UNESCO ຮຽກຮ້ອງໃຫ້ປະຊາຄົມຊຸກຍູ້ການສຶກສາສຳລັບເດັກນ້ອຍຍິງເຂດຊົນເຜົ່າສ່ວນໜ້ອຍ

07:00 | 06/08/2021

ຍສໝ - ໃນເດືອນສິງຫາ ແລະ ເດືອນກັນຍາ 2021, UNESCO ໄດ້ຮຽກຮ້ອງບັນດາເລື່ອງລາວທີ່ສ້າງແຫຼ່ງບັນດານໃຈຈາກປະຊາຄົມ ເພື່ອແນໃສ່ສົ່ງເສີມນັກຮຽນຊົນເຜົ່າສ່ວນໜ້ອຍ, ພິເສດແມ່ນເດັກນ້ອຍຍິງ, ສືບຕໍ່ຮ່ຳຮຽນພາຍຫຼັງໂລກລະບາດໂຄວິດ - 19.

	ຫວຽດນາມ ແມ່ນສະມາຊິກຕັ້ງໜ້າ, ມີບົດບາດສຳຄັນໃນອົງການ UNESCO
	ຫວຽດນາມ ໜູນຊ່ວຍລາວ ປັບປຸງສໍານວນເອກະສານເຂດອະນຸລັກຮັກສາທໍາມະຊາດຍື່ນສະເໜີຕໍ່ UNESCO

UNESCO ຮຽກຮ້ອງໃຫ້ປະຊາຄົມຊຸກຍູ້ການສຶກສາສຳລັບເດັກນ້ອຍຍິງເຂດຊົນເຜົ່າສ່ວນໜ້ອຍ

ພາບປະກອບ: baodantoc.vn

ຢູ່ ຫວຽດນາມ, ຍຸດທະສາດໄດ້ຮັບການຜັນຂະຫຍາຍໃນຂອບເຂດໂຄງການ “ພວກເຮົາສາມາດ - ມຸ່ງໄປເຖິງລະດັບການດຳລົງຊີວິດ ແລະ ການສຶກສາທີ່ດີກວ່າ”, ຊຸກຍູ້ຄວາມສະເໝີພາບລະຫວ່າງຍິງຊາຍ ແລະ ການສຶກສາໃຫ້ເດັກນ້ອຍຍິງຊົນເຜົ່າສ່ວນໜ້ອຍ ຢູ່ ຫວຽດນາມ. ຕາມອົງການ UNESCO ແລ້ວ, ຍຸດທະສາດທົ່ວໂລກ#KeepingGirlsinthePicture (ເພື່ອຮູບພາບອະນາຄົດທີ່ມີເດັກນ້ອຍຍິງ) ໂດຍສະຫະພາບການສຶກສາທົ່ວໂລກປຸກລະດົມ ເພື່ອແນໃສ່ຮັບປະກັນການຮ່ຳຮຽນຂອງເດັກນ້ອຍຍິງບໍ່ໃຫ້ຖືກຕັດຂາດໃນໄລຍະໂຮງຮຽນປິດ ຍ້ອນໂລກລະບາດໂຄວິດ - 19, ຊຸກຍູ້ສະພາບແວດລ້ອມທີ່ປອດໄພໃຫ້ແກ່ເດັກນ້ອຍຍິງ ເມື່ອບັນດາຮາກຖານການສຶກສາເປີດປະຕູຄືນໃໝ່, ພ້ອມທັງຮຽກຮ້ອງມານະພະຍາຍາມປົກປ້ອງບັນດາຄວາມກ້າວໜ້າທີ່ບັນລຸໄດ້ໃນການສຶກສາໃຫ້ແກ່ເດັກນ້ອຍຍິງ.

