| GNI ຈັດຕັ້ງຊຸດຝຶກອົບຮົມຍົກສູງກຳລັງຄວາມສາມາດໃຫ້ແກ່ຜູ້ອາສາສະໝັກອຸປະຖຳ ເດັກນ້ອຍ 122 ຄົນ | |
| GNI ມອບຂອງຂວັນໃຫ້ເດັກນ້ອຍກວ່າ 1.000 ຄົນ ຢູ່ ແຂວງຮວ່າບີ່ງ |
 |
| ຊົ່ວໂມງຮຽນກ່ຽວກັບການຍົກສູງກຳລັງຄວາມສາມາດໃນການປົກປ້ອງຕົນເອງ” |
ຕາມ GNI ແລ້ວ, ໃນບັນດາຊົ່ວໂມງຮຽນ, ນັກຮຽນຈະໄດ້ເບິ່ງລະຄອນຕຸກກະຕາ, ຜ່ານນັ້ນກໍແນະນຳກ່ຽວກັບການລະເມີດຮ່າງກາຍເດັກ, ການຈອບອອຍລັກພາຕົວໃຫ້ແກ່ພວກນ້ອງ, ບັນດານ້ອງນ້ອຍຈະໄດ້ຮຽນກ່ຽວກັບຊື່ທາງດ້ານວິທະຍາຂອງບັນດາອາໄວຍະວະທີ່ສຳຄັນ, ລະອຽດອ່ອນໃນຮ່າງກາຍ. ຄູສອນຈະແນະນຳຫຼັກການຂອງການລອຍນ້ຳ, 3 ຂັ້ນຕອນປົກກປ້ອງຕົນເອງຜ່ານບັນດາລະຄອນສົມມຸດຖານໃຫ້ແກ່ພວກນ້ອງນ້ອຍ.
ດ້ວຍວິທີການສິດສອນແບບປະຈັກຕາແລະຜ່ານບັນດາຕົວຢ່າງ, ພາຍຫຼັງເຂົ້າຮ່ວມລາຍການບັນດານ້ອງນ້ອຍຈະຮູ້ວິທີການປ້ອງກັນຕົນເອງ...
ນີ້ແມ່ນໜຶ່ງໃນບັນດາການເຄື່ອນໄຫວຂຶ້ນກັບໂຄງການ “ເພີ່ມທະວີລະບົບໜູນຊ່ວຍແລະປົກປ້ອງໃຫ້ແກ່ເດັກນ້ອຍທີ່ປະສົບກັບຄວາມຫຍຸ້ງຍາກ - Hope Letter”.
ລາຍການ Hope Letter ໄດ້ສຸມໃສ່ສະໜອງບັນດາການບໍລິການຈາກການປ້ອງກັນ, ຕ້ານການລະເມີດຮ່າງກາຍເດັກເວົ້າລວມຈົນຮອດບັນດາການເຄື່ອນໄຫວໜູນຊ່ວຍເດັກນ້ອຍທີ່ປະສົບກັບຄວາມຫຍຸ້ງຍາກ, ຈາກນັ້ນກໍສ້າງບາດກ້າວປະຖົມປັດໄຈໃນການເຄື່ອນໄຫວແລະມອບບັນດາຮູບແບບການສຶກສາໃນການປ້ອງກັນຢ່າງມີປະສິດທິຜົນໃຫ້ແກ່ບັນດາທ້ອງຖິ່ນ.
ໄລ່ຮອດເດືອນຕຸລາ 2021, ໂຄງການໄດ້ຜັນຂະຫຍາຍ 180 ຊົ່ວໂມງຮຽນ “ຍົກສູງກຳລັງຄວາມສາມາດໃນການປົກປ້ອງຕົນເອງ - CES” ແລະ 50ການສະແດງ“ລະຄອນຕຸກກະຕາໃນການປ້ອງກັນ, ຕ້ານການລະເມີດເດັກນ້ອຍ - GPS” ດ້ວຍນັກຮຽນກ່ວາ 11.400 ຄົນເຂົ້າຮ່ວມ, ໜູນຊ່ວຍເດັກນ້ອຍ 40 ຄົນທີ່ປະສົບກັບຄວາມຫຍຸ້ງຍາກຜ່ານສູນໂທລະສັບ 111 - ສູນໂທລະສັບແຫ່ງຊາດໃນການປົກປ້ອງເດັກນ້ອຍດ້ວຍຍອດມຸນຄ່າກ່ວາ 245 ລ້ານດົ່ງ.
GNI ຄາດວ່າຈະສືບຕໍ່ຜັນຂະຫຍາຍບັນດາໂຄງການ CES, GPS ຢູ່ບັນດາໂຮງຮຽນປະຖົມໃນບໍລິເວນເມືອງອຽນດິງ (ແຂວງແທັງຮວາ), ນະຄອນຮ່ວາບິງ, ເມືອງບັກຕື່ລຽມ (ຮ່າໂນ້ຍ), ສົມທົບກັບກົມເດັກນ້ອຍ (ກະຊວງແຮງງານ, ທະຫານເສຍອົງຄະແລະສັງຄົມ) ຕ້ອນຮັບ, ໜູນຊ່ວຍບັນດາກໍລະນີເດັກນ້ອຍທີ່ປະສົບກັບຄວາມຫຍຸ້ງຍາກຜ່ານສູນໂທລະສັບ 111 - ສູນໂທລະສັບແຫ່ງຊາດໃນການປົກປ້ອງເດັກນ້ອຍ.
ບຸນຄົງ
