ສະຫາຍ ຫງວ໋ຽນ ຮິວທ໋າບ ຮອງຫົວໜ້າຫ້ອງວ່າການ ແຂວງ ຫົວໜ້າຄະນະຊີ້ນຳ 515 ແຂວງ ໄດ້ເຂົ້າຮ່ວມພິທີ ແລະ ໄດ້ໂອລົມ ແລະ ປຸກລະດົມພະນັກງານ, ທະຫານ ກອງ K53 ເດີນທາງໄປປະຕິບັດພາລະກິດຄັ້ງນີ້.
 |
ການນຳ ຂອງກອງບັນຊາການທະຫານແຂວງ ໄດ້ມອບດອກໄມ້ ແລະ ຂອງຂວັນເພື່ອເປັນກຳລັງໃຈ ໃຫ້ແກ່ກອງທະຫານ K53ກ່ອນການເຄື່ອນພົນ.(ພາບ: ຈຸງກຽນ/bienphong.com.vn)
ກ່າວຄຳເຫັນທີ່ພິທີຄັ້ງນີ້ ສະຫາຍ ຫງວ໋ຽນ ຮີວທ໋າບ ໄດ້ສະເໜີມາຍັງ ທະຫານກອງ K53 ແຂວງກອງຕຸມ ຕ້ອງເສີມຂະຫຍາຍ ຜົນສຳເລັດທີ່ບັນລຸໄດ້ໃນໄລຍະທີ່ຜ່ານມາ, ສາມັກຄີເປັນຈິດໜຶ່ງໃຈດຽວກັນແກ້ໄຂ ແລະ ຜ່ານຜ່າຄວາມຫຍຸ້ງຍາກ, ປະຕິບັດໃຫ້ໄດ້ດີຕໍ່ກົດລະບຽບທະຫານ ແລະ ສາຍພົວພັນສາກົນ, ປະຕິບັດໃຫ້ໄດ້ດີວຽກງານຂົນຂວາຍ ເພື່ອໃຫ້ເພື່ອນຊ່ວຍເຫຼືອ ສ້າງເງື່ອນໄຂສະດວກໃນຂັ້ນຕອນການຈັດຕັ້ງປະຕິບັດພາລະກິດ...
ຕ່າງໜ້າພະນັກງານ, ນັກຮົບ ທະຫານກອງ K53 ພັນໂທ ຫງວ໋ຽ ກົງຄວາ ຫົວໜ້າກອງ ໄດ້ໃຫ້ຄຳໝັນສັນຍາວ່າຈະຕັດສິນໃຈຜ່ານຜ່າ ທຸກຄວາມຫຍຸ້ງຍາກ, ສາມັກຄີເປັນເອກກະພາບ, ຍົກສູງນຳ້ໃຈຮັບຜິດຊອບ, ກຳໄດ້ເປົ້າໝາຍ, ຈິດໃຈເພື່ອເຮັດສຳເລັດໜ້າທີ່-ທີ່ໄດ້ຮັບມອບໝາຍ.
ຕາມຂໍ້ມູນຂອງ ທະຫານ ກອງ K53 ທີ່ໄດ້ຮັບຈາກພໍ່ແມ່ປະຊາຊົນ ແລະ ບັນດານັກຮົບເກົ່າ ທີ່ເຄີຍເຂົ້າຮ່ວມການຕໍ່ສູ້ ຢູ່ສະໜາມຮົບ ປະເທດອ້າຍນ້ອງ ຈຳນວນ ຫຼຸມສົບຂອງນັກຮົບຜູ້ທີ່ເສຍສະຫຼະຊີວິດນັ້ນຍັງເປັນຈຳນວນຫຼວງຫຼາຍ ສ່ວນໃຫຍ່ແມ່ນຢູ່ເລິກເຂົ້າໄປໃນປ່າເລິກ, ເຂດຫ່າງໄກສອກຫຼີກ, ເຂດທີ່ບໍ່ມີຄົນອາໄສຢູ່. ຄາດຄະເນວ່າ ລະດູແລ້ງ ປີ 2018-2019 ກອງທະຫານ K53 ຈະພະຍາຍາມຊອກຫາ, ທ້ອນໂຮມ ໄດ້ປະມານ 15 ອັດຖິ (ຢູ່ ລາວ 5 ແລະ ກຳປູເຈຍອີກ 10).
（ຫັດທະບູນ）
