ຮ່າ​ໂນ້ຍ​ຜັນ​ຂະ​ຫຍາຍ Camera Scan QR Code ຢູ່ ປ້ອມ​ປ້ອງ​ກັນ​ຕ້ານ​ໂລກ​ລະ​ບາດ ​67 ປ້ອມກວດການເຂົ້າ​ອອກ​ນະ​ຄອນ

06:25 | 18/09/2021

ຍ​ສ​ໝ - ນັບ​ແຕ່​ວັນ​ທີ 14 ກັ​ນ​ຍາ, ຕຳຫຼາດ​ນະ​ຄອນ​ຮ່າ​ໂນ້ຍ ຈະ​ສົມ​ທົບ​ກັບ​ກົມ​ຕຳຫຼວດ​ຄຸ້ມ​ຄອງ​ການ​ບໍ​ລິ​ຫານ​ກ່ຽວ​ກັບ​ຄວາມ​ເປັນ​ລະ​ບຽບ​ຮຽບ​ຮ້ອຍ​​ສັງ​ຄົມ (ກະ​ຊວງ​ຕຳຫຼວດ) ໄດ້​ຜັນ​ຂະ​ຫຍາຍ​ການ​ຕິດ​ຕັ້ງ​ບັນ​ດາ Camera Scan QR Code ຢູ່ປ້ອມ​ປ້ອງ​ກັນ​ຕ້ານ​ໂລກ​ລະ​ບາດ ​67 ປ້ອມກວດການເຂົ້າ​ອອກ​ນະ​ຄອນ ດ້ວຍ​ໂປ​ແກຼນ VNEID.

ໄວໜຸ່ມ​ນະ​ຄອນ​ປະ​ຕິ​ບັດ​ອາ​ທິດຈຸດ​ສຸມ​ໃນ​ການ​ປ້ອງ​ກັນ​, ຕ້ານ​ໂລກ​ລະ​ບາດ​ໂຄວິດ - 19 ໄວໜຸ່ມ​ນະ​ຄອນ​ປະ​ຕິ​ບັດ​ອາ​ທິດຈຸດ​ສຸມ​ໃນ​ການ​ປ້ອງ​ກັນ​, ຕ້ານ​ໂລກ​ລະ​ບາດ​ໂຄວິດ - 19
ຮ່າ​ໂນ້ຍ: ປະ​ຊາ​ຊົນ​ກວ່າ 2,6 ລ້ານ​ຄົນ​ໄດ້​ຮັບ​ການ​ຊ່ວຍ​ໜູນ​ສັງ​ຄົມ ຮ່າ​ໂນ້ຍ: ປະ​ຊາ​ຊົນ​ກວ່າ 2,6 ລ້ານ​ຄົນ​ໄດ້​ຮັບ​ການ​ຊ່ວຍ​ໜູນ​ສັງ​ຄົມ
ຮ່າ​ໂນ້ຍ​ຜັນ​ຂະ​ຫຍາຍ Camera Scan QR Code ຢູ່ ປ້ອມ​ປ້ອງ​ກັນ​ຕ້ານ​ໂລກ​ລະ​ບາດ ​67 ປ້ອມກວດການເຂົ້າ​ອອກ​ນະ​ຄອນ
ຮ່າ​ໂນ້ຍ​ຜັນ​ຂະ​ຫຍາຍ Camera Scan QR Code ຢູ່ ປ້ອມ​ປ້ອງ​ກັນ​ຕ້ານ​ໂລກ​ລະ​ບາດ ​67 ປ້ອມກວດການເຂົ້າ​ອອກ​ນະ​ຄອນ.

ບັນ​ດາ​ປ້ອມ​ຄວບ​ຄຸມ​ເລີ່ມກວດ​ກາ​ເງື່ອນ​ໄຂ​ຂອງ​ຜູ້​ເຂົ້າ​ອອກ​ນະ​ຄອນ​ຮ່າ​ໂນ້ຍ​ຜ່ານ​ລະ​ບົບ camera, ຜູ້​ເຂົ້າ​ຮ່ວມ​ການ​ຈະ​ລາ​ຈອນ ເມື່ອ​ຜ່ານ​ບັນ​ດາ​ປ້ອມ​ຄວບ​ຄຸມ​ໂລກ​ລະ​ບາດ​ໂຄວິດ - 19 ຈະ​ໄດ້​ຮັບ​ການ Scan ລະ​ຫັດ QR ແທນ​ທີ່​ການ​ແຈ້ງອ​າ​ການ​ສຸ​ຂະ​ພາບ​ຢູ່​ປ້ອມ.

