 |
| ທ່ານປະທານປະເທດ ຫງວຽນຊວັນຟຸກ ກ່າວຄຳເຫັນທີ່ພິທີ (ພາບ: TTXVN ) |
ກ່າວຄຳເຫັນທີ່ພິທີສະເຫຼີມສະຫຼອງ, ທ່ານປະທານປະເທດ ຫງວຽນຊວນຟຸກ ໄດ້ສະແດງຄວາມຍິນດີເມື່ອເຫັນປະຈັກຕາການພັດທະນາ ແລະ ການປ່ຽນແປງຂອງແຂວງ ຮ່າຢາງ. ປະຫວັດສາດ 130 ປີ ຂອງແຂວງຮ່າຢາງ ໄດ້ເສີມຂະຫຍາຍນ້ຳໃຈຮັກຊາດ, ນ້ຳໃຈສາມັກຄີແບບສະໜິດແໜ້ນ, ອົງອາດກ້າຫານ, ແລະ ມີຫົວຄິດປະດິດສ້າງ, ເປັນພະຍານຫຼັກຖານໃຫ້ແກ່ເຈດຈຳນົງອັນໝັ້ນແກ່ນຂອງປະຊາຊົນ ທີ່ໄດ້ດຳລົງຊີວິດຢູ່ພູພຽງຫີນ ຮ່າຢາງ ແລະ ດົ່ງວັນ ມາເປັນເວລາຫຼາຍເຊັ່ນຄົນ, ສ້າງເປັນເຂດທໍລະນີສາດທີ່ຍອດຢ້ຽມຂອງໜ່ວຍໂລກ.
ຄະນະພັກ, ລັດຖະບານ ແລະ ປະຊາຊົນບັນດາເຜົ່າແຂວງ ຮ່າຢາງ ໄດ້ເສີມຂະຫຍາຍຮີດຄອງປະເພນີຄວາມສາມັກຄີ, ຂໍ້ລິເລີ່ມ, ມີຫົວຄິດປະດິດສ້າງ, ຜ່ານຜ່າຄວາມຫຍຸ້ງຍາກ ແລະ ບັນລຸໄດ້ບັນດາຜົນງານສຳຄັນໃນການພັດທະນາເສດຖະກິດ - ສັງຄົມ, ການປ້ອງກັນຊາດ, ປ້ອງກັນຄວາມສະຫງົບ, ການຕ່າງປະເທດ...
ທ່ານປະທານປະເທດ ຫງວຽນຊວນຟຸກ ໄດ້ແລກປ່ຽນ, ກຳນົດທິດບາງຈຸດໝາຍ ແລະ ວິທີແກ້ໄຂ ເພື່ອແນໃສ່ສືບຕໍ່ພັດທະນາເສດຖະກິດ - ສັງຄົມ, ການປ້ອງກັນຊາດ ປ້ອງກັນຄວາມສະຫງົບ ແລະ ການຕ່າງປະເທດຂອງແຂວງ, ປັບປຸງຊີວິດການເປັນຢູ່ຂອງປະຊາຊົນແຂວງຢ່າງບໍ່ຢຸດຢັ້ງ.
ກ່ອນໜ້ານັ້ນ, ຕອນເຊົ້າວັນດຽວກັນ, ທ່ານປະທານປະເທດ ຫງວຽນຊວນຟຸກ ແລະ ຄະນະຜູ້ແທນໄດ້ຖະຫວາຍທູບທຽນອາໄລຫາວິລະຊົນ ແລະ ນັກຮົບເສຍສະຫຼະຊີວິດເພື່ອຊາດຢູ່ສຸສານນັກຮົບເສຍສະຫຼະຊີວິດເພື່ອຊາດ ວິຊວຽນ; ວາງພວງມາລາທີ່ອະນຸສາວະລີລຸງໂຮ່ ໃນບໍລິເວນຄະນະພັກແຂວງ ຮ່າຢາງ.
ບຸນຄົງ
