ໜັງສືພິມອານເຊຣີ ເຊີດຊູບົດບາດຂອງ ທ່ານພົນເອກ ຫວໍງວຽນຢາບ

11:48 | 31/08/2021

ຍສໝ - ເນື່ອງໃນໂອກາດສະເຫຼີມສະຫຼອງ 110 ປີແຫ່ງວັນຄ້າຍວັນເກີດຂອງທ່ານພົນເອກ ຫວໍງວຽນຢາບ (25 ສິງຫາ 1911 – 25 ສິງຫາ 2021), ມີໜັງສືພິມຫຼາຍສະບັບ ແລະ ເວັບໄຊໃຫຍ່ ທີ່ມີອິດທິພົນຊື່ສຽງ ຢູ່ ອານເຊຣີຄື: El Moudjahid, Liberte Algerie, La Tribune Diplomatique, L’Expressiondz, Le Grand Soir , Algerie 360, Crésus, Reporters, El Massa, Cuturealgerie... ລ້ວນແຕ່ລົງຂ່າວກ່ຽວກັບເຫດການນີ້.

	ທ່ານນາຍົກລັດຖະມົນຕີ ຟ້າມມິງຈິງ ໃຫ້ການຕ້ອນຮັບທ່ານເອກອັກຄະລັດຖະທູດ ຈີນ ປະຈຳ ຫວຽດນາມ
	ເສັ້ນທາງສວຍງາມທີ່ສຸດຢູ່ກາວບັ່ງ ໃສ່ຊື່ທ່ານ ຫວໍຫງວຽນຢາບ

ໜັງສືພິມອານເຊຣີ ເຊີດຊູບົດບາດຂອງ ທ່ານພົນເອກ ຫວໍງວຽນຢາບ

ພາບປະກອບ: TTXVN

ບັນດາບົດຂຽນໄດ້ຍົກໃຫ້ເຫັນຢ່າງຈະແຈ້ງເຖິງພອນສະຫວັນ, ບຸກຄະລິກກະພາບ ແລະ ຜົນກະທົບຂອງທ່ານພົນເອກ ຫວໍງວຽນຢາບ ຕໍ່ການປະຕິວັດ ຫວຽດນາມ ເວົ້າສະເພາະ ແລະ ດ້ວຍຂະບວນການປົດປ່ອຍຊາດຂອງປະຊາຊົນທີ່ຖືກກົດຂີ່ຂູດຮີດໃນໂລກເວົ້າລວມ.

ທ່ານພົນເອກ ໄດ້ອຸທິດຕະຫຼອດຊີວິດຂອງຕົນ ເພື່ອປົກປ້ອງສອງ ອຸດົມການ ແມ່ນເອກະຊາດຊົນຊາດ ແລະ ລັດທິກອມມູນິດ. ນັບແຕ່ຄາວຍັງໜຸ່ມ ທ່ານ ຫວໍງວຽນຢາບ ໄດ້ສືບທອດຈິດໃຈຮັກຊາດ ຈາກຄອບຄົວ, ຊາດ, ສົມທົບລະຫວ່າງລັດທິກອມມູນິດ ແລະ ແນວຄິດໂຮ່ຈີມິນ, ໄດ້ປະກອບສ່ວນຢ່າງຍິ່ງໃຫຍ່ເຂົ້າໃນການຕໍ່ສູ້ໃຫ້ຫົວເມືອງຂຶ້ນຝລັ່ງ, ພວກຈັກກະພັກ ອາເມລິກາ ປະຊາໄຊ ເພື່ອຍາດເອົາເອກະລາດຊົນຊາດ, ທ້ອນໂຮມປະເທດຊາດເປັນເອກະພາບ, ປະກອບສ່ວນນຳຫວຽດນາມ ຫຍັບເຂົ້າໃກ້ກັບເພື່ອນມິດສາກົນ.

ໜັງສືພິມ ອານເຊຣີ ຍັງໄດ້ຍ້ອງຍໍພາລະກິດ ແລະ ວິລະກຳທີ່ມະຫັດສະຈັນ ຂອງພົນເອກ ຫວໍງວຽນຢາບ, ເຊີດຊູຊື່ສຽງຂອງທ່ານ ໃນຫໍບູຊາວິລະຊົນພ້ອມກັບບັນດາການນຳຂອງການປະຕິວັດໃນທົ່ວໂລກ ຄືປະທານໂຮ່ຈີມິນ, ປະທານ ກູຍບາ Fidel Castro, ນັກວິລະຊົນອາເມລິກາ ລາຕິນ Che Guevara ແລະ ນັກປະຕິວັດຕ່າງໆ.