ຕາມ​ປົກ​ກະ​ຕິ​ແລ້ວ, ພາຍຫຼັງ​ພົນ​ລະ​ເມືອງ​ແຈ້ງ​ອາ​ການ​ສຸ​ຂະ​ພາບ​ຜ່ານ​ລະ​ບົບ​ແຈ້ງ​ອາ​ການ​ສຸ​ຂະ​ພາບ​ທາງ​ເອ​ເລັກ​ໂຕ​ນິກ ພະ​ນັກ​ງານ​ຈະ​ກວດ​ດ້ວຍ​ໂທ​ລະ​ສັບ​ສ່ວນ​ຕົວ ເພື່ອ Scan ລະ​ຫັດ QR, ແຕ່​ດ້ວຍ ລະ​ຫັດ QR ໃໝ່​, ພົນ​ລະ​ເມືອງ​ພຽງ​ແຕ່​ຢືນ​ຢູ່​ຕໍ່​ໜ້າ camera ເພື່ອ​ແຈ້ງ​ອາ​ການ​ສຸ​ຂະ​ພາບ. ຜ່ານ camera, ຄວາມໄວຂອງການ Scan ຈະ​ໄດ້​ຮັບການປັບ​ປຸງຕື່ມ​ເມື່ອ​ທຽບ​ໃສ່​ກັບ​ການ​ນຳ​ໃຊ້​ໂທ​ລະ​ສັບ, ບາງ​ເທື່ອ​ກໍ່ພົບ​​ບັນ​ຫາກ່ຽວ​ກັບ​ຄຸນ​ນະ​ພາບ​ພາບ​ຖ່າຍ.

ກ່ອນ​ທີ່​ຈະ​ເຂົ້າ​ຮ່ວມ​ການ​ຈະ​ລາຈອນ, ​ພົນ​ລະ​ເມືອງ​ຕ້ອງ​ແຈ້ງ​ຂໍ້​ມູນ​ສ່ວນ​ຕົວ​​ຢ່າງ​ຄົບ​ຖ້ວນ ດ້ວຍ​ໂທ​ລະ​ສັບ​ມື​ຖືທີ່​ມີ​ການ​ເຊື່ອມ​ຕໍ່​ອິນ​ເຕີ​ເນັດ​ ແລ້ວກົດເຂົ້າທີ່​ຢູ່: http://suckhoe.dancuquocgia.gov.vn ຫຼື ​ໃນ​ໂປ​ແກຼມ VNEID. ພາຍຫຼັງ​ໄດ້​ແຈ້ງ​ອາ​ການ​ຢ່າງ​ຄົບ​ຖ້ວນ, ລະ​ບົບ​ຈະ​ອະ​ນຸ​ຍາດ ອອກ/save ລະ​ຫັດ QR. ເມື່ອ​ພົນ​ລະ​ເມືອງ​ຜ່ານ​ບັນ​ດາ​ປ້ອມ​ປ້ອງ​ກັນ ພຽງ​ແຕ່​ແຈ້ງ​ລະ​ຫັດ QR ເພື່ອ​ໃຫ້​ພະ​ນັກ​ງານກວດ​ກາ. ລະ​ບົບ Camera Scan QR Code ໄດ້​ຮັບ​ການ​ໜູນ​ຊ່ວຍ​ບົນ​ພື້ນ​ຖານ​ໂປ​ແກຼມ​ຂອງ​ກະ​ຊວງ​ຕຳຫຼວດ ຢູ່​ເວັບ​ໄຊ kiemdich.dancuquocgia.gov.vn ເຊິ່ງ​ມີ​ການ​ຕິດ​ຕັ້ງ​ຢ່າງ​ງ່າຍ​ດາຍ ແລະ ເວ​ລາ Scan ກໍ່ໄວ​ ໂດຍໃຊ້ເວລາ ແຕ່ 2 – 5 ວິ​ນາ​ທີ ເທົ່ານັ້ນ.

