| ປົກປັກຮັກສາ ແລະ ເສີມຂະຫຍາຍສິນລະປະ 4 ປະເພດການສະແດງດັ້ງເດີມຂອງນະຄອນຫຼວງ | |
| ກອງປະຊຸມລະຫວ່າງລັດຖະມົນຕີການຕ່າງປະເທດ - ເສດຖະກິດ ຄັ້ງທີ 32 |
ກ່າວຄຳເຫັນທີ່ກອງປະຊຸມ, ທ່ານປະທານປະເທດ ຢືນຢັນວ່າ ການພັດທະນາແບບຍືນຍົງ ເພື່ອຮັບມືກັບການປ່ຽນແປງຂອງດິນຟ້າອາກາດ ແມ່ນບັນຫາທີ່ມີຄວາມໝາຍຍຸດທະສາດ ແລະແມ່ນຄວາມຮັບຜິດຊອບລວມຂອງບັນດາປະເທດ, ພື້ນຖານເສດຖະກິດ ແລະວິສາຫະກິດ; ຮຽກຮ້ອງໃຫ້ມີການຮ່ວມແຮງຮ່ວມໃຈກະທໍາ. ທ່ານປະທານປະເທດ ຖືວ່າ ໃນລັດຖະນະໂຍບາຍຂອງຕົນ, ລັດຕ້ອງຄຳນຶງເຖິງຜົນປະໂຫຍດອັນຍາວນານ, ມີມາດຕະການສໍາຜັດຮອບດ້ານ, ນັບແຕ່ພື້ນຖານໂຄງລ່າງ, ການເງິນ, ການຄ້າຕະຫຼອດເຖິງການປົກປັກຮັກສາສິ່ງແວດລ້ອມ, ແຮງງານ ແລະສັງຄົມ....
 |
| ທ່ານ ຫງວຽນຊວນຟຸກ ປະທານປະເທດຫວຽດນາມ. ພາບ: TTXVN |
ທ່ານປະທານປະເທດ ໄດ້ຍົກອອກ 3 ຂໍ້ສະເໜີເຖິງບັນດາວິສາຫະກິດ ຄື: (i) ແຕ່ລະວິສາຫະກິດຄວນມີແຜນການ ແລະ ວິວັດທະນາການຫຼຸດການປ່ອຍອາຍພິດຕາມຄາດໝາຍ, ບັນດາດັດຊະນີກໍານົດແຫ່ງຊາດກ່ຽວກັບການຄວບຄຸມລະດັບ ປ່ອຍອາຍພິດເຮືອນແກ້ວ, ພະລັງງານຫຼຸດລົງ, ຫັນຂະແໜງເສດຖະກິດ, ວິຖີຊີວິດ ແລະການບໍລິໂພກເປັນຂຽວ; (ii) ຄວນລົງທຶນໃຫ້ອະນາຄົດ ເມື່ອມຸ່ງໄປເຖິງໂຄງການພະລັງງານສະອາດ, ພັດທະນາເຕັກໂນໂລຢີໃໝ່ດ້ວຍ “ມູນຄ່າສີຂຽວ” ໃຫ້ນັບມື້ນັບສູງຂຶ້ນ, ສ້າງພື້ນຖານກະສິກຳສີຂຽວອັດສະລິຍະ; ສ້າງລະບົບຕ່ອງໂສ້ການສະໜອງສີຂຽວ ແລະສົ່ງເສີມການປ່ຽນແປງພຶດຕິກຳທີ່ເປັນມິດກັບສິ່ງແວດລ້ອມຂອງຜູ້ບໍລິໂພກ; (iii) ສະພາທີ່ປຶກສາວິສາຫະກິດ APEC ຄວນສ້າງ “ປະມວນແນະນໍາການຊຸກຍູ້ການດຳເນີນທຸລະກິດແບບຍືນຍົງ APEC” ດ້ວຍຈຸດສຸມແມ່ນບັນດາວິສາຫະກິດຂະໜາດກາງ ແລະນ້ອຍ .
ທີ່ກອງປະຊຸມ COP-26, ຫວຽດນາມ ໃຫ້ຄຳໝັ້ນສັນຍາຢ່າງແຮງເພື່ອບັນລຸຄວາມດຸ່ນດ່ຽງການປ່ອຍອາຍພິດຮອດປີ 2050 (Net Zero), ຍົກອັດຕາສ່ວນພະລັງງານທົດແທນຂຶ້ນກວ່າ 30% ໃນຈຳນວນແຫຼ່ງສະໜອງພະລັງງານທີ່ສະໜອງທັງໝົດ ແລະອັດຕາປ່າໄມ້ໝັ້ນຄົງປົກຄຸມໃຫ້ໄດ້ 43%... ພັດທະນາສີຂຽວຖືມະນຸດ ເປັນໃຈກາງ; ອີງຕາມລະບອບລະບຽບການ ແລະການຄຸ້ມຄອງທີ່ທັນສະໄຫມ, ມີ ວິທະຍາສາດ ແລະເຕັກໂນໂລຢີທີ່ກ້າວຫນ້າ, ແຫຼ່ງຊັບພະຍາກອນມະນຸດທີ່ມີຄຸນນະພາບສູງ.
ໃນວິວັດການນີ້, ຫວຽດນາມ ຍາມໃດກໍ່ປາດຖະໜາຢາກເພີ່ມທະວີການຮ່ວມມືກັບບັນດາສະມາຊິກ APEC, ບັນດາປະເທດ, ວິສາຫະກິດພາຍໃນ ແລະສາກົນ. ຄຽງຂ້າງກັບເລື່ອງສືບຕໍ່ປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດ, ຫວຽດນາມ ກໍ່ໄດ້ສ້າງກົນໄກບຸລິມະສິດໃຫ້ວິສາຫະກິດ ຍາດແຍ່ງກາລະໂອກາດ ເຂົ້າຮ່ວມການສະໜອງຜະລິດຕະພັນ ແລະການບໍລິການສີຂຽວ; ສ້າງສໍາເລັດ ລະບອບລະບຽບການ ແລະນະໂຍບາຍກ່ຽວກັບການພັດທະນາວິສາຫະກິດສີຂຽວ, ປ່ຽນແປງໃໝ່ຢ່າງປະດິດຄິດສ້າງ, ບັນດາເຂດອຸດສາຫະກຳນິເວດ...
ທ່ານປະທານປະເທດ ເຊື່ອໝັ້ນວ່າ ບັນດານະໂຍບາຍດັ່ງກ່າວ ພ້ອມກັບຕະຫຼາດ 100 ລ້ານຄົນ ແລະເຄືອຂ່າຍອັນໃຫຍ່ກວ້າງຂອງ 14 ສັນຍາການຄ້າເສລີທີ່ໄດ້ເຂົ້າຮ່ວມແມ່ນກາລະໂອກາດ ແລະເງື່ອນໄຂສະດວກເພື່ອໃຫ້ບັນດານັກລົງທຶນສາກົນມາຫວຽດນາມ ເພື່ອພ້ອມກັນຮ່ວມມື, ແບ່ງປັນຜົນປະໂຫຍດ ແລະພັດທະນາແບບຍືນຍົງ.
ໄຊພອນ
