 |
| ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດວັນຈ້ຽນ. (ພາບ: TTXVN) |
ກ່າວຄຳເຫັນທີ່ກອງປະຊຸມ, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດວັນຈ້ຽນ ເນັ້ນໜັກວ່າ: ໃນປີ 2021, ພະຍາດໂຄວິດ-19 ລະບາດ, ສົ່ງຜົນສະທ້ອນເຖິງຫຼາຍດ້ານຂອງຊີວິດສັງຄົມ. ເຖິງຢ່າງໃດກໍຕາມ, ດ້ວຍຈິດໃຈສາມັກຄີ, ຜ່ານຜ່າທຸກຄວາມຫຍຸ້ງຍາກ, ບຸກບືນມານະພະຍາຍາມ, ວຽກງານແນວໂຮມ ແຕ່ສູນກາງຮອດທ້ອງຖິ່ນ, ຮາກຖານໄດ້ປະຕິບັດສຳເລັດຕາມລາຍການແລະ ແຜນການທີ່ວາງອອກ.
ທ່ານ ໂດວັນຈຽນ ໃຫ້ຮູ້ວ່າ: ໃນປີ 2022, ແນວໂຮມປະເທດຊາດຫວຽດນາມ ຈະປະຕິບັດໂຄງການຄົບຊຸດ ທິ່ໄດ້ຮັບການຮັບຮອງເອົາໂດຍຄະນະກຳມະການສູນກາງແນວໂຮມປະເທດຊາດ ຫວຽດນາມ. ນອກນີ້, ແນວໂຮມປະເທດຊາດທຸກຂັ້ນ ຄວນສືບຕໍ່ໂຄສະນາເຜີຍແຜ່, ຂົນຂວາຍປະຊາຊົນທຸກຊັ້ນວັນນະ ປະຕິບັດການປັບຕົວທີ່ປອດໄພ, ມີໄຫວພິບ, ຄວບຄຸມການແຜ່ລະບາດຂອງພະຍາດໂຄວິດ-19 ຢ່າງມີປະສິດທິຜົນ; ຍູ້ແຮງການແຂ່ງຂັນຟື້ນຟູ ແລະ ພັດທະນາເສດຖະກິດ; ເຕົ້າໂຮມ ແລະ ປະກອບຄຳເຫັນ, ຄຳສະເໜີແນະ ຂອງຜູ້ມີສິດເລືອກຕັ້ງ ແລະ ປະຊາຊົນ ເພື່ອລາຍງານຕໍ່ພັກ ແລະ ລັດ; ເພີ່ມທະວີການປະສານສົມທົບກັນຢ່າງແໜ້ນແຟ້ນກັບບັນດາອົງການການເມືອງ - ສັງຄົມ ແລະ ບັນດາອົງການສະມາຊິກສູນກາງແນວໂຮມປະເທດຊາດ ຫວຽດນາມ ເພື່ອສ້າງເປັນກຳລັງແຮງສັງລວມຂອງລະບົບແນວໂຮມແຕ່ສູນກາງເຖິງຮາກຖານ.
ຄຳຮຸ່ງ
