| ຈີນພິຈາລະນາການນຳເຂົ້າໝາກຫນອດຫວຽດນາມ | |
| ທ່ານເລຂາຄະນະພັກແຂວງລາວກາຍ ໄດ້ຕ້ອນຮັບການເຂົ້າຢ້ຽມຂ່ຳນັບ ຈາກສະຖານກົງສຸນໃຫຍ່ຫວຽດນາມ ປະຈຳ ຄຸນໝິງ ແລະ ການນຳຂອງກຸ່ມບໍລີສັດ Sunwah. |
 |
| ພາບປະກອບ: vietnamnet.vn |
ໂດຍແລກປ່ຽນກັບນັກຂ່າວ VietNamNet ກ່ຽວກັບຂໍ້ມູນຂ່າວທີ່ແຈ້ງວ່າ: ຈີນໄດ້ໂຈະການນຳເຂົ້າຢ່າງໜ້ອຍ 6 ອາທິດໃນໂອກາດບຸນປີໃໝ່ປະຈຳຊາດ, ທ່ານ ດັ້ງຟຸກງວຽນ, ເລຂາທິການສະມາຄົມຜັກ ແລະ ໝາກໄມ້ ຫວຽດນາມ ຢືນຢັນວ່າ: ຈີນ ຍັງຄົງນຳເຂົ້າຜະລິດຕະພັນກະເສດຜ່ານດ່ານຊາຍແດນເປັນປົກກະຕິ. ສ່ວນຜ່ານບັນດາທ່າກ່ຳປັ່ນທາງພາກໃຕ້ຈະຖືກຂາດວັກຂາດຕອນເປັນເວລາ 6 ອາທິດໃນໄລຍະພັກບຸນປີໃໝ່ປະຈຳຊາດ 2022.
ທ່ານ ຫງວຽນ ຊີ້ແຈ້ງວ່າ ຍ້ອນໂລກລະບາດຄວາມມີການຜັນແປຢ່າງສັບສົນ, ສ່ວນຈີນພວມພະຍາຍາມບັນລຸໄດ້ເປົ້າໝາຍ “Zero COVID”, ສະນັ້ນ ບໍ່ພຽງແຕ່ໄດ້ຄວບຄຸມການນຳເຂົ້າ ແລະ ສົ່ງອອກສິນຄ້າຢ່າງເຂັ້ມງວດເທົ່ານັ້ນ, ຫາກຜູ້ເຂົ້າເມືອງກໍ່ຕ້ອງໄດ້ມີການກວດກາອີກດ້ວຍ.
ດັ່ງນັ້ນ, ນັກເດີນເຮືອຕ່າງປະເທດ ແລະ ນັກເດີນເຮືອຈີນ ເມື່ອກັບຄືນເຂົ້າທຽບທ່າກຳປັ່ນ ກໍລ້ວນແຕ່ຕ້ອງປະຕິບັດການແຍກປ່ຽວເປັນເວລາ 3 ອາທິດເຕັມ. ເມື່ອກັບຄືນມາຈາກບ້ານພາຍຫຼັງບຸນເຕັດ, ເຂົາເຈົ້າຈະສືບຕໍ່ແຍກປ່ຽວອີກເປັນເວລາ 3 ອາທິດ. ຕາມນັ້ນແລ້ວ, ບັນດາບໍລິສັດຂຸດຄົ້ນກຳປັ່ນ ຈຶ່ງຕັດສິນໃຈພັກວັນບຸນເຕັດ ເປັນເວລາ 6 ອາທິດ. ດັ່ງນັ້ນ, ການນຳເຂົ້າ ຫຼື ຂົນສົ່ງສິນຄ້າຜ່ານທ່າກຳປັ່ນທາງພາກໃຕ້ຂອງປະເທດນີ້ຖືກຊັກຊ້າ.
ທ່ານເນັ້ນໜັກວ່າ: ສິນຄ້າຫວຽດນາມທີ່ສົ່ງອອກໄປຈີນດ້ວຍທາງທະເລ ໃນໂອກາດວັນບຸນເຕັດອາດຈະຖືກປະຕິເສດ ຫຼື ບໍ່ສາມາດນໍາເຂົ້າໃນໄລຍະ 6 ອາທິດ. ສ່ວນການສົ່ງອອກຜ່ານດ່ານຊາຍແດນທາງບົກ ແມ່ນຍັງເປັນປົກກະຕິ.
