| ເສດຖະກິດ ຫວຽດນາມ ປີ 2021 ມີການເຕີບໂຕ 2,58% | |
| ທ່ານນາຍົກລັດຖະມົນຕີ ຟ້າມມິງຈິງ: ປະຊາຊົນ ແລະ ວິສາຫະກິດແມ່ນສູນກາງ ແລະ ເຈົ້າຂອງໃນການສ້າງສາ ແລະ ປະຕິບັດກົດໝາຍ |
 |
| ພາບປະກອບ: 24h.com.vn |
ຕາມບົດຂຽນແລ້ວ, ຫວຽດນາມ ໄດ້ຫັນຍຸດທະສາດ ຈາກ “Zero COVID” ໄປສູ່ການຮັບມືຢ່າງປອດໄພ, ມີໄຫວພິບ ແລະ ຄວບຄຸມໂລກລະບາດໂຄວິດ - 19 ຢ່າງມີປະສິດທິຜົນ, ຊ່ວຍຮັກສາການເຄື່ອນໄຫວດ້ານເສດຖະກິດ.
ເພື່ອໃຫ້ມີພື້ນຖານມະຫາພາກຢ່າງໝັ້ນແກ່ນ, ລັດຖະບານໄດ້ຍົກອອກບັນດາການໜູນຊ່ວຍທີ່ບໍ່ເຄີຍມີມາກ່ອນ ໃຫ້ແກ່ປະຊາຊົນ ແລະ ວິສາຫະກິດ ທີ່ຖືກຜົນກະທົບຈາກໂລກລະບາດໂຄວິດ - 19, ພ້ອມທັງປະຕິບັດການປັບປຸງນະໂຍບາຍຢ່າງທັນການ. ແຕ່ລະທ້ອງຖິ່ນ ກໍ່ນຳໃຊ້ບັນດາວິທີການສະເພາະ ໃນການປະຕິບັດບັນດານະໂຍບາຍ ແລະ ແຜນນະໂຍບາຍຂອງ ລັດຖະບານ ເພື່ອແນໃສ່ບັນລຸໄດ້ເປົ້າໝາຍຄວບຄູ່ທັງປ້ອງກັນ, ຕ້ານໂລກລະບາດໂຄວິດ - 19 ແລະ ພັດທະນາເສດຖະກິດ. ບັນດານະໂຍບາຍ ແລະ ຍຸດທະສາດ ຄືແນວນີ້ ໄດ້ປັບປຸງຄວາມໄວ້ເນື້ອເຊື່ອໃຈ ຂອງປະຊາຊົນທີ່ມີ ຕໍ່ລັດຖະບານ, ພ້ອມທັງ ສົ່ງເສີມປະຊາຊົນຮ່ວມແຮງຮ່ວມໃຈສະກັດກັ້ນໂລກລະບາດໂຄວິດ - 19 ແລະ ພັດທະນາເສດຖະກິດ.
ສຳນັກຂ່າວສານ Bernama ຊີ້ແຈ້ງວ່າ ວົງເງິນການຄ້າຕ່າງປະເທດ ລື່ນກາຍລະດັບ 660 ຕື້ USD, ເພີ່ມຂຶ້ນ 21% ເມື່ອທຽບໃສ່ກັບ ລະດັບເກີນດຸນການຄ້າ ປະມານ 2,1ຕື້ USD. ສິ່ງທີ່ເປັນໜ້າສົນໃຈນັ້ນແມ່ນ, ເງິນລົງທຶນໂດຍກົງຈາກຕ່າງປະເທດ (FDI) ທີ່ລົງທຶນຢູ່ ຫວຽດນາມ ບັນລຸໄດ້ກ່ວາ 29 ຕື້ USD, ເພີ່ມຂຶ້ນເກືອບ 500 ລ້ານ USD ເມື່ອທຽບໃສ່ກັບປີ 2020. GDP ໃນປີ 2021 ຄາດວ່າຈະເພີ່ມຂຶ້ນ 2,58% ເມື່ອທຽບໃສ່ກັບປີ 2020.
ບຸນຄົງ
