 |
| ການຕິດຕັ້ງໄຟຟ້າແສງຕາເວັນ (ພາບ: vietnamplus.vn) |
ຕາມການຄົ້ນຄ້ວາຫຼ້າສຸດທີ່ໄດ້ບັນດານັກຊ່ຽວຊານສາກົນ ຂຶ້ນກັບໂຄງການຄົ້ນຄ້ວາຈຸດສຸມກ່ຽວກັບພະລັງງານຜະລິດຄືນໃໝ່ ຢູ່ມະຫາວິທະຍາໄລແຫ່ງຊາດ ອົດສະຕາລີ, ສູນພະລັງງານ ອາຊຽນ, ສະຖາບັນການພົວພັນຕ່າງປະເທດ ນອກແວ ແລະ ມະຫາວິທະຍາເສດຖະກິດແຫ່ງຊາດຮ່າໂນຍ ປະຕິບັດ ສະແດງໃຫ້ເຫັນວ່າ ອັດຕາກຳລັງພະລັງງານແສງຕາເວັນ ແລະ ລົມໃນໂຄງປະກອບໄຟຟ້າຢູ່ ຫວຽດນາມ ໃນປີ 2020 ເພີ່ມຂຶ້ນທົບຫຼາຍເທົ່າເມື່ອທຽບໃສ່ກັບຄວາມໄວທີ່ບັນລຸໄດ້ຢູ່ພາກພື້ນ ອາຊີ - ປາຊີຟິກ ເວົ້າລວມ ແລະ ໃນທົ່ວໂລກ.
ການຄົ້ນສະແດງໃຫ້ເຫັນວ່າ ກຳລັງແຮງໄຟຟ້າແສງຕາເວັນ ແລະ ໄຟຟ້າແຮງລົມຂອງ ຫວຽດນາມ ໄດ້ເພີ່ມຂຶ້ນແຕ່ 4,7TWh ເມື່ອປີ 2019 ເຖິງ 9,5 TWh ປີ 2020, ລະດັບເພີ່ມຂຶ້ນທຽບເທົ່າ 1,98% ໃນກຳລັງແຮງໄຟຟ້າທັງໝົດ.
ຢູ່ພາກພື້ນ ອາຊີຕາເວັນອອກສ່ຽງໃຕ້, ມາເລເຊຍ, ສິງກະໂປ ແລະ ອິນໂດເນເຊຍ ມີລະດັບເພີ່ມຂຶ້ນຕ່ຳສຸດ, ໃນຂະນະທີ່ ອັດຕາກຳລັງພະລັງງານແສງຕາເວັນ ແລະ ແຮງລົມ ໃນຍອດກຳລັງແຮງໄຟຟ້າຫຼຸດລົງຢູ່ໄທ ແລະ ຟີລິບປິນ ໂດຍມີການພັດທະນາບັນດາແຫຼ່ງພະລັງງານສ້າງຂຶ້ນຄືນໃໝ່ນີ້ຊ້າພໍສົມຄວນ ແລະ ເຕີບໂຕຢ່າງວອງໄວໃນການນຳໃຊ້ບັນດາແຫຼ່ງໄຟຟ້າຕ່າງໆ.
ຕາມກຸ່ມຄົ້ນຄ້ວາ, ນັບແຕ່ປີ 2019 ຫວຽດນາມ ໄດ້ລື່ນກາຍ ໄທ ກາຍເປັນປະເທດນຳໜ້າກ່ຽວກັບການນຳໃຊ້ໄຟຟ້າແສງຕາເວັນ ແລະ ໄຟຟ້າແຮງລົມ ໃນພາກພື້ນ ອາຊຽນ.
ຕົວເລກ ຂອງອົງການພະລັງງານຜະລິດຄືນໃໝ່ສາກົນ (IREA) ສະແດງໃຫ້ເຫັນຍອດກຳລັງແຮງໄຟຟ້າແສງຕາເວັນ ຂອງ ຫວຽດນາມ ບັນລຸປະມານ 16.500 MW ໃນທ້າຍປີ 2020. ຕົວເລກນີ້ ລື່ນກາຍເປົ້າໝາຍໂດຍລັດຖະບານ ທີ່ວາງຄາດໝາຍໃນເບື້ອງຕົ້ນໃນປີ 2016 ແມ່ນ 850 MW, ຊ້ຳບໍ່ໜຳ ພວມຫຍັບໃກ້ກັບເປົ້າໝາຍຄາດວ່າແມ່ນ 18.600 MW ກຳລັງໄຟຟ້າແສງຕາເວັນທີ່ຕິດຕັ້ງ ໃນປີ 2030 ເຊິ່ງໄດ້ລະບຸໄວ້ໃນແຜນຮ່າງແຜນກຳນົດໄຟຟ້າເລກ 8 ຂອງ ຫວຽດນາມ.
