| ຈີນຮັດແໜ້ນການນຳເຂົ້າຜະລິດຕະພັນກະສິກຳ, ວິສາຫະກິດຕ້ອງໃສ່ໃຈ 11 ຈຸດ | |
| ວິສາຫະກິດ ອົດສະຕາລີ ຊອກຫາກາລະໂອກາດຮ່ວມມືກັບ ຫວຽດນາມ |
 |
| ທ່ານຮອງນາຍົກລັດຖະມົນຕີ ຫວູດຶກດາມ (ພາບ: TTXVN) |
ກ່າວຄຳເຫັນຊີ້ນຳຢູ່ VCSF 2021, ທ່ານຮອງນາຍົກລັດຖະມົນຕີ ຫວູດຶກດາມ ຢືນຢັນວ່າ ການພັດທະນາແບບຍືນຍົງໄດ້ກາຍເປັນທ່າອ່ຽງລວມ, ດັ່ງນັ້ນ ຫວຽດນາມ ໄດ້ສົມທົບບັນດາດັດຊະນີພັດທະນາແບບຍືນຍົງເຂົ້າໃນທຸກຍຸດທະສາດພັດທະນາເສດຖະກິດ - ສັງຄົມ. ແຜນການປະຕິບັດແຫ່ງຊາດກ່ຽວກັບການພັດທະນາແບບຍືນຍົງໂດຍໄດ້ຮັບການສະຫຼຸບທຸກປີ ເພື່ອຕີລາຄາບັນດາມາດຖານ, ວຽກງານທີ່ເຮັດໄດ້ ກໍ່ຄືບັນດາສິ່ງທ້າທາຍທີ່ໄດ້ວາງອອກ.
ທ່ານຮອງນາຍົກລັດຖະມົນຕີເນັ້ນໜັກວ່າ ຜ່ານໄລຍະໂລກລະບາດ, ແຕ່ລະປະເທດ, ປະຊາຄົມ, ນັກທຸລະກິດ ແລະ ບຸກຄົນຕ້ອງມີຄວາມຮັບຜິດຊອບຕໍ່ຕົນເອງ, ຮັກສາໃຫ້ແກ່ພໍ່ແມ່ພີ່ນ້ອງ, ປະຊາຄົມ, ພິເສດແມ່ນໜ້າທີ່ຮັບຜິດຊອບຂອງທົ່ວໂລກ, ເມື່ອບໍ່ມີປະເທດໃດສາມາດຕ້ານພະຍາດຕິດແປດດ້ວຍຕົນເອງໄດ້, ກໍ່ຄື ບັນຫາຄວາມປອດໄພແບບໃືໝ່, ການປ່ຽນແປງດິນຟ້າອາກາດໃນອະນາຄົດ. ແຕ່ລະຄົນ, ແຕ່ລະປະຊາຄົມ, ແຕ່ລະປະເທດ ແລະ ທົ່ວໂລກຕ້ອງຮູ້ຈັກການເສຍສະຫຼະຜົນປະໂຫຍດທີ່ຢູ່ຕໍ່ໜ້າເພື່ອຜົນປະໂຫຍດອັນຍາວນານໃຫ້ແກ່ຕົນເອງ ແລະ ທຸກຄົນ.
VCSF 2021 ໄດ້ດຳເນີນໃນສະພາບການບັນດາສິ່ງທ້າທາຍດ້ານຄວາມປອດໄພແບບໃໝ່, ພິເສດແມ່ນການແຜ່ລະບາດຂອງພະຍາດໂຄວິດ-19 ແລະ ສົ່ງຜົນກະທົບຢ່າງໜັກໜ່ວງເຖິງການພັດທະນາເສດຖະກິດ - ສັງຄົມຂອງ ຫວຽດນາມ. ສຸຂະພາບ ແລະ ຄວາມປອດໄພຂອງປະຊາຊົນຖືກນາບຂູ່. ການເຄື່ອນໄຫວຜະລິດ ແລະ ດຳເນີນທຸລະກິດຂອງວິສາຫະກິດຖືກຢຸດສະງັກ. ການປ່ຽນແປງຂອງດິນຟ້າອາກາດ, ໄພທຳມະຊາດເຮັດໃຫ້ການຫາເງິນລ້ຽງຊີບຂອງປະຊາຊົນຫຼຸດລົງ...
ບືນຕົວຂຶ້ນຜ່ານຜ່າບັນດາສິ່ງທ້າທາຍ, ບັນດາວິສາຫະກິດ ໄດ້ມີຄຳໝັ້ນສັນຍາຢ່າງແຮງ, ຢຶດໝັ້ນ, ເດັດດ່ຽວ ຕາມຍຸດທະສາດພັດທະນາແບບຍືນຍົງໃນຊຸມປີມໍ່ໆມານີ້ ໂດຍໄດ້ສະແດງໃຫ້ເຫັນຄວາມທົນທານ, ການຮັບມືກັບໂລກລະບາດໂຄວິດ - 19, ຮັກສາການເຄື່ອນໄຫວສະຖຽນລະພາບ ແລະ ການເຕີບໂຕໃນການດຳເນີນທຸລະກິດ, ສວມບົດບາດຢ່າງຕັ້ງໜ້າໃນການປະຕິບັດເປົ້າໝາຍຄວບຄູ່, ສະແດງໃຫ້ເຫັນຄວາມສາມາດໃນການຮັບມື ແລະ ແກ້ງແຍ້ງຕໍ່ສິ່ງທ້າທາຍທົ່ວໂລກ.
ໃນຂອບເຂດຂອງເວທີປາໄສ, ບັນດາຜູ້ແທນຍັງໄດ້ຮັບຟັງການແບ່ງປັນທີ່ມີປະໂຫຍດກ່ຽວກັບຂໍ້ສະເໜີແນະຕໍ່ກັບການສືບຕໍ່ປັບປຸງກອບກົດໝາຍ, ສ້າງສະພາບແວດລ້ອມແຫ່ງການດຳເນີນທຸລະກິດໃຫ້ແກ່ວິສາຫະກິດມຸ່ງໄປເຖິງລະບອບພັດທະນາແບບຍືນຍົງ; ປ່ຽນແປງແນວຄິດການດຳເນີນທຸລະກິດ, ຮັບຮູ້ການພັດທະນາແບບຍືນຍົງແມ່ນຕ້ອງເປັນໄປ ແລະ ເປັນທາງດຽວທີ່ຈະຊ່ວຍໃຫ້ວິສາຫະກິດຢືນຢູ່ໃນຕະຫຼາດໂລກ; ເລັ່ງລັດຄົ້ນຄວ້າ, ນຳໃຊ້ ແລະ ເຜີຍແຜ່ດັດຊະນີພັດທະນາແບບຍືນຍົງ (CSI) ໃນການຄຸ້ມຄອງວິສາຫະກິດ, ສ້າງລະບົບການເຊື່ອມຕໍ່ເຄືອຂ່າຍທຸລະກິດແບບຍືນຍົງ, ສ້າງຄວາມໄດ້ປຽບໃນການແຂ່ງຂັນ, ຄົ້ນຄວ້າ ແລະ ສ້າງຊຸດຂອງດັດຊະນີ CSI ສໍາລັບແຕ່ລະອຸດສາຫະກຳ, ແຕ່ລະຂະແໜງການຜະລິດ ແລະ ທຸລະກິດ...
ບຸນຄົງ
