WB: ເສດຖະກິດ ຫວຽດນາມ ອາດຈະມີການເຕີບໂຕປະມານ 4,8% ໃນປີ 2021

15:10 | 26/08/2021

ຍສໝ - ທີ່ການຖະແຫຼງຂ່າວທາງໄກ ເຜີຍແຜ່ບົດລາຍງານສະບັບອັບເດັດສະພາບການເສດຖະກິດ ຫວຽດນາມ ດ້ວຍຫົວຂໍ້ “ຫວຽດນາມປະຕິບັດການຫັນເປັນດີຈີຕອນ - ເສັ້ນທາງມຸ່ງໄປເຖິງອະນາຄົດ” ໃນຕອນບ່າຍວັນທີ 24 ສິງຫາ, ທະນາຄານໂລກ (WB) ຄາດຄະເນວ່າ ພື້ນຖານເສດຖະກິດ ຫວຽດນາມ ອາດຈະມີການເຕີບໂຕປະມານ 4,8% ໃນປີ 2021 ແລະ ມຸ່ງໄປເຖິງລະດັບການເຕີບໂຕແຕ່ 6,5% - 7% ນັບແຕ່ປີ 2022.

	WB: ຫວຽດນາມ ແມ່ນໜຶ່ງໃນບັນດາພື້ນຖານເສດຖະກິດເຕີບໂຕໄວທີ່ສຸດໃນໂລກ
	WB ຍົກໃຫ້ເຫັນ ບັນດາປັດໄຈທີ່ມີຜົນກະທົບຕໍ່ການເຕີບໂຕຂອງຫວຽດນາມ

WB: ເສດຖະກິດ ຫວຽດນາມ ອາດຈະມີການເຕີບໂຕປະມານ 4,8% ໃນປີ 2021

ເສດຖະກິດຫວຽດນາມ ຍັງມີການເຕີບໂຕໃນ 6 ເດືອນຕົ້ນປີ 2021 (ພາບ: dantri.com.vn)

ກ່າວຄຳເຫັນທີ່ການຖະແຫຼງຂ່າວ, ທ່ານນາງ Dorsati Madani ນັກຊ່ຽວຊານດ້ານເສດຖະກິດຂອງ WB ຖືວ່າ ພື້ນຖານເສດຖະກິດ ຫວຽດນາມ ສືບຕໍ່ມີການເຕີບໂຕຢ່າງໜັ້ນຄົງ ຢູ່ລະດັບ 5,6% ໃນ 6 ເດືອນຕົ້ນປີ 2021. ເຖິງຢ່າງໃດກໍຕາມ, ຫວຽດນາມ ພວມປະເຊີນໜ້າກັບການລະບາດຂອງໂຄວິດ - 19 ຮອບໃໝ່ຢ່າງຮ້າຍແຮງທີ່ສຸດ ນັບແຕ່ເວລາໂລກລະບາດໂຄວິດ - 19 ເກີດຂຶ້ນຢູ່ ຫວຽດນາມ (ເດືອນພຶດສະພາ 2021). ລັດຖະບານ ໄດ້ຮັບມືດ້ວຍວິທີການສືບຕໍ່ຮັກສານະໂຍບາຍຜ່ອນຜັນດ້ານການເງິນ ແລະ ປະກາດໃຊ້ບ້ວງໜູນຊ່ວຍປີການເງິນຊຸດໃໝ່ ໃນຕົ້ນເດືອນກໍລະກົດ 2021 ຢູ່ລະດັບປະມານ 1 ຕື້ USD. ລະດັບການຜັນຂະຫຍາຍຍຸດທະສາດການສັກວັກຊິນກັນໂຄວິດ - 19 ໃນວົງກ້ວາງກໍ່ໄດ້ຮັບຍູ້ແຮງໂດຍໄວ...

ເຂດເສດຖະກິດການຕ່າງປະເທດກໍ່ໄດ້ຫຼຸດກຳລັງໜູນລົງສ່ວນໜຶ່ງ, ຍ້ອນແຫຼ່ງເງິນລົງທຶນໂດຍກົງຈາກຕ່າງປະເທດ (FDI) ໄດ້ຫຼຸດລົງ 11% ໃນ 7 ເດືອນຕົ້ນປີ 2021 ເມື່ອທຽບໃສ່ກັບໄລຍະດຽວກັນຂອງປີ 2020.

ຄາດຄະເນວ່າ ພື້ນຖານເສດຖະກິດ ຫວຽດນາມ ອາດຈະມີການເຕີບໂຕປະມານ 4,8% ໃນປີ 2021 ແລະ ຈິ່ງຄ່ອຍໆກັບຄືນສູ່ລະດັບການເຕີບໂຕໃນໄລຍະກ່ອນເກີດໂລກລະບາດໂຄວິດ - 19 ເຊິ່ງແມ່ນຢູ່ລະດັບ 6,5 – 7% ປີ 2022 ເປັນຕົ້ນໄປ.

