ທະຫານຊາຍແດນແຂວງກວ້າງຈິ ຈັດການ ກວດພະຍາດ ແລະ ແຈກຢາໂດຍບໍ່ເສຍຄ່າໃຫ້ ປະຊາຊົນລຽບຕາມສອງຝັ່ງຊາຍແດນ ຫວຽດ-ລາວ

21:28 | 17/12/2018

ຍສໝ - ຄຳນັບຮັບຕ້ອນຄອບຮອບ 74 ປີ ວັນສ້າງຕັ້ງ ກອງທັບປະຊາຊົນ ຫວຽດນາມ, ໃນໄລຍະສອງວັນ 14-15 ທັນວາ ນີ້, ກອງບັນຊາການທະຫານ ຊາຍແດນ ແຂວງກວ້າງຈິ ປະສານສົມທົບ ກັບ ພະແນກສາທາລະນະສຸກ, ສູນການແພດເມືອງ ກາຣົງ, ໂຮງໝໍວັນນະໂລກ ແລະ ພະຍາດປອດ ແຂວງກວ້າງຈິ ໄດ້ຈັດການກວດພະຍາດ ແລະ ແຈກຢາຮັກສາໂລກ ໂດຍບໍ່ເສຍຄ່າ, ມອບຂອງຂວັນ ໃຫ້ແກ່ປະຊາຊົນ ບ້ານລາໄລ, ກຸ່ມບ້ານ ອາໂງ, ເມືອງກາຣົງ, ແຂວງ ກວ້າງຈິ ແລະ ບ້ານ ລາໄລ ອາສ໋ອຍ, ເມືອງສະໝ໋ວຍ ແຂວງສາລະວັນ.

ທະຫານຊາຍແດນແຂວງກວ້າງຈິ ຈັດການ ກວດພະຍາດ ແລະ ແຈກຢາໂດຍບໍ່ເສຍຄ່າໃຫ້ ປະຊາຊົນລຽບຕາມສອງຝັ່ງຊາຍແດນ ຫວຽດ-ລາວ

ທ່ານພັນເອກພິເສດ ຫງວ໋ຽນ ຮົ່ງຟອງ, ຮອງຜູ້ບັນຊາການທະຫານຊາຍແດນແຂວງກວາງຈິ ມອບຂອງຂວັນໃຫ້ແກ່ຄອບຄົວຫຍຸ້ງຍາກຢູ່ບ້ານລາໄລອາຊອຍ, ເມືອງຕຸ້ມລານ, ແຂວງສາລະວັນ. (ພາບ: bienphong.com.vn)

ເພື່ອຊ່ວຍເຫຼືອ ແລະ ເອົາໃຈໃສ່ ພໍ່ແມ່ປະຊາຊົນ ທີ່ມີຄວາມຫຍຸ້ງຍາກ ຍ້ອນອາກາດໜາວ ແລະ ຝົນຕົກໜັກ ພະນັກງານແພດ, ໝໍ ແລະ ເຕັກນິກວິຊາການຕ່າງໆ ໄດ້ລົງກວດພະຍາດ ໃຫ້ແກ່ປະຊາຊົນຈຳນວນ 535 ຄົນ( ໃນນັ້ນມີປະຊາຊົນລາວ : 175 ຄົນ ແລະ ຫວຽດນາມ: 360 ຄົນ); ພະນັກງານແພດໝໍ ໄດ້ຖ່າຍ ເອັກສະເລ ກວດພະຍາດວັນນະໂລກ ແລະ ພະຍາດປອດ ໃຫ້ ປະຊາຊົນຫຼາຍກວ່າ 100 ຄົນ...

ຜ່ານການກວດພະຍາດ ພົບວ່າ ມີ 7 ຄົນ ມີພະຍາດກ່ຽວຂ້ອງກັບ ປອດ, ຫົວໃຈ ແລະ ກະດູກ(ໄຂຂໍ້) ຕ້ອງໄດ້ຮັບການຮັກສາຈາກ ພະແນກສາທາລະນະສຸກ.

ໃນການກວດກາຄັ້ງນີ້ ກອງບັນຊາການທະຫານແຂວງ ກວ້າງຈິ ໄດ້ມອບຂອງຂວັນ ຈຳນວນ 15 ຊຸດ ໃຫ້ແກ່ຄອບຄົວທຸກຍາກພິເສດ ຂອງທັງສອງຟາກຊາຍແດນ. ມູນຄ່າຂອງການຊ່ວຍເຫຼືອຄັ້ງນີ້ ຈຳນວນ 55 ລ້ານດົ່ງ.

（ຫັດທະບູນ）