| ນັກກິລາວັນຫຽວ ຍິງປະຕູລູກງາມທີ່ສຸດທີ່ FIFA Futsal World Cup 2021 | |
| ທ່ານປະທານປະເທດ ກູບາ ປະດັບຫຼຽນໄຊ Jose Marti ໃຫ້ແກ່ ທ່ານປະທານປະເທດຫວຽດນາມ ຫງວຽນຊວນຟຸກ |
ຫວ່າງແລ້ວນີ້, ທ່ານປະທານປະເທດ ຫວຽດນາມ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານ Gianni Infantino ປະທານສະຫະພັນບານເຕະໂລກ.
ທ່ານປະທານປະເທດ ຫງວຽນຊວນຟຸກ ສະເໜີ ປະທານສະຫະພັນບານເຕະໂລກ ໜູນຊ່ວຍ ຫວຽດນາມ ໃນການບຳລຸງສ້າງບານເຕະໜຸ່ມຊາຍ ແລະ ຍິງ, ສ້າງເງື່ອນໄຂໃຫ້ບັນດາຄະນະນັກກິລາຫວຽດນາມ ມີໂອກາດເຂົ້າຮ່ວມການແຂ່ງຂັນສາກົນຫຼາຍກ່ວາອີກ, ເຊິ່ງໄດ້ເປັນການຊຸກຍູ້ການພັດທະນາຂອງກິລາບານເຕະຫວຽດນາມ.
ທ່ານປະທານປະເທດ ຫງວຽນຊວນຟຸກ ໄດ້ສະແດງຄວາມຍິນດີທີ່ໄດ້ພົບປະກັບທ່ານ Gianni Infantino ອີກເທື່ອໜຶ່ງ, ສະແດງຄວາມຂອບໃຈທ່ານ ແລະ FIFA ທີ່ໄດ້ໃຫ້ການສະໜັບສະໜູນ ແລະ ໜູນຊ່ວຍກິລາບານເຕະຫວຽດນາມ ໃນຕະຫຼອດໄລຍະຜ່ານມາ.
 |
| ທ່ານປະທານປະເທດ ຫງວຽນຊວນຟຸກ ຕ້ອນຮັບປະທານສະຫະພັນບານເຕະໂລກ (FIFA). ພາບ: tuoitre.vn |
ທ່ານປະທານປະເທດ ຫງວຽນຊວນຟຸກ ແລະ ປະທານ FIFA ໄດ້ເຕື້ອງຄືນບັນດາຜົນສຳເລັດຂອງບານເຕະຫວຽດນາມ ໃນໄລຍະທີ່ຜ່ານມາ, ເຊັ່ນ: ຫຼຽນເງິນຂອງທີມຊາດ U23 ຫວຽດນາມ ໃນຮອບແຂ່ງຂັນຊິງຊະນະເລີດ ການແຂ່ງຂັນບານເຕະຊາຍ ອາຊີ ທີ່ເມືອງ Changzhou, ປະເທດຈີນ, ຍາດໄດ້ສິດເຂົ້າຮ່ວມແຂ່ງຂັນເຕະບານໂລກ Qatar 2022 ຮອບຄັດເລືອກໃນອາຊີ. ໃນການແຂ່ງຂັນທີ່ຜ່ານມາ, ຫວຽດນາມ ຫຼິ້ນໄດ້ດີທີ່ສຸດ ແລະ ມີຫຼາຍນັດທີ່ທຽບເທົ່າກັບຫຼາຍທີມແຂງ.
ທ່ານປະທານ FIFA Gianni Infantino ກໍສະແດງຄວາມຍິນດີທີ່ໄດ້ພົບປະກັບທ່ານປະທານປະເທດ ຫງວຽນຊວນຟຸກ ຢູ່ສະວິດ ແລະ ຊົມເຊີຍທ່ານ ແລະ ທ່ານປະທານາທິບໍດີ ສະວິດ ທີ່ໄດ້ມີການພົບປະທີ່ປະສົບຜົນສຳເລັດຢ່າງຕັ້ງໜ້າ, ເປີດກາລະໂອກາດຮ່ວມມືພັດທະນາລະຫວ່າງ 2 ປະເທດ.
ທ່ານໃຫ້ຮູ້ວ່າ: FIFA ພວມພິຈາລະນາຫຍໍ້ເວລາຈັດການແຂ່ງຂັນເຕະບານໂລກລົງ, ປະທານ FIFA ປາດຖະໜາຢາກໄດ້ຮັບຄວາມເຫັນດີເຫັນພ້ອມຈາກບັນດາສະມາຊິກ, ໃນນັ້ນມີຫວຽດນາມ. FIFA ກໍ່ພວມວາງແຜນໄວ້ນັບແຕ່ປີ 2026 ຈະເພີ່ມຈຳນວນທີມຂອງ ອາຊີ ເຂົ້າຮ່ວມການແຂ່ງຂັນເຕະບານໂລກຮອບສຸດທ້າຍເປັນ 8 ທີມ ປ່ຽນແທນໃຫ້ 4 ທີມຄືໃນປະຈຸບັນ.
ທ່ານປະທານປະເທດ ຫງວຽນຊວນຟຸກ ໄດ້ສະແດງຄວາມເຫັນດີເຫັນພ້ອມຕາມທັດສະນະຂອງ FIFA ກ່ຽວກັບເລື່ອງຫຍໍ້ເວລາຈັດຕັ້ງບານເຕະໂລກ ແລະ ປາດຖະໜາວ່າ FIFA ຈະໜູນຊ່ວຍ ຫວຽດນາມ ໃນການຝຶກຊ້ອມ ແລະ ພັດທະນາກິລາບານເຕະ, ພິເສດແມ່ນການຝຶກຊ້ອມກິລາບານເຕະໜຸ່ມ, ທັງຍິງ - ຊາຍ, ສ້າງເປັນສະໜາມກິລາທີ່ດີ.
ທ່ານປະທານປະເທດ ຫງວຽນຊວນຟຸກ ສະເໜີ FIFA ສືບຕໍ່ຮ່ວມມື ແລະ ໜູນຊ່ວຍສະຫະພັນບານເຕະ ຫວຽດນາມ ໃນບັນດາໂຄງການພັດທະນາພື້ນຖານວັດຖຸ, ຍົກສູງລະດັບວິຊາສະເພາະ, ການບໍລິຫານ ແລະ ຈັດຕັ້ງບັນດາການເຄື່ອນໄຫວຊິງຂັນກິລາບານເຕະອາຊີບຢູ່ ຫວຽດນາມ. ປະທານ FIFA ຢືນຢັນຈະສືບຕໍ່ສົມທົບກັນຢ່າງແໜ້ນແຟ້ນ ແລະ ສະໜັບສະໜູນສະຫະພັນບານເຕະ ຫວຽດນາມ ໃນຂົງເຂດນີ້ ແລະ ຫວັງວ່າຈະໄດ້ກັບຄືນຢາມຫວຽດນາມ ໃນໄລຍະໄວໆນີ້.
ຄຳຮຸ່ງ
