ເຄື່ອງໝາຍການຄ້າ ເຮືອນອັດສະລິຍະ Lumi ສເປີດຕົວຢ່າງເປັນທາງການ ຢູ່ ລາວ

ພິທີເຊັນສັນຍາລົງນາມຮ່ວມມື ລະຫວ່າງ ບໍລິສັດ ເຕັກໂນໂລຢີ Lumi ຫວຽດນາມ ແລະ ບໍລິສັດ Lumi ລາວ .

ຕາງຫນ້າ ບໍລິສັດ ເຕັກໂນໂລຢີ Lumi ຫວຽດນາມ ຢັ້ງຢືນວ່າ: ການພັດທະນາຕະຫຼາດໃຫມ່ພາຍນອກຂອງຫວຽດນາມ ແມ່ນເປົ້າຫມາຍຍຸດທະສາດໄລຍະຍາວຂອງ ບໍລິສັດເຮືອນອັດສະລິຍະ Lumi. ຮູ້ວ່າການພັດທະນາ ແລະ ການປຸກສ້າງຂອງລາວ ມີຄວາມກ້າວຫນ້າ ແລະ ມີການເຕີບໃຫຍ່ຂະຫຍາຍຕົວສະໝ່ຳສະເໝີ, ຄວາມຕ້ອງການ ເຮືອນແບບທັນສະໄຫມ, ສະດວກສະບາຍ ຂອງປະຊາຊົນ ແມ່ນນັບມື້ນັບແທດເໝາະກັບຕົວຈິງ. ສະນັ້ນນີ້ແມ່ນໂອກາດທີ່ດີທີ່ສຸດ ໃນການພັດທະນາ ເຮືອນອັດສະລິຍະ Lumi, ຍ້ອນເຄື່ອງໝາຍການຄ້າ ເຮືອນອັດສະລິຍະ Lumi ມີຊື່ສຽງໂດ່ງດັງໄປທົ່ວໂລກ ແລະ ໄດ້ຮັບການຮັບຮອງ ແລະ ໃບຢັ້ງຢືນມາດຕະຖານສາກົນ ເປັນຈຳນວນຫຼວງຫຼາຍ. ບໍລິສັດເຮືອນອັດສະລິຍະ Lumi ຍັງໄດ້ຮັບຜົນສຳເລັດ ໃນຫລາຍປະເທດທົ່ວໂລກເຊັ່ນ: ອິນເດຍ, ອີຕາລີ, ບາຊິນ, ໄທ, ສິງກະໂປ, ກໍາປູເຈຍ, ເລບານອນ ແລະ ອິດສຣາແຣນ.

ແບບຈຳລອງ ເຮືອນອັດສະລິຍະ Lumi .

ຜູ້ອໍານວຍການບໍລິສັດ Lumi ລາວ ກ່າວວ່າ: ການເປີດຕົວ ບໍລິສັດ Lumi Lao ຈະເປັນບາດກ້າວໃໝ່ທີ່ສໍາຄັນ ເພື່ອເຮັດໃຫ້ຜະລິດຕະພັນ ເຮືອນອັດສະລິຍະ Lumi ເຂົ້າເຖິງຜູ້ບໍລິໂພກລາວ, ສະດວກ ແລະ ງ່າຍດາຍ ພ້ອມທັງເຮັດໃຫ້ປະຊາຊົນລາວ ມີຊີວິດການເປັນຢູ່ທີ່ດີຂຶ້ນ.

（ຄຳຮຸ່ງ）