| ກອງປະຊຸມຄົບຄະນະຄັ້ງທີ 3 ຄະນະກຳມາທິການສັງຄົມຂອງສະພາແຫ່ງຊາດ | |
| ການປຶກສາຫາລືດ້ານການເມືອງ ຫວຽດນາມ - ນີກາຣາກວາ |
 |
| ເປີດໂຕສະມາຄົມຊາວຫວຽດນາມຢູ່ Miyazaki. ພາບ: TTXVN |
ເມື່ອບໍ່ດົນມານີ້, ຢູ່ທີ່ຫໍປະຊາຊົນໃຈກາງ ນະຄອນ Miyazaki (ຍີ່ປຸ່ນ) ໄດ້ມີພິທີເປີດຕົວສະມາຄົມຊາວຫວຽດນາມຢູ່ Miyazaki (ຍີ່ປຸ່ນ). ຄະນະບໍລິຫານງານສະມາຄົມຊາວຫວຽດນາມຢູ່ Miyazaki ລວມມີສະມາຊິກ 12 ຄົນ. ທ່ານນາງ ຮວ່າງທິ້ຢາງ ໄດ້ຮັບເລືອກຕັ້ງເປັນປະທານສະມາຄົມ.
ການສ້າງຕັ້ງສະມາຄົມໄດ້ຕອບສະໜອງຕາມຄວາມມຸ່ງມາດປາຖະໜາ ທີ່ມີມາແຕ່ດົນນານຂອງບັນດາລຸ້ນຄົນຫວຽດນາມຢູ່ Miyazaki ກ່ຽວກັບ “ຊາຍຄາລວມ” ທີ່ຕິດພັນທຸກຊັ້ນຄົນຊາວຫວຽດນາມ ທີ່ພວມດໍາລົງຊີວິດ, ຮໍ່າຮຽນ ແລະເຮັດວຽກຢູ່ໃນແຂວງນີ້.
ກ່າວຄຳເຫັນທີ່ພິທີເປີດຕົວ, ທ່ານຫົວໜ້າກົງສູນໃຫຍ່ຫວຽດນາມ ປະຈຳ Fukuoka ຫວູບີ່ງ ເຊື່ອໝັ້ນວ່າ ສະມາຄົມຊາວຫວຽດນາມຢູ່ແຂວງ Miyazaki ຈະມີຫຼາຍກິດຈະກຳທີ່ແທດຈິງ ແລະມີຄວາມໝາຍເພື່ອເພີ່ມທະວີຄວາມສາມັກຄີໃນປະຊາຄົມ, ປົກປັກຮັກສາ ແລະເສີມຂະຫຍາຍລັກສະນະຈຳເພາະທາງວັດທະນະທຳມູນເຊື້ອຂອງຊາດ, ແນະນຳວັດທະນະທຳ ຫວຽດນາມ ກັບ ພໍ່ແມ່ປະຊາຊົນຂອງແຂວງ Miyazaki ແລະປະກອບສ່ວນເຂົ້າໃນການພັດທະນາສາຍພົວພັນຄູ່ຮ່ວມຍຸດທະສາດອັນກວ້າງຂວາງລະຫວ່າງສອງປະເທດ.
ໃນຈົດໝາຍອວຍພອນສະມາຄົມຊາວຫວຽດນາມຢູ່ Miyazaki, ໃນໂອກາດນີ້ ທ່ານ Kono Shunji ຜູ້ວ່າການແຂວງ Miyazaki, ແລະທ່ານ Tojiki Tadashi, ເຈົ້າຄອງນະຄອນ Miyazaki ໄດ້ສະແດງຄວາມປິຕິຊົມຊື່ນຕໍ່ການເຕີບໂຕຂອງປະຊາຄົມຊາວຫວຽດນາມຢູ່ໃນແຂວງນີ້.
ການນຳບັນດາແຂວງກໍ່ໄດ້ຕີລາຄາສູງຕໍ່ການປະກອບສ່ວນຂອງຊາວຫວຽດນາມ ຕໍ່ກັບວິວັດການພັດທະນາເສດຖະກິດ-ສັງຄົມຂອງ Miyazaki ໃນໄລຍະຜ່ານມາ, ພ້ອມກັນນັ້ນ ກໍ່ໃຫ້ຮູ້ວ່າຈະສືບຕໍ່ເອົາໃຈໃສ່ ແລະ ສ້າງບັນດານະໂຍບາຍເພື່ອປັບປຸງສະພາບແວດລ້ອມຂອງການຮັບເອົາຊາວຕ່າງປະເທດໃຫ້ດີຂຶ້ນ, ໜູນຊ່ວຍ ແລະສ້າງເງື່ອນໄຂເພື່ອສ້າງສະພາບແວດລ້ອມແຫ່ງການດຳລົງຊີວິດທີ່ສະດວກສະບາຍ, ມີຄວາມສະເໝີພາບ, ບໍ່ຈໍາແນກສັນຊາດຢູ່ໃນບໍລິເວນແຂວງ, ພ້ອມທັງກໍ່ໃຫ້ການໜຸນຊ່ວຍປະຊາຄົມຊາວຫວຽດນາມ ມີຊີວິດການເປັນຢູ່ທີ່ກົມກຽວ, ອີ່ມໜຳສຳລານ, ມີຄວາມໝັ້ນຄົງ ແລະເຊື່ອມໂຍງເຂົ້າກັບປະເທດປະຈໍາຖິ່ນ.
ໄຊພອນ
