| Sakal Phoeng - ຜູ້ມີຄວາມເມົາມົວຢ່າງສຸດຈິດສຸດໃຈກັບອາຊີບພໍ່ຄົວ | |
| ຫວຽດນາມ: ປະຊາຊົນກ່າເມົາ ຄັດຄ້ານ ຈີນສ້າງຕັ້ງອັນທີ່ໄດ້ເອີ້ນວ່າ “ເມືອງຊີຊາ” ແລະ “ເມືອງ ໜານຊາ” |
 |
| ກາເມົາກັບຄືນສູ່ສະພາບປົກກະຕິໃໝ່ (ພາບ: baocamau.com.vn) |
ຕາມນັ້ນແລ້ວ, ນັບແຕ່ເວລາ 00 ໂມງຂອງວັນທີ 12 ຕຸລາ, ປະຊາຊົນແຂວງ ກາເມົາ (ຍົກເວັ້ນບັນດາເຂດແຍກຕົວ, ເຂດລອກດ໋າວ ຕາມຂໍ້ກຳນົດສະເພາະ) ສາມາດເດີນທາງໄປມາພາຍໃນແຂວງ, ເມື່ອປະຊາຊົນມີຄວາມຕ້ອງການເດີນທາງອອກຈາກແຂວງ ຕ້ອງມີຄວາມເຫັນດີຈາກທ້ອງຖິ່ນຂອງສະຖານທີ່ຈະໄປ.
ບັນດາພາຫະນະຂົນສົ່ງສິນຄ້າ, ຄົນຂັບ ແລະ ຜູ້ໂດຍສານພາຫະນະເຂົ້າບໍລິເວນແຂວງ ດ້ວຍທາງບົກ, ການເດີນເຮືອ, ທາງທະເລ ຕ້ອງໄດ້ຮັບການຄວບຄຸມຢ່າງແໜ້ນແຟ້ນ.
ປະຊາຊົນບໍ່ເຕົ້າໂຮມກັນເກີນ 10 ຄົນຢູ່ນອກເຂດຫ້ອງການ, ໂຮງຮຽນ, ໂຮງໝໍ, ໂຮງຈັກ, ໂຮງງານ; ຮັກສາໄລຍະຫ່າງກັນໜ້ອຍສຸດ 2 ແມັດ ຢູ່ສະຖານທີ່ສາທາລະນະ.
ທາງແຂວງຍັງກ່າວເຕືອນປະຊາຊົນ ບໍ່ຄວນອອກທາງ ຖ້າບໍ່ມີຄວາມຈຳເປັນຢ່າງແທ້ຈິງ, ປະຕິບັດ ສານ 5 ປະການຂອງກະຊວງສາທາລະນະສຸກຢ່າງເຂັ້ມງວດ. ພ້ອມທັງ, ກ່າວເຕືອນປະຊາຊົນປະຕິບັດການວິໄຈຫາເຊື້ອເປັນປະຈຳ ແນໃສ່ກວດພົບຜູ້ຕິດເຊື້ອໂຄວິດ - 19 ເພື່ອປິ່ນປົວຢ່າງທັນການ. ທົ່ວແຂວງ ສືບຕໍ່ຈັດວາງປ້ອມ ຢູ່ບັນດາບໍລິເວນທີ່ຕິດເຂດ, ກັບທະເລ, ຄວບຄຸມບັນດາຄວາມສ່ຽງຈາກພາຍນອກ, ຮັກສາວຽກງານຄົ້ນຫາ, ວິໄຈຫາເຊື້ອ.
ກາເມົາ ຍັງບໍ່ອະນຸຍາດໃຫ້ຮ້ານ Bar, ຮ້ານບັນເທິງ, ຄາຣາໂອເກະ, ໂຮງສາຍຮູບເງົາ, ຮ້ານເກມ… ກັບຄືນເຂົ້າສູ່ການເຄື່ອນໄຫວປົກກະຕິ. ສືບຕໍ່ຢຸດຕິທຸກຮູບແບບດຳເນີນທຸລະກິດກິນດື່ມທີ່ມີທາດເຫຼົ້າ, ເບຍ, ຢຸດຕິການຢ້ຽມຢາມ, ພົບປະກັບນັກໂທດ, ຄົນເຈັບ. ສືບຕໍ່ຢຸດຕິບັນດາການເຄື່ອນໄຫວຢູ່ຮາກຖານເຄື່ອນໄຫວທາງສາສະໜາ, ບັນດາການເຄື່ອນໄຫວງານບຸນ, ມະຫາກຳກິລາ, ງານຕະຫຼາດນັດ… ໃນກໍລະນີຈຳເປັນ, ປະທານຄະນະກຳມະການປະຊາຊົນ ແຂວງ ຈະພິຈາລະນາຕັດສິນ.
ບຸນຄົງ
