 |
| ທ່ານເລຂາທິການໃຫຍ່ ຫງວຽນຝູຈ້ອງ ພົບປະກັບຜູ້ມີສິດເລືອກຕັ້ງນະຄອນ ຮ່າໂນ້ຍ (ພາບ: ) |
ທີ່ກອງປະຊຸມສະໄໝເທື່ອທີ 2, ສະພາແຫ່ງຊາດຊຸດທີ XV ໄດ້ແບ່ງອອກເປັນ 2 ວາລະປະຊຸມແບບທາງໄກ ສົມທົບກັບກອງປະຊຸມລວມກັັັນໃນເວລາ 16 ວັນເຮັດວຽກ.
ສະພາແຫ່ງຊາດໄດ້ຮັບຮອງເອົາຮ່າງກົດໝາຍ 2 ສະບັບ, ໃນນັ້ນມີ: ກົດໝາຍສະບັບປັບປຸງ ແລະ ເພີ່ມເຕີມບາງມາດຕາ ແລະ ເອກະສານ - ບັນຊີຕົວເລກດັດຊະນີສະຖິຕິແຫ່ງຊາດ ຂອງ ກົດໝາຍວ່າດ້ວຍສະຖິຕິ ແລະ ກົດໝາຍສະບັບປັບປຸງ ແລະ ເພີ່ມເຕີມບາງມາດຕາຂອງປະມວນກົດໝາຍອາຍາ. ສະພາແຫ່ງຊາດ ກໍໄດ້ຮັບຮອງເອົາມະຕິ 12 ສະບັບ.
ສະພາແຫ່ງຊາດໄດ້ປະກອບຄຳເຫັນໃສ່ 5 ຮ່າງກົດໝາຍຄື: ກົດໝາຍວ່າດ້ວຍການແຂ່ງຂັນ ແລະ ຍ້ອງຍໍ (ສະບັບປັບປຸງ), ກົດໝາຍວ່າດ້ວຍຮູບເງົາ (ສະບັບປັບປຸງ), ກົດໝາຍວ່າດ້ວຍການດຳເນີນທຸລະກິດປະກັນໄພ (ສະບັບປັບປຸງ), ກົດໝາຍວ່າດ້ວຍຕຳຫຼວດເຄື່ອນທີ່ ແລະ ກົດໝາຍສະບັບປັບປຸງ, ເພີ່ມເຕີມບາງມາດຕາຂອງ ກົດໝາຍວ່າດ້ວຍຊັບສິນທາງປັນຍາ.
ສະພາແຫ່ງຊາດພິຈາລະນາບັນດາບົດລາຍງານຕີລາຄາໝາກຜົນແຫ່ງການປະຕິບັດແຜນການພັດທະນາເສດຖະກິດ - ສັງຄົມ ແລະ ງົບປະມານແຫ່ງລັດປີ 2021; ສັງລວມຄຳເຫັນ ແລະ ຂໍ້ສະເໜີແນະຂອງຜູ້ມີສິດເລືອກຕັ້ງ ແລະ ປະຊາຊົນ ເພື່ອສົ່ງໃຫ້ກອງປະຊຸມສະໄໝເທື່ອ 2, ສະພາແຫ່ງຊາດຊຸດທີ 15...
ສະພາແຫ່ງຊາດໄດ້ໃຊ້ເວລາ 2,5 ວັນ ໃນການຊັກຖາມລັດຖະມົນຕີ 4 ທ່ານ, ໂດຍມີການເຂົ້າຮ່ວມຂອງບັນດາທ່ານຮອງນາຍົກລັດຖະມົນຕີທີ່ຮັບຜິດຊອບຂົງເຂດ ແລະ ບັນດາຫົວໜ້າຂະແໜງໃນບັນດາບັນຫາຄື: ສຸຂະພາບ; ແຮງງານ, ທະຫານເສຍອົງຄະ ແລະ ສັງຄົມ; ການສຶກສາແລະບຳລຸງສ້າງ; ແຜນການ ແລະການລົງທຶນ.
ທ່ານນາຍົກລັດຖະມົນຕີ ຟ້າມມິງຈີງ ກໍໄດ້ລາຍງານເຮັດແຈ້ງບັນດາບັນຫາທີ່ມີຄວາມຮັບຜິດຊອບລວມຂອງລັດຖະບານ ແລະ ຕອບຄຳຊັກຖາມຂອງບັນດາສະມາຊິກສະພາແຫ່ງຊາດໂດຍກົງ.
ບຸນຄົງ