ຕາມທ່ານ ຫງວຽນ ແລ້ວ, ຜັກ ແລະ ໝາກໄມ້ຂອງຫວຽດນາມສົ່ງອອກໄປຈີນຕົ້ນຕໍແມ່ນຜ່ານທາງບົກ, ສ່ວນຜ່ານທາງທະເລກວມເອົາພຽງແຕ່ປະມານ 20-30% . ແຕ່ຖ້າສິນຄ້າຈຳນວນນີ້ບໍ່ສາມາດສົ່ງອອກຜ່ານທາງທະເລໄດ້, ກໍຈະສົ່ງຜ່ານທາງບົກ ໂດຍອາດຈະເຮັດໃຫ້ສິນຄ້າຢູ່ດ່ານຊາຍແດນເພີ່ມຂຶ້ນຢ່າງຫຼວງຫຼາຍ.
ນອກຈາກນັ້ນ, ຜະລິດຕະພັນກະເສດອື່ນໆທີ່ສົ່ງອອກທາງທະເລຜ່ານທ່າກຳປັ່ນພາກໃຕ້ຂອງຈີນ ກໍຖືກຜົນກະທົບ. ເຖິງຢ່າງໃດກໍ່ຕາມ, ບໍ່ພຽງແຕ່ສິນຄ້າຫວຽດນາມ ເທົ່ານັ້ນ ຫາກສິນຄ້າຂອງປະເທດອື່ນກໍ່ໄດ້ຮັບຜົນສະທ້ອນຄືກັນ.
ຕໍ່ໜ້າສະພາບການດັ່ງກ່າວ, ທ່ານ ຫງວຽນ ໄດ້ແນະນຳບັນດາທ້ອງຖິ່ນ ແລະ ວິສາຫະກິດຕ້ອງມີແຜນການບໍລິໂພກຜະລິດຕະພັນກະເສດເວົ້າລວມ ແລະ ໝາກໄມ້ເວົ້າສະເພາະ. ໃນເບື້ອງຕົ້ນ, ທ່ານສະເໜີໃຫ້ຍູ້ແຮງການບໍລິໂພກພາຍໃນປະເທດ, ໃນນັ້ນເພີ່ມທະວີການຂາຍສິນຄ້າຢູ່ບັນດາຕະຫຼາດການຄ້າເອເລັກໂຕນິກ.
ທີ່ເວທີປາໄສທາງໄກ “ເຊື່ອມຕໍ່ການສະໜອງ ແລະ ຄວາມຕ້ອງການຕົ້ນໄມ້ກິນໝາກ”, ທ່ານ ເລແທງຕຸ່ງ, ຮອງຫົວໜ້າກົມປູກຝັງ (ກະຊວງກະສິກຳ ແລະ ພັດທະນາຊົນນະບົດ) ໃຫ້ຮູ້ວ່າ: ໃນເດືອນທັນວາ 2021, ຫວຽດນາມ ເກັບກ່ຽວໝາກໄມ້ບັນລຸໄດ້ປະມານ 700..000 ໂຕນ. ໄລ່ຮອດບຸນເຕັດປີ 2022, ປະລິມານຈະເພີ່ມຂຶ້ນເຖິງ 1,7 ລ້ານໂຕນ.
ຕາມທ່ານ ຕຸ່ງ ແລ້ວ, ໃນໄຕມາດທີ 1 ຂອງປີ 2022, ການບໍລິໂພກຜະລິດຕະພັນໝາກໄມ້ຢູ່ບັນດາແຂວງພາກໃຕ້ອາດຈະປະສົບກັບຄວາມຫຍຸ້ງຍາກບາງຢ່າງ, ຍ້ອນ Covid-19 ສືບຕໍ່ຜັນແປຢ່າງສັບສົນ. ໃນຂະນະນັ້ນ, ຄວາມຮຽກຮ້ອງຕ້ອງການດ້ານຄຸນນະພາບ ແລະ ການກວດກາຕົ້ນກຳເນີດສິນຄ້າຂອງບັນດາຕະຫຼາດສົ່ງອອກນັບມື້ນັບສູງຂຶ້ນ, ໂດຍສະເພາະຈີນອາດຈະເພີ່ມທະວີມາດຕະການຄວບຄຸມພະຍາດ, ສິ່ງນີ້ອາດຈະເຮັດໃຫ້ການສົ່ງອອກຖືກຊັກຊ້າ, ເກີດຄວາມອັ່ງອໍສິນຄ້າຢູ່ດ່ານຊາຍແດນ.
ບຸນຄົງ
