| ພື້ນຖານເສດຖະກິດ ອິນເຕີເນັດ ຫວຽດນາມ ຄາດວ່າຈະບັນລຸໄດ້ 220 ລ້ານ USD ໃນປີ 2030 | |
| ທົ່ວໂລກມີຜູ້ເສຍຊີວິດຍ້ອນໂລກລະບາດໂຄວິດ - 19 ກ່ວາ 5 ລ້ານຄົນ |
 |
| ຍີ່ປຸ່ນ ໜູນຊ່ວຍ ຫວຽດນາມ 5,7 ລ້ານ USD ເພື່ອປົກປ້ອງເດັກນ້ອຍ ຕໍ່ການປ່ຽນແປງຂອງດິນຟ້າອາກາດ. ພາບ: sggp.org.vn |
ວັນທີ 17 ພະຈິກ, ຢູ່ຮ່າໂນ້ຍ, ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ຍີ່ປຸ່ນ Takio Yamada ແລະ ທ່ານນາງ Rana Flowers, ຜູ້ຕາງໜ້າກອງທຶນເພື່ອເດັກນ້ອຍຂອງສະຫະປະຊາຊາດ (UNICEF) ປະຈຳ ຫວຽດນາມ ໄດ້ລົງນາມໃນເອກະສານທາງການແລກປ່ຽນ “ໂຄງການ ເພີ່ມທະວີຄວາມສາມາດໃນການຕ້ານທານໃຫ້ແກ່ເດັກນ້ອຍຕໍ່ກັບຄວາມສ່ຽງໄພພິບັດ ແລະ ການປ່ຽນແປງດິນຟ້າອາກາດ”.
ໂຄງການ ໂດຍ ລັດຖະບານ ຍີ່ປຸ່ນ ໜູນຊ່ວຍກະຊວງກະສິກຳ ແລະ ພັດທະນາຊົນນະບົດ ຫວຽດນາມ ຜ່ານອົງການ UNICEF ປະຈຳ ຫວຽດນາມ ດ້ວຍມູນຄ່າທັງໝົດ 5,7 ລ້ານ USD ໄລຍະ 2021 – 2026. ເດັກນ້ອຍໄດ້ຮັບການກຳນົດວ່າເປັນຈຸດໃຈກາງຂອງໂຄງການ, ເພາະວ່ານີ້ແມ່ນເປົ້າໝາຍທີ່ມີຄວາມສ່ຽງທີ່ສຸດຕໍ່ກັບດິນຟ້າອາກາດ.
ໂຄງການດັ່ງກ່າວຈະເພີ່ມທະວີກຳລັງຄວາມສາມາດກົດບັນຍັດ ເພື່ອຫນູນຊ່ວຍບັນດາກິດຈະກໍາຮັບມືກັບໄພພິບັດຂອງເດັກນ້ອຍ. ບັນດາຂໍ້ສະເໜີ, ໝາກຜົນຂອງໂຄງການແມ່ນໄດ້ອອກແບບເພື່ອຕອບສະໜອງຄວາມຕ້ອງການຂອງເດັກນ້ອຍຢ່າງມີປະສິດທິຜົນ, ສຸມໃສ່ການຮັບມືກັບການປ່ຽນແປງຂອງດິນຟ້າອາກາດ, ໂພຊະນາການ, ນ້ຳສະອາດ ແລະ ສຸຂາພິບານ; ປະກອບຄວາມຮູ້ ແລະ ທັກສະທີ່ຈຳເປັນໃຫ້ແກ່ເດັກນ້ອຍ, ຄອບຄົວ ແລະ ຊຸມຊົນ ເພື່ອຮັບມືກັບການປ່ຽນແປງຂອງດິນຟ້າອາກາດ ແລະ ໄພທຳມະຊາດຢູ່ພາກກາງ ແລະ ເຂດທົ່ງພຽງແມ່ນ້ຳຂອງ, ໃນນັ້ນຖືເປັນສໍາຄັນບັນດາແຂວງ ຊອກຈັງ, ກ່າເມົາ, ບາກລຽວ.
ກ່າວຄຳເຫັນທີ່ພິທີລົງນາມ, ທ່ານນາງ Rana Flowers ໃຫ້ຮູ້ວ່າ: ອີງຕາມບົດລາຍງານດັດຊະນີຄວາມສ່ຽງດ້ານດິນຟ້າອາກາດຕໍ່ເດັກນ້ອຍທີ່ອົງການ UNICEF ປະກາດໃນປີ 2021, ຢູ່ ຫວຽດນາມ, ເດັກນ້ອຍ ແລະ ໄວໜຸ່ມ ເຊິ່ງເປັນກຸ່ມກໍລະນີທີ່ມີຄວາມສ່ຽງຮັບຜົນກະທົບສູງສຸດຈາກການປ່ຽນແປງຂອງດິນຟ້າອາກາດ, ໄພຂົ່ມຂູ່ຕໍ່ສຸຂະພາບໂດຍກົງ ແລະ ວິວັດການສຶກສາ. ໂດຍຜ່ານໂຄງການ, ອົງການ UNICEF ແລະ ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ພ້ອມກັບຄວາມມານະພະຍາຍາມໃນການຮັບປະກັນໃຫ້ເດັກເຕີບໃຫຍ່ຢູ່ໃນສະພາບແວດລ້ອມທີ່ປອດໄພ, ສີຂຽວ ແລະ ສະອາດ.
ທ່ານຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຫງວຽນຮ່ວາງຮຽບ ຢືນຢັນວ່າ: ເຫດການລົງນາມໃນຂໍ້ຕົກລົງການໜູນຊ່ວຍນີ້ແມ່ນຂີດໝາຍສຳຄັນໃນການພົວພັນຄູ່ຮ່ວມມືຍຸດທະສາດແໜ້ນແຟ້ນລະຫວ່າງລັດຖະບານ ຍີ່ປຸ່ນ, ລັດຖະບານ ຫວຽດນາມ ແລະ UNICEP.
ໃນໄລຍະຈະມາເຖິງ, ກະຊວງກະສິກຳ ແລະ ພັດທະນາຊົນນະບົດ ຫວັງວ່າ ລັດຖະບານ ຍີ່ປຸ່ນ ແລະ ອົງການ UNICEF ຈະສືບຕໍ່ແລກປ່ຽນບົດຮຽນ ພ້ອມກັນກໍ່ສ້າງບັນດາໂຄງການຮ່ວມມືພາກລັດ - ເອກະຊົນ ເພື່ອເພີ່ມທະວີການຕ້ານທານຂອງລະບົບຄຸ້ມຄອງ ແລະ ກິດກະກໍາປ້ອງກັນ, ຕ້ານໄພພິບັດ.
ໄຊພອນ
