 |
| ທ່ານຮອງປະທານສະພາແຫ່ງຊາດ ເຈິ່ນກວາງເຟືອງ (ພາບ: ສະພາແຫ່ງຊາດ ຫວຽດນາມ) |
ຕອນບ່າຍວັນທີ 6 ກັນຍາ, ຈາກສະຖານທີ່ຖ່າຍທອດສົດຮ່າໂນ້ຍ, ທ່ານຮອງປະທານສະພາແຫ່ງຊາດ ເຈິ່ນກວາງເຟືອງ ພ້ອມກັບຄະນະຜູ້ແທນສະພາແຫ່ງຊາດ ຫວຽດນາມ ໄດ້ເຂົ້າຮ່ວມເວທີປາໄສຄວາມໝັ້ນຄົງ ແລະ ສືບລາຊະການລັບ ລັດຖະສະພາ ຄັ້ງທີ 18 ໂດຍສະພາແຫ່ງຊາດ ຮຸງກາຣີ ຈັດຕັ້ງຕາມຮູບການທາງໄກ.
ເວທີປາໄສ ຄວາມໝັ້ນຄົງ - ສືບລາຊະການລັບ ລັດຖະສະພາ ຄັ້ງທີ 18 ໂດຍສະພາແຫ່ງຊາດຮຸງກາຣີ ເປັນເຈົ້າພາບຈັດຕັ້ງ, ໂດຍມີການເຂົ້າຮ່ວມຂອງສະມາຊິກລັດຖະສະພາ, ເຈົ້າໜ້າທີ່ລັດຖະບານ ແລະ ນັກຮຽນຮູ້ 284 ທ່ານທີ່ມາຈາກ 55 ປະເທດ. ເວທີປາໄສຄັ້ງນີ້ ໄດ້ສຸມໃສ່ປຶກສາຫາລືກ່ຽວກັບບັນດາຫົວຂໍ້ຕົ້ນຕໍຄື: ຄວາມສ່ຽງຂອງເງິນດີຈີຕອນ ແລະ ສິ່ງທ້າທາຍສຳລັບບັນດາຂໍ້ກຳນົດໃນປັດຈຸບັນ, ເພີ່ມທະວີການຮ່ວມມືລັດຖະສະພາ ແລະ ບັນດາການປະຕິບັດຕົວຈິງໃຫ້ດີທີ່ສຸດ, ໄພການຄ້າມະນຸດ ແລະ ບັນຊີດຳ, ບັນດາພຶດຕິກຳໃນການສວຍໃຊ້ໃນການພັດທະນາເປີດກ້ວາງເສດຖະກິດທົ່ວໂລກ, ຄວາມສ່ຽງກ່ຽວກັບການນຳໃຊ້ຄວບຄູ່ພູມປັນຍາປະດິດ ແລະ ບັນດາບັນຫາທີ່ຕັ້ງຂຶ້ນສຳລັບກົດໝາຍ, ບັນຊີດຳ ແລະ ບັນດາມາດຕະການນຳໃຊ້ຊ໋ອບແວກ່ຽວກັບການເງິນ, ສົງຄາມຊີວະສາດ, ການຄ້າຜິດກົດໝາຍ, ຟອກເງິນ, ການລົງທຶນຕ່າງປະເທດທີ່ມີເຈດຈຳນົງທີ່ບໍ່ດີ...
ຕາມທ່ານ László Kövér ປະທານສະພາແຫ່ງຊາດ ຮຸງກາຣີ ແລ້ວ, ນີ້ແມ່ນເວທີປາໄສຄວາມໝັ້ນຄົງສາກົນ ເພື່ອແນໃສ່ແລກປ່ຽນຄວາມຮູ້ນັກຊ່ຽວຊານ, ກໍ່ຄືການສ້າງສາຍພົວພັນຮ່ວມມືລະຫວ່າງບັນດາສະມາຊິກລັດຖະພາ, ເຈົ້າໜ້າທີ່ລັດຖະບານໃນໂລກ. ຈາກນັ້ນ, ກໍ່ຊ່ວຍເພີ່ມທະວີຄວາມເຂົ້າໃຈກ່ຽວກັບບັນດາໄພນາບຂູ່ທົ່ວໂລກ ແລະ ສະເໜີບັນດາມາດຕະການທີ່ມີປະສິດທິຜົນ ເພື່ອແນໃສ່ຮັບມືກັບບັນດາໄພນາບຂູ່ດັ່ງກ່າວ.
ເລື່ອງຈັດຕັ້ງເວທີປາໄສດ້ວຍຮູບການທາງໄກສົມທົບໂດຍກົງ ໄດ້ສະແດງຄວາມຕັດສິນໃຈຂອງສະພາແຫ່ງຊາດ ຮຸງກາຣີ ໃນການເຊື່ອມຕໍ່ຄືນບັນດາການເຄື່ອນໄຫວພົວພັນຕ່າງປະເທດທີ່ໄດ້ຮັບຖືວ່າຂາດວັກຂາດຕອນ ຍ້ອນໂລກລະບາດໂຄວິດ - 19, ສ້າງຊ່ອງທາງເຊື່ອມຕໍ່ກັບບັນດາສະມາຊິກລັດຖະສະພາໃນທົ່ວໂລກ ເພື່ອແກ້ໄຂບັນດາສິ່ງທ້າທາຍຄວາມໝັ້ນຄົງໃນປັດຈຸບັນ.
ບຸນຄົງ
