝ່າຍ ລະຫວ່າງຫວຽດນາມ ແລະ ອັງກິດ ເພີ່ມຂຶ້ນ 17%. (ພາບ: dangcongsan) |
ໃນສະພາບການແຜ່ລະບາດ ຂອງພະຍາດໂຄວິດ-19 ໄດ້ເຮັດໃຫ້ຄວາມຕ້ອງການຂອງຕະຫຼາດຫຼຸດລົງ ແລະ ວິກິດການ container ທີ່ແກ່ຍາວມາແຕ່ຕົ້ນປີ 2021, ໝາກຜົນການສົ່ງອອກຂອງວິສາຫະກິດ ຫວຽດນາມ ໄປອັງກິດ ໃນປີ 2021 ສາມາດເວົ້າໄດ້ວ່າ “ຄວາມສຳເລັດທີ່ມະຫັດສະຈັນ”. ໃນນັ້ນ, ສັນຍາ UKVFTA ໄດ້ມີບົດບາດເປັນໄມ້ງັດທີ່ໝັ້ນແກ່ນ, ຍ້ອນການຫຼຸດພາສີນຳເຂົ້າລົງເຫຼືອ 0% ພາຍຫຼັງວັນທີ 1 ມັງກອນ 2021. ຜະລິດຕະພັນຫຼາຍຊະນິດມີຄວາມໄດ້ປຽບ ໃນການແກ່ງແຍ່ງທີ່ລື່ນກາຍຢ່າງເຫັນໄດ້ຊັດ ໃນຕະຫຼາດອັງກິດເມື່ອທຽບກັບຜະລິດຕະພັນທີ່ຄ້າຍຄືກັນຂອງຈີນ, ໄທ, ມາເລເຊຍ, ອິນໂດເນເຊຍ ແລະ ບາງປະເທດອື່ນໆ.
ການສົ່ງອອກຂອງອັງກິດໃນ 11 ເດືອນຕົ້ນປີ 2021 ໄປຫວຽດນາມ ບັນລຸໄດ້ 778.178.006 ໂດລາສະຫະລັດ, ເພີ່ມຂຶ້ນ 27.3% ເມື່ອທຽບໃສ່ໄລຍະດຽວກັນຂອງປີ 2020. ສິນຄ້ານໍາເຂົ້າຈາກອັງກິດ ມີອັດຕາການເຕີບໂຕຫຼາຍທີ່ສຸດເຊັ່ນ: ໂລຫະທົ່ວໄປອື່ນໆ (637%); ໂທລະສັບ ແລະ ອາໄຫຼ່ (184%); ວັດຖຸດິບຕັດຫຍິບ, ເກີບໜັງ (38.1%); ການຢາ (34,2%); ລົດຍົນປະເພດຕ່າງໆ (23.1%).
ຄຳຮຸ່ງ