ຕາມການປະກາດຂອງ ບໍລິສັດໄຟຟ້າ ຫວຽດນາມ, ໃນສອງປີ 2019 ແລະ ປີ 2020 ມີກ່ວາ 100.000 ລະບົບໄຟຟ້າແສງຕາເວັນ ຢູ່ເທິງຫຼັງຄາເຮືອນທີ່ໄດ້ຮັບການຕິດຕັ້ງຢູ່ ຫວຽດນາມ. ກຸ່ມຄົ້ນຄວ້າໄດ້ຕີລາຄາ ນີ້ແມ່ນຜົນງານມະຫັດສະຈັນ.
ໃນຂະນະນັ້ນ ໄຟຟ້າແສງຕາເວັນ ບັນລຸລະດົມປົກຄຸມໃຫຍ່ທີ່ສຸດ ຢູ່ ຫວຽດນາມ ດ້ວຍກຳລັງແຮງໄຟຟ້າແຮງທີ່ໄດ້ຕິດຕັ້ງກໍ່ເພີ່ມຂຶ້ນໂດຍໄວ, ເຂົ້າທ້າຍປີ 2020, ກຳລັງແຮງໄຟຟ້າແຮງລົມຕິດຕັ້ງ ບັນລຸ 600MW, ຖັດຈາກ ໄທ (1.507 MW) ໃນຈຳນວນບັນດາປະເທດ ອາຊຽນ.
ການຄົ້ນຄ້ວາໃຫ້ຮູ້ວ່າ ປີ 2020, ອັດຕາການເຕີບໂຕກຳລັງແຮງໄຟຟ້າໄລ່ຕາມປີຂອງ ຫວຽດນາມ ແມ່ນ 70%, ໃນຂະນະທີ່ບັນດາປະເທດອາຊຽນຕ່າງໆບໍ່ເປີດກວ້າງ ກຳລັງແຮງໄຟຟ້າແຮງລົມ.
ຫວຽດນາມ ກໍ່ແມ່ນປະເທດທີ່ມີການວາງແຜນກຳນົດພັດທະນາໄຟຟ້າແຮງລົມທີ່ມີຄວາຫວັງສູງທີ່ສຸດໃນອາຊຽນ, ດ້ວຍເປົ້າໝາຍຄາດວ່າ ແມ່ນ 11.800 MW ກຳລັງແຮງໄຟຟ້າແຮງລົມໃນປີ 2025. ໃນຂະນະນັ້ນ, ເປົ້າໝາຍຂອງ ໄທ ແລະ ຟີລິບປິນ ຕາມລຳດັບແມ່ນປະມານ 3000MW ໃນປີ 2036 ແລະ 2.378 MW ໃນປີ 2030.
ກຳລັງໜູນພື້ນຖານຂອງຜົນສຳເລັດໃນການພັດທະນາພະລັງງານແສງຕາເວັນ ແລະ ແຮງລົມຂອງ ຫວຽດນາມ ແມ່ນ: ລະດັບລາຄາຊື້ໄຟຟ້າຈາກຜູ້ຜະລິດພະລັງງານຜະລິດຄືນໃໝ່ (FIT) ທີ່ດຶງດູດໃຈ, ພາສີລາຍຮັບໄດ້ຮັບການບຸລິມະສິດ ແລະ ຫຼຸດຜ່ອນພາສີເຊົ່າທີ່ດິນ. ໄປຄຽງຄູ່ກັນນັ້ນ ກໍ່ແມ່ນການສະໜັບສະໜູນດ້ານການເມືອງ ແລະ ສັງຄົມເປີດກວ້າງກໍ່ຄືສະພາບແວດລ້ອມແຫ່ງການລົງທຶນທີ່ສະດວກ.
ບຸນຄົງ