ໂຄງການໂດຍ UNESCO ສົມທົບກັບ ກະຊວງການສຶກສາ ແລະ ກໍ່ສ້າງ ແລະ ຄະນະກຳມະການຊົນເຜົ່າຜັນຂະຫຍາຍ, ດ້ວຍການໜູນຊ່ວຍຈາກກຸ່ມບໍລິສັດ CJ ຂອງ ສ.ເກົາຫຼີ ເພື່ອແນໃສ່ຊຸກຍູ້ການສຶກສາໃຫ້ແກ່ເດັກນ້ອຍຍິງຊົນເຜົ່າສ່ວນໜ້ອຍຢູ່ບັນດາແຂວງ ຮ່າຢາງ, ນິງທ້ວນ ແລະ ຊອກຈັງ.

UNESCO ປຸກລະດົມຍຸດທະສາດການສື່ສານ “ເພື່ອຮູບພາບອະນາຄົດທີ່ມີເດັກນ້ອຍຍິງ” ໃນສື່ສັງຄົມອອນລາຍ.

UNESCO ໄດ້ເກັບກຳບັນດາເລື່ອງລາວ ຈາກປະຊາຄົມກ່ຽວກັບຄວາມສຳຄັນຂອງການສຶກສາສຳລັບການດຳລົງຊີວິດຂອງພວກເຮົາ ແລະ ແມ່ນຂົວເຊື່ອມຕໍ່ນຳມາເຊິ່ງບັນດາເລື່ອງລາວນັ້ນ ໄປຍັງເດັກນ້ອຍຊົນເຜົ່າສ່ວນໜ້ອຍ, ພິເສດແມ່ນເດັກນ້ອຍຍິງ ຢູ່ຮ່າຢາງ, ນິງທ້ວນ ແລະ ຊອກຈັງ ໂດຍເປັນສະຖານທີ່ຈັດຕັ້ງໂຄງການ “ພວກເຮົາສາມາດ”.

ນອກຈາກນັ້ນ, ບັນດາເລື່ອງລາວນີ້ ກໍ່ຈະໄດ້ແບ່ງປັນ ແລະ ເອົາລົງໃນສື່ສັງຄົມອອນລາຍ Facebook UNESCO Office in Viet Nam” ໂດຍແມ່ນຊື່ສັງຄົມອອນລາຍທາງການຂອງ ຫ້ອງການ UNESCO ປະຈຳ ຫວຽດນາມ ເພື່ອແນໃສ່ແຜ່ຂະຫຍາຍບັນດາຈຸດທີ່ຕັ້ງໜ້າ, ມີຄວາມໝາຍໄປສູ່ປະຊາຄົມ ແລະ ມຸ່ງໄປເຖິງເປົ້າໝາຍ “ເພື່ອຮູບພາບອະນາຄົດທີ່ມີເດັກນ້ອຍຍິງ”.

UNESCO ເຊື້ອເຊີນທຸກຄົນທີ່ມີຄວາມສົນໃຈ ຢາກຮ່ວມເດີນທາງກັບຍຸດທະສາດ “ເພື່ອຮູບພາບອະນາຄົດທີ່ມີເດັກນ້ອຍຍິງ” ດ້ວຍວິທີການແບ່ງປັນບັນດາເລື່ອງລາວສ້າງແຫຼ່ງບັນດານໃຈ, ສົ່ງເສີມບັນດາເນື້ອໃນທີ່ເປີດບັນດາທັດສະນະຄະຕິທາງເພດ ຄືເລືອກອາຊີບບໍ່ຈຳແນກເພດ... ຜູ້ເຂົ້າຮ່ວມອາດຈະສົ່ງເລື່ອງລາວດ້ວຍພາສາຫວຽດນາມ ໃນຂອບຂະໜາດແຕ່ 500 – 800 ຄຳ, ພ້ອມກັບພາບຖ່າຍປະກອບ ສົ່ງໄປຍັງ ອີເມວ hanoi@unesco.org ແຕ່ນີ້ຈົນຮອດວັນທີ 5 ກັນຍາ 2021.

ບຸນຄົງ