| ຫວຽດນາມ ຮັບວັກຊິນ Pfizer 2,6 ລ້ານໂດສ ໂດຍ ອາເມລິກາ ມອບໃຫ້ | |
| ສະຫະພັນອົງການຈັດຕັ້ງມິດຕະພາບນະຄອນ ເກີ່ນເທີ ໄດ້ຮັບທຸງແຂ່ງຂັນໂດຍ VUFO ມອບໃຫ້ |
 |
| ພັນເອກ ດິງວັນເນີຍ ໄດ້ຮັບຫຼຽນໄຊໂດຍກະສັດກຳປູເຈຍ ມອບໃຫ້. ພາບ: nld.com.vn |
ຫວ່າງແລ້ວນີ້, ອົງການຕໍາຫຼວດ ແຂວງ ອານຢາງ ໃຫ້ຮູ້ວ່າ ກະສັດກຳປູເຈຍໄດ້ມອບສິດໃຫ້ການນໍາກົມພັດທະນາ (ກະຊວງປ້ອງກັນປະເທດກອງທັບພະບໍລົມວົງສານຸວົງກຳປູເຈຍ) ມອບຫຼຽນໄຊ Monisaraphon ຊັ້ນ Moha Sena ໃຫ້ແກ່ ທ່ານພັນເອກ ດິງວັນເນີຍ ເພື່ອຮັບຮູ້ການປະກອບສ່ວນອັນລ້ຳຄ່າໃນການຕ້ານພະຍາດໂຄວິດ-19 ແລະ ການພົວພັນຮ່ວມມືທີ່ດີອື່ນໆ.
ຕາມນັ້ນແລ້ວ, ວັນທີ 22 ທັນວາ, ຢູ່ດ່ານຊາຍແດນສາກົນຕິ້ງບຽນ (ເມືອງຕິ້ງບຽນ) ແລະ ດ່ານຊາຍແດນແຂວງ ແຄງບິ່ງ (ເມືອງອານຟູ), ຄະນະປະຕິບັດງານຂອງຕຳຫຼວດແຂວງ ອານຢາງ ໂດຍທ່ານພັນເອກ ດິງວັນເນີຍ ເປັນຫົວໜ້າຄະນະ, ໄດ້ພົບປະ, ຢ້ຽມຢາມ ແລະ ມອບຂອງຂວັນເພື່ອໜູນຊ່ວຍວຽກງານປ້ອງກັນ ແລະ ຄວບຄຸມພະຍາດໂຄວິດ-19 ໃຫ້ບັນດາກຳລັງປະຕິບັດໜ້າທີ່ຂອງສອງແຂວງ Takeo ແລະ ແຂວງ Kandal (ລາຊະອານາຈັກກຳປູເຈຍ).
ທ່ານພັນເອກ ດິງວັນເນີຍ ໃຫ້ຮູ້ວ່າ: ປະຈຸບັນ, ສະພາບການແຜ່ລະບາດຂອງພະຍາດໂຄວິດ-19 ຢູ່ແຂວງ ອານຢາງ ຂ້ອນຂ້າງເປັນປົກກະຕິ. ຕຳຫຼວດແຂວງອານຢາງ ຍາມໃດກໍ່ມີຄວາມສົນໃຈ ແລະ ກຽມພ້ອມທີ່ຈະໜູນຊ່ວຍ, ຮ່ວມມືກັບກົມພັດທະນາ ແລະ ຕຳຫຼວດ, ສະມາຄົມຊາວຂະເໝນ - ຫວຽດນາມ ຂອງ 2 ແຂວງ Takeo ແລະ Kandal ໃນການສະກັດກັ້ນອາດຊະຍາກຳ, ຮັກສາຄວາມສະຫງົບປອດໄພຢູ່ຕາມເສັ້ນຊາຍແດນ. ພ້ອມກັນນັ້ນ, ກໍເອົາໃຈໃສ່ດູແລຊາວຂະເໝນ ເຊື້ອສາຍຫວຽດນາມ ໃນກຳປູເຈຍ ກໍ່ຄື ຊາວຂະເໝນທີ່ດຳລົງຊີວິດຢູ່ອານຢາງ ແລະ ວຽກງານປ້ອງກັນ, ຕ້ານພະຍາດໂຄວິດ-19.
ທີ່ການພົບປະ, ການນຳບັນດາຄະນະໄດ້ເຫັນດີເປັນເອກະພາບສືບຕໍ່ສົມທົບກັນຢ່າງແໜ້ນແຟ້ນໃນການຕໍ່ສູ້ຕ້ານອາດຊະຍາກຳຢູ່ເຂດຊາຍແດນຄື ອາດຊະຍາກຳຂ້າມຊາດ, ຢາເສບຕິດ, ການຄ້າເຖື່ອນ, ການຄ້າມະນຸດ; ພິເສດແມ່ນບັນດາກຳລັງສັດຕູທີ່ຍາມໃດກໍ່ຊອກຫາວິທີທຳລາຍສາຍພົວພັນມິດຕະພາບ, ການຮ່ວມມືລະຫວ່າງ 2 ປະເທດເວົ້າລວມ, ບັນດາແຂວງມີຊາຍແດນຮ່ວມກັນເວົ້າສະເພາະ.
ຄຽງຂ້າງກັນນັ້ນ, ການຍູ້ແຮງວຽກງານການເຜີຍແຜ່ໂຄສະນາ, ຮຽກຮ້ອງໃຫ້ປະຊາຊົນສອງຟາກຊາຍແດນປະຕິບັດລະບຽບການກ່ຽວກັບການປ້ອງກັນ, ຕ້ານພະຍາດຢ່າງເຂັ້ມງວດ, ບໍ່ລັກລອບເຂົ້າ-ອອກເມືອງ ຫຼື ສ້າງຄວາມສະດວກໃຫ້ແກ່ບັນດາເຄື່ອນໄຫວທີ່ຜິດກົດໝາຍດັ່ງກ່າວ.
ໄຊພອນ
