| ການບໍລິການພະລາທິການໃຫ້ແກ່ອາຊີບຫາປາຢູ່ໝຸ່ເກາະເຈື່ອງຊາ | |
| ການເລືອກຕັ້ງຢູ່ເມືອງເກາະເຈື່ອງຊາ ດຳເນີນໄປຢ່າງຖືກຕ້ອງຕາມແຜນການ, ມີຄວາມເປັນລະບຽບຮຽບຮ້ອຍ, ປອດໄພ, ຖືກຕາມກົດໝາຍ |
 |
| ທ່ານນາງ ຟ້າມທູງຮັ່ງ ຮອງໂຄສົກກະຊວງການຕ່າງປະເທດ ຫວຽດນາມ (ພາບ: TTXVN ) |
ຫວ່າງແລ້ວນີ້, ຢູ່ການຖະແຫຼງຂ່າວ, ໂດຍຕອບຄຳຖາມກ່ຽວກັບປະຕິກິລະຍາຂອງ ຫວຽດນາມ ຕໍ່ເລື່ອງທິມກ່ຳປັ່ນຫາປ່າຂອງ ຈີນ ປະກົດຕົວຄືນໃໝ່ຢູ່ເຂດເກາະຊິງໂຕນ ຂຶ້ນກັບໝູ່ເກາະເຈື່ອງຊາ ຂອງ ຫວຽດນາມ, ບາງຄັ້ງມີຂຶ້ນເຖິງ 150 ລຳ, ທ່ານນາງ ຟ້າມທູງຮັ່ງ ຮອງໂຄສົກກະຊວງການຕ່າງປະເທດ ຫວຽດນາມ ເນັ້ນໜັກວ່າ ຫວຽດນາມ ມີພື້ນຖານນິຕິກຳ ແລະ ຫຼັກຖານປະຫວັດສາດຢ່າງຄົບຖ້ວນ ເພື່ອຢັ້ງຢືນສິດອະທິປະໄຕ ແລະ ສິດອຳນາດສານ ສຳລັບເຂດທະເລຂອງຕົນ ທີ່ໄດ້ດຳເນີນສອດຄ່ອງກັບສົນທິສັນຍາ ສະຫະປະຊາຊາດ ກ່ຽວກັບກົດໝາຍວ່າດ້ວຍ ທະເລປີ 1982.
ທ່ານນາງຮັ່ງ ໃຫ້ຮູ້ວ່າ: “ຫວຽດນາມ ຢຶດໝັ້ນປະຕິບັດບັນດາມາດຕະການສອດຄ່ອງກັບກົດໝາຍສາກົນ ເພື່ອປົກປ້ອງບັນດາສິດອັນຊອບທຳ ແລະ ຖືກຕ້ອງນັ້ນ”.
ຜູ້ຕາງໜ້າກະຊວງການຕ່າງປະເທດ ຫວຽດນາມ ຢັ້ງຢືນວ່າ ເລື່ອງ ບັນດາກ່ຳປັ່ນ ຈີນ ເຄື່ອນໄຫວໃນຂອບເຂດນ່ານນ້ຳເກາະຊິງໂຕນ ຂຶ້ນກັບໝູ່ເກາະເຈື່ອງຊາ ຂອງ ຫວຽດນາມ ໄດ້ລ່ວງລ້ຳອະທິປະໄຕຂອງ ຫວຽດນາມ ຢ່າງຮ້າຍແຮງ, ລະເມີດບັນດາຂໍ້ກຳນົດຂອງ ສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍທະເລປີ 1982 ແລະ ໄປຝຶນກັບຈິດໃຈ ແລະ ເນື້ອໃນຖະແຫຼງການຂອງບັນດາຝ່າຍຢູ່ທະເລຕາເວັນອອກ.
ບຸນຄົງ