ຕາມທ່ານນາງ Dorsati Madani ແລ້ວ, ນີ້ແມ່ນການຄາດຄະເນທີ່ຕັ້ງໜ້າແຕ່ຍັງຕ່ຳກວ່າ 2% ເມື່ອທຽບໃສ່ກັບການຄາດຄະເນທີ່ WB ໄດ້ຍົກອອກມາເມື່ອເດືອນທັນວາ ປີ 2020.

ການຄາດຄະເນ ໄດ້ຍົກອອກມາຫວ່າງມໍ່ໆມານີ້ ໂດຍອີງໃສ່ສົມມຸດຖານທີ່ວ່າ ການແຜ່ລະບາດຮອບນີ້ ຈະຄ່ອຍໆໄດ້ຮັບການຄວບຄຸມ, ສ້າງເງື່ອນໄຂເພື່ອໃຫ້ພື້ນຖານເສດຖະກິດຟື້ນຟູໃນໄຕມາດທີ IV ຂອງປີ 2021. ໄລຍະຟື້ນຟູກໍ່ຈະໄດ້ຮັບການໜູນຊ່ວຍໂດຍເລື່ອງຍູ້ໄວຍຸດທະສາດສັກວັກຊິນກັນໂຄວິດ - 19 ໃນວົງກ້ວາງ, ຢ່າງໜ້ອຍສຸດ ມີປະຊາກອນທີ່ເຖິງອາຍຸກະສຽນໄດ້ຮັບການສັກວັກຊິນ 70% ໃນກາງປີ 2022, ເພື່ອຊ່ວຍສະກັດກັ້ນບັນດາການແຜ່ລະບາດຮອບໃໝ່ທີ່ຮ້າຍແຮງກ່ວານີ້.

ທ່ານນາງ Dorsati Madani ໃຫ້ຮູ້ວ່າ ການຄາດຄະເນດັ່ງກ່າວ ໄດ້ສົມມຸດຖານວ່າ ວິວັດການຟື້ນຟູເສດຖະກິດໃນທົ່ວໂລກສືບຕໍ່ໄດ້ດຳເນີນ ຈະຮັບປະກັນການຮັກສາຄວາມຕ້ອງການສູງສຳລັບສິນຄ້າທີ່ຜະລິດຢູ່ ຫວຽດນາມ ຢູ່ບັນດາຕະຫຼາດສົ່ງອອກຫຼັກແຫຼ່ງ.

ທີ່ການຖະແຫຼງຂ່າວ, ທ່ານ Jacques Morisset ຫົວໜ້ານັກຊ່ຽວຊານເສດຖະກິດຂອງ WB ຖືວ່າ ເຕັກໂນໂລຢີດີຈີຕອນ ແມ່ນອະນາຄົດຂອງພື້ນຖານເສດຖະກິດ ຫວຽດນາມ. ຫວຽດນາມ ພວມກຳໄດ້ທີ່ຕັ້ງທີ່ດີແຕ່ຍັງບໍ່ທັນຄົບຖ້ວນເພື່ອກາຍເປັນປະເທດມະຫາອຳນາດດີຈີຕອນຂອງໂລກ.

ທ່ານ Jacques Morisset ເນັ້ນໜັ້ກວ່າ: ຫວຽດນາມ ຄວນສົ່ງເສີມການນຳໃຊ້ເຕັກໂນໂລຢີດີຈີຕອນ ແລະ ດຶງດູດການລົງທຶນ ເພື່ອສ້າງເງື່ອນໄຂໃຫ້ແກ່ບັນດາວິສາຫະກິດຂະໜາດນ້ອຍ ເຂົ້າຮ່ວມເສດຖະກິດດີຈີຕອນ, ຮັບເອົາ ແລະ ພັດທະນາເຕັກນິກ, ຮັກສາຄວາມລັບຂໍ້ມູນສ່ວນຕົວ ແລະ ຄວາມໝັ້ນຄົງທາງເຄືອຂ່າຍອິນເຕິເນັດ. ລັດຖະບານມີຂັ້ນຕອນການກະທຳຢ່າງລະອຽດຄືຍົກສູງເຕັກນິກດີຈີຕອນ, ບຳລຸງສ້າງກຳລັງຄວາມສາມາດໃນການປ່ຽນແປງທີ່ມີຄວາມຄິດປະດິດສ້າງ, ຍູ້ແຮງການສຳພັດຂໍ້ມູນ, ຄຸນນະພາບ ແລະ ຄວາມໝັ້ນຄົງ...

ບຸນຄົງ