| WB: ເສດຖະກິດຫວຽດນາມສືບຕໍ່ໄດ້ຮັບການປັບປຸງຍ້ອນອຸດສາຫະກຳຟື້ນຟູຢ່າງແຮງ | |
| ທ່ານນາຍົກລັດຖະມົນຕີ ເຂົ້າຮ່ວມພິທີເປີດສະຫຼອງໂຮງງານລົດໂອໂຕ VinFast |
ຕາມຕົວເລກສະຖິຕິຂອງກົມໃຫຍ່ພາສີ, ຈຳນວນລົດໂອໂຕທຸກປະເພດຈາກໄທທີ່ສົ່ງອອກໄປຍັງ ຫວຽດນາມ ແຕ່ຕົ້ນປີຮອດເດືອນພະຈິກບັນລຸ 73.838 ຄັນ, ເພີ່ມຂຶ້ນ 65% ເມື່ອທຽບໃສ່ໄລຍະດຽວກັນຂອງປີ 2020; ລົດໂອໂຕທີ່ນໍາເຂົ້າຈາກອິນໂດເນເຊຍ ບັນລຸ 42.000 ກວ່າຄັນ, ເພີ່ມຂຶ້ນ 28%.
 |
| ພາບປະກອບ: ມີງກວນ |
ໄລ່ສະສົມແຕ່ຕົ້ນປີ, ຈຳນວນລົດໂອໂຕຈາກໄທ ແລະອິນໂດເນເຊຍ ບັນລຸເຖິງ 115.860 ຄັນ, ເພີ່ມຂຶ້ນ 49% ເມື່ອທຽບໃສ່ໄລຍະດຽວກັນຂອງປີ 2020. ຈຳນວນລົດໂອໂຕທີ່ນຳເຂົ້ານີ້ ມີມູນຄ່າປະມານ 1,9 ຕື້ USD.
ຖັດຈາກໄທ ແລະອິນໂດເນເຊຍ ແມ່ນຈີນ. ຈຳນວນລົດໂອໂຕຈາກຈີນ ເຂົ້າມາຍັງຫວຽດນາມ ມີປະມານ 18.400 ກວ່າຄັນ. ເຖິງວ່າຈຳນວນດັ່ງກ່າວຈະໜ້ອຍກວ່າໄທ ແລະອິນໂດເນເຊຍ ກໍ່ຕາມ, ແຕ່ໃນດ້ານການເຕີບໂຕ, ຈີນ ແມ່ນຕະຫຼາດທີ່ມີລະດັບສູງສຸດ ແມ່ນ 191%, ຫຼືເກືອບທົບ 3 ເທົ່າ.
ສະຖິຕິໃນເດືອນກ່ອນສະແດງໃຫ້ເຫັນວ່າ ໄທ ແລະ ອິນໂດເນເຊຍ ສົ່ງອອກລົດໂອໂຕໄປຍັງຫວຽດນາມ ເປັນຕົ້ນຕໍ ເມື່ອຈຳນວນລົດໂອໂຕຕ່ຳກວ່າ 9 ບ່ອນນັ່ງກວມ 70-90%, ໃນຂະນະທີ່ຈີນ ສ່ວນຫຼາຍແມ່ນລົດບັນທຸກ ແລະພາຫະນະໃຊ້ສະເພາະ.
ຖັດຈາກ 3 ປະເທດທີ່ກ່າວມາຂ້າງເທິງນີ້ກ່ຽວກັບປະລິມານການສົ່ງອອກລົດໂອໂຕເປັນຄັນ (ແບບຄົບຊຸດ) ໄປຍັງຫວຽດນາມ ຕາມລໍາດັບແມ່ນ ຍີ່ປຸ່ນ, ສ.ເກົາຫຼີ, ອາເມລິກາ, ເຢຍລະມັນ ແລະ ອັງກິດ.
ຕາມການສະຖິຕິຂອງສະມາຄົມຜູ້ຜະລິດລົດໂອໂຕຫວຽດນາມ (VAMA), ຍອດຂາຍລົດໂອໂຕທີ່ນໍາເຂົ້າ ໄລ່ເຖິງເດືອນພະຈິກ ບັນລຸໄດ້ 114.719 ຄັນ, ເພີ່ມຂຶ້ນ 26% ເມື່ອທຽບໃສ່ໄລຍະດຽວກັນຂອງປີ 2020. ກົງກັນຂ້າມ, ຍອດຂາຍລົດໂອໂຕພາຍໃນປະເທດຫຼຸດລົງ 10%, ບັນລຸ 142.671 ຄັນ.
ບູນມີ