ບົດບາດຂອງທ່ານພົນເອກ ຫວໍງວຽນຢາບ ໄດ້ຍົກໃຫ້ເຫັນຢ່າງຈະແຈ້ງ ພ້ອມກັບໄຊຊະນະປະຫວັດສາດ ດ້ຽນບຽນຝູ, ບັງຄັບພວກຫົວເມືອງຂຶ້ນຝລັ່ງ ຕ້ອງເຂົ້າຮ່ວມການເຈລະຈາ, ຢຸດຕິສົງຄາມຢູ່ອິນໂດຈິນ ແລະ ປົດປ່ອຍທົ່ວພາກເໜືອ ຫວຽດນາມ, ໄຊຊະນະດັງກ້ອງກັງວານໄປທົ່ວ 5 ທະວີບ, ເຮັດໃຫ້ທົ່ວໂລກສັ່ນສະເທືອນ, ອັນໄດ້ປະກອບສ່ວນປຸກລຸກບັນດາຊົນຊາດທີ່ຖືກປົກຄອງ.

ທ່ານພົນເອກ ຫວໍງວຽນຢາບ ຍັງແມ່ນສະຖາປະນິກຂອງບັ້ນຕໍ່ສູ້ຕ້ານຈັກກະພັດອາເມລິກາ ຮຸກຮານ, ນຳປະເທດຊາດ ແລະ ຜືນແຜ່ນດິນ ຫວຽດນາມ ເຕົ້າໂຮມເປັນອັນໜຶ່ງອັນດຽວ. ນອກຈາກພອນສະຫວັນດ້ານການທະຫານ, ທ່ານພົນເອກ ຍັງແມ່ນນັກການທູດທີ່ດີເດັ່ນ. ບັນດາບົດຮຽນປະສົບການອັນຍິ່ງໃຫຍ່ຂອງທ່ານ ໃນການປະຕິວັດປົດປ່ອຍຊາດ ໄດ້ປະກອບສ່ວນສຳຄັນເຂົ້າໃນການພັດທະນາການພົວພັນທາງການທູດ ລະຫວ່າງ ຫວຽດນາມ ແລະ ເພື່ອນມິດຕະພາບໃນທົ່ວໂລກ.

ບັນດາບົນຂຽນ ຍັງສະແດງຄວາມຮັກແພງ, ຄວາມເຄົາລົບຕໍ່ພອນສະຫວັນ, ບຸກຄະລິກກະພາບຂອງທ່ານພົນເອກ, ຄືດັ່ງບູລຸດທີ່ຍິ່ງໃຫຍ່ຂອງໂລກ, ເຖິງວ່າມີການດຳລົງຊີວິດແບບລຽບງ່າຍ, ຈຽມຕົວ ແຕ່ຍາມໃດກໍ່ຢຶດໝັ້ນ, ສຸດຈິດສຸດໃຈໃຫ້ແກ່ພາລະກິດແຫ່ງການປົດປ່ອຍຊາດ ບໍ່ພຽງແຕ່ສຳລັບປະຊາຊົນ ຫວຽດນາມ ເທົ່ານັ້ນ ຫາກຍັງເພື່ອທຸກໆຊົນຊາດທີ່ຖືກກົດຂີ່ຂູດຮີດໃນທົ່ວໂລກເວົ້າລວມ, ໃນນັ້ນມີປະຊາຊົນ ອານເຊຣີ.

ໃນໂອກາດນີ້, ໜັງສືພິມອານເຊຣີ ຍັງລົງຂ່າວກ່ຽວກັບເຫດການສະຖານທູດ ຫວຽດນາມ ປະຈຳ ອານເຊຣີ ຈັດຕັ້ງງານວາງສະແດງພາບຖ່າຍ ແລະ ເອກະສານປະຫວັດສາດກ່ຽວກັບທ່ານພົນເອກ ຫວໍງວຽນຢາບ ແລະ ຢັ້ງຢືນວ່າ ນີ້ແມ່ນໂອກາດເພື່ອໃຫ້ເພື່ອນມິດສາກົນເຊີດຊູບັນດາການປະກອບສ່ວນຂອງທ່ານ ໃຫ້ແກ່ບັນດາຂະບວນການປົດປ່ອຍຊາດໃນທົ່ວໂລກ.

ບຸນຄົງ