| ຫວັງວ່າ ປີ 2022 ເສດຖະກິດ ຫວຽດນາມ ຈະຟື້ນຟູ ແລະ ມີການເຕີບໂຕ | |
| ເສດຖະກິດ ຫວຽດນາມ ປີ 2021 ມີການເຕີບໂຕ 2,58% |
 |
| ທ່ານລັດຖະມົນຕີ ຫງວຽນຈີຢຸງ ກ່າວຄຳເຫັນທີ່ກອງປະຊຸມ (ພາບ: TTXVN) |
ນັ້ນແມ່ນໜຶ່ງໃນບັນດາເນຶ້ອໃນຂອງໃບຍື່ນສະເໜີຮ່າງມະຕິຂອງ ສະພາແຫ່ງຊາດ ກ່ຽວກັບນະໂຍບາຍປີການເງິນ, ເງິນຕາເພື່ອໜູນຊ່ວຍໂຄງການຟື້ນຟູ ແລະ ພັດທະນາເສດຖະກິດ - ສັງຄົມ, ໂດຍທ່ານລັດຖະມົນຕີ ກະຊວງແຜນການ ແລະ ການລົງທຶນ ຫງວຽນຈີຢຸງ ໄດ້ຮັບການມອບສິດຈາກທ່ານນາຍົກລັດຖະມົນຕີ ສະເໜີຢູ່ວາລະໄຂກອງປະຊຸມວິສາມັນ ຄັ້ງທີ 1, ສະພາແຫ່ງຊາດ ຊຸດທີ XV, ເຊິ່ງໄດ້ດຳເນີນໃນຕອນເຊົ້າວັນທີ 4 ມັງກອນ.
ຕາມບົດລາຍງານຂອງລັດຖະບານ, ໂຄງການຟື້ນຟູ ແລະ ພັດທະນາເສດຖະກິດ ໄດ້ຮັບການປະຕິບັດເພື່ອແນໃສ່ຟື້ນຟູລະບົບການຜະລິດ, ສະໜອງ, ແຮງງານ ໂດຍໄວ, ຊຸກຍູ້ບັນດາກຳລັງໜູນໃນການເຕີບໂຕ, ສູ້ຊົນບັນລຸໄດ້ເປົ້າໝາຍພັດທະນາສະເລ່ຍແຕ່ 6,5 – 7% ໃນໄລຍະ 2021 – 2025.
ໂຄງການຈະລວມມີ 5 ກຸ່ມໜ້າທີ່, ວິທີການແກ້ໄຂຫຼັກທີ່ຕິດພັນກັບຂອບຂະໜາດປະຕິບັດຂອງແຕ່ລະບ້ວງ, ໃນນັ້ນສະຫງວນ 60.000 ຕື້ດົ່ງ ເພື່ອເປີດປະຕູພື້ນຖານເສດຖະກິດຕິດພັນກັບການລົງທຶນຍົກສູງກຳລັງຄວາມສາມາດດ້ານສາທາລະນະສຸກ, ປ້ອງກັນ, ຕ້ານໂລກລະບາດ. ກ່ຽວກັບການຮັບປະກັນປະກັນຊີວິດສັງຄົມ ແລະ ການໜູນຊ່ວຍວຽກເຮັດງານທຳ, ຄາດວ່າ ລັດຖະບານ ຈະຈ່າຍເງິນເປັນຈຳນວນ 53.150 ຕື້ດົ່ງ, ໜູນຊ່ວຍການຟື້ນຟູວິສາຫະກິດ, ສະຫະກອນ, ຄອບຄົວດຳເນີນທຸລະກິດ ແມ່ນ 110.000 ຕື້ດົ່ງ. ນອກຈາກນັ້ນ, ຈ່າຍເງິນໃຫ້ການພັດທະນາພື້ນຖານໂຄງລ່າງ, ລຸລ່ວງແຫຼ່ງກຳລັງສັງຄົມໃຫ້ແກ່ການລົງທຶນ ພັດທະນາແມ່ນ 113.850 ຕື້ດົ່ງ.
ໂຄງການກໍ່ໄດ້ສຸມໃສ່ໃຫ້ແກ່ການປະຕິຮູບລະບອບລະບຽບການ, ປະຕິຮູບການບໍລິຫານ ແລະ ປັບປຸງສະພາບແວດລ້ອມແຫ່ງການດຳເນີນທຸລະກິດ. ນອກຈາກນັ້ນ, ກໍລະດົມຈາກບັນດາກອງທຶນຢູ່ນອກງົບປະມານແຫ່ງລັດ ປະມານ 10.000 ຕື້ດົ່ງ.
ສ່ວນອົງການກວດກາ, ຄະນະກຳມະການເສດຖະກິດ ຂອງສະພາແຫ່ງຊາດໄດ້ເຫັນດີເປັນເອກະພາບ ກັບຄວາມຈຳເປັນໃນການປະຕິບັດນະໂຍບາຍປີການເງິນ, ເງິນຕາ ເພື່ອໜູນຊ່ວຍໃຫ້ແກ່ໂຄງການດ້ວຍບັນດາເຫດຜົນທີ່ໄດ້ຍົກອອກມາໃນໃບຍື່ນສະເໜີຂອງລັດຖະບານ.
ບຸນຄົງ
