| ສ.ເກົາຫຼີ ເປີດກວ້າງ FTA ກັບບັນດາພື້ນຖານເສດຖະກິດທີ່ຫາກໍ່ພົ້ນເດັ່ນຂຶ້ນໃນອາຊຽນ ແລະອາເມລິກາລາຕິນ | |
| ກອງປະຊຸມໃຫຍ່ຄັ້ງທີ 8 ຂອງສະມາຄົມນັກສຶກສາຫວຽດນາມ ຢູ່ ສ.ເກົາຫຼີ |
 |
| ພາບປະກອບ |
ສະເພາະໃນເດືອນສິງຫາ, ຕາມຕົວເລກສະຖິຕິຈາກກົມໃຫຍ່ພາສີ ສະແດງໃຫ້ເຫັນວ່າ ມູນຄ່າການສົ່ງອອກຜັກ ແລະ ໝາກໄມ້ຂອງຫວຽດນາມໄປຍັງຕະຫຼາດ ສ.ເກົາຫຼີ ບັນລຸ 11,1 ລ້ານໂດລາສະຫະລັດ, ເພີ່ມຂຶ້ນ 13,66% ເມື່ອທຽບໃສ່ໄລຍະດຽວກັນຂອງປີ 2020.
ສູນພັດທະນາການຄ້າເອເລັກໂຕນິກ ໄດ້ອ້າງອີງຂໍ້ມູນຈາກກະຊວງອຸດສາຫະກໍາ ແລະ ການຄ້າ ສະແດງໃຫ້ເຫັນວ່າມີ ໝາກໄມ້ສົດຂອງຫວຽດນາມ 6 ຊະນິດທີ່ໄດ້ຮັບອະນຸຍາດໃຫ້ສົ່ງອອກໄປຕະຫຼາດ ສ.ເກົາຫຼີ ຢ່າງເປັນທາງການ ລວມມີ: ໝາກພ້າວ, ໝາກນັດ, ໝາກມັງກອນເນື້ອຂາວ, ໝາກມັງກອນເນື້ອແດງ, ໝາກມ່ວງ, ໝາກກ້ວຍ. ໃນນັ້ນ, ປະລິມານໝາກກ້ວຍຂອງຫວຽດນາມ ກວມພຽງແຕ່ປະມານ 2% ຂອງອັດຕາສ່ວນກວມຕະຫຼາດຂອງ ສ.ເກົາຫຼີ ແລະ ພວມມີການແກ່ງແຍ້ງຢ່າງແຮງກັບໝາກກ້ວຍຂອງຟິລິບປິນ (ກວມ 75,8% ປະລິມານການນຳເຂົ້າໝາກໄມ້ຊະນິດນີ້ຂອງ ສ.ເກົາຫຼີ).
ໝາກພ້າວຂອງຫວຽດນາມກວມເອົາປະມານ 2,6%, ໝາກນັດ 0,62%, ໃນຂະນະທີ່ໝາກນັດຂອງຟີລິບປິນກວມເອົາ 93% ຂອງການນຳເຂົ້າໝາກໄມ້ທັງໝົດຂອງ ສ.ເກົາຫຼີ...
ຕາມສູນພັດທະນາການຄ້າເອເລັກໂຕນິກແລ້ວ, ເຖິງແມ່ນວ່າຕະຫຼາດຜັກ ແລະ ໝາກໄມ້ຂອງ ສ.ເກົາຫຼີ ຍັງມີຫຼາຍຊ່ອງວ່າງໃນການເຄື່ອນໄຫວສຳລັບວິສາຫະກິດຫວຽດນາມ ແຕ່ເປັນຕະຫຼາດທີ່ຕ້ອງການຄຸນນະພາບສູງ, ມີການປົກປ້ອງຜູ້ບໍລິໂພກໃນລະດັບສູງ ແລະ ມີອຸປະສັກທາງດ້ານເຕັກນິກທີ່ເຂັ້ມງວດອີກດ້ວຍ. ຫວຽດນາມຕ້ອງການໜູນຊ່ວຍໃນການສ້າງເຄື່ອງໝາຍການຄ້າໃຫ້ຜະລິດຕະພັນກະເສດ, ຄືນິວຊີແລນມີເຄື່ອງໝາຍການຄ້າ kiwi, ໂຮນລັງມີເຄື່ອງໝາຍການຄ້າໝາກກ້ຽງ, ຟິລິບປິນມີເຄື່ອງໝາຍການຄ້າໝາກກ້ວຍ.
ຫວຽດນາມ ພວມຊຸກຍູ້ບັນດາອົງການຂອງ ສ.ເກົາຫຼີ ເປີດປະຕູຕະຫຼາດໃຫ້ໝາກໄມ້ຫຼາຍຊະນິດຕື່ມອີກເຊັ່ນ: ໝາກພຸກ, ໝາກໜອດ, ໝາກລິນຈີ່, ໝາກເງາະ, ໝາກລຳໄຍ...
ປະຈຸບັນບັນດາລະບົບຂອງສູນການຄ້າ, ຊຸບເປີມາເກັດ, ຮ້ານສະດວກຊື້ຂອງ ສ.ເກົາຫຼີ ກວມ 60%, ຕະຫຼາດແບບດັ້ງເດີມ 20%, ສ່ວນທີ່ເຫຼືອແມ່ນຜ່ານການຂາຍຍ່ອຍທາງອອນໄລ. ສະນັ້ນ, ບັນດາວິສາຫະກິດຫວຽດນາມຕ້ອງການສົ່ງອອກແບບຍືນຍົງ ກໍ່ຕ້ອງຊອກຫາວິທີນຳເອົາສິນຄ້າຜ່ານລະບົບການຈຳໜ່າຍ, ຮ້ານສັບພະສິນຄ້າຂາຍຍ່ອຍ ແລະ ຮ້ານສະດວກຊື້.
ໄຊພອນ