ພາຍຫຼັງ​ Scan ລະ​ຫັດ QR, ລະ​ບົບ​ຂອງ​ກົມ​ຕຳຫຼວດ​ຄຸ້ມ​ຄອງ​​ບໍ​ລິ​ຫານ​ກ່ຽວ​ກັບ​ຄວ​າມ​ເປັນ​ລະ​ບຽບ​ຮຽບ​ຮ້ອຍ​​ສັງ​ຄົມ ຈະ​ກວດ​ກາ​ຂໍ້​ມູນ​ແບບ​ອັດ​ຕະ​ໂນ​ມັດ. ນີ້​ແມ່ນ​ບັນ​ດາ​ໂປ​ແກຼມ​ທີ່​ໄດ້​ຢັ້ງ​ຢຶນ​ໂດຍ​ລະ​ບົບ​ຖານ​ຂໍ້​ມູນ​ແຫ່ງ​ຊາດ​ກ່ຽວ​ກັບ​ພົນ​ລະ​ເມືອງ, ອາດ​ຈະ​ກຳ​ນົດ​ໄດ້​ບັນ​ດາ​ກໍ​ລະ​ນີ ຜູ້​ຕິດ​ເຊື້ອ, ຜູ້​ສຳ​ຜັດ​ໃກ້​ກັບ​ຜູ້​ຕິດ​ເຊື້ອ ແລະ ບັນ​ດາ​ຜູ້​ໄດ້​ຮັບ​ການ​ສັກ​ວັກ​ຊິນ​ຢ່າງ​ຄົບ​ຖ້ວນ 2 ເຂັມ​ແລ້ວ ເພື່ອ​ຈຳ​ກັດ ຫຼື​ ອະ​ນຸ​ຍາດ​ໃຫ້​ພົນ​ລະ​ເມືງອ​ຜ່ານ​ປ້ອມໄປ​ໂດຍ​ໄວ, ປະ​ກອບ​ສ່ວນ​ເຂົ້າ​ໃນ​ການ​ປ້ອງ​ກັນ, ສະ​ກັດ​ກັ້ນ​ໂລກ​ລະ​ບາດ​ໂຄວິດ - 19 ຢ່າງ​ມີ​ປະ​ສິ​ດ​ທິ​ຜົນ.

ລະ​ຫັດ QR ທີ່ໄດ້​ອອກ/save ໃນ​ບັນ​ດາ​ໂປ​ແກຼມນີ້ ສາມາດນຳໃຊ້ໄດ້​ໃນ​ໄລ​ຍະ​ເວ​ລາ 72 ຊົ່ວ​ໂມງ, ຮັບ​ໃຊ້​ໃຫ້​ແກ່​ວິ​ວັດ​ການ​ເດີນ​ທາງ​ໄປ​ມາ​ຂອງ​ພົນ​ລະ​ເມືອງຢ່າງ​ສະ​ດວກ, ວ່ອງໄວ​. ໂປ​ແປຼມ VNEID ແລະ ເວັບ​ໄຊ ສຸ​ຂະ​ພາບ​ພົນ​ລະ​ເມືອງ​ແຫ່ງ​ຊາດ ດ້ວຍ​ການ​ນຳ​ໃຊ້​ຢ່າງ​ງ່າຍ​ດາຍ, ສ້າງ​ຄວາມ​ສະ​ດວກ​ໃຫ້​ແກ່​ປະ​ຊາ​ຊົນ, ເພີ່ມ​ອັດ​ຕາ​ການ​ແກ້​ໄຂ​ແບບ​ອັດ​ຕະ​ໂນ​ມັດ​ໃຫ້​ແກ່​ລະ​ບົບ​ຄວບ​ຄຸມ​ການ​ເດີນ​ທາງ​ໄປ​ມາ, ຊ່ວຍ​ແກ້​ໄຂ​ຂໍ້​ມູນໂດຍ​ໄວ, ຫຼີກ​ລ້ຽງ​ການ​ອັ່ງອໍ​ຢູ່​ບັນ​ດາ​ປ້ອມປ້ອງກັນພະຍາດ.

ບຸນ​ຄົງ

ເຫດການ
302 Found

Found

The document has moved here.