| Danh Chanh Da - ນັກຂ່າວຊາວເຜົ່າຂະແມ ທີ່ໄດ້ຮັບຫຼຽນໄຊຮ່ວມມືມິດຕະພາບສາກົນ | |
| ປີໃໝ່ Chöl Nam Thmay ມີຄວາມອົບອຸ່ນ, ປຸ້ມລຸມກັນຢູ່ສະຖານທູດລາຊະອານາຈັກກຳປູເຈຍ ປະຈຳຫວຽດນາມ |
 |
| ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ໄດ້ນຳພາຄະນະຜູ້ແທນຫວຽດນາມ ເຂົ້າຮ່ວມກອງປະຊຸມ. ພາບ: baoquocte.vn |
ໃນຂອບຂອງກອງປະຊຸມລັດຖະມົນຕີການຕ່າງປະເທດອາຊຽນຄັ້ງທີ 54 (AMM-54) ແລະກອງປະຊຸມທີ່ກ່ຽວຂ້ອງ, ກອງປະຊຸມສະພາປະຊາຄົມການເມືອງ- ຄວາມໝັ້ນຄົງອາຊຽນ ຄັ້ງທີ 23 ໄດ້ຈັດຂຶ້ນໃນຕອນບ່າຍຂອງວັນທີ 2 ສິງຫາ 2021. ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ໄດ້ນຳພາຄະນະຜູ້ແທນຫວຽດນາມ ເຂົ້າຮ່ວມກອງປະຊຸມ.
ກ່າວຄຳເຫັນທີ່ກອງປະຊຸມ, ທ່ານລັດຖະມົນຕີ ບຸ່ຍແທງເຊີນ ໄດ້ເນັ້ນໜັກວ່າ ໃນສະພາບການໂລກ ແລະພາກພື້ນປະເຊີນໜ້າກັບສິ່ງທ້າທາຍຫຼາຍຢ່າງ, ໂດຍສະເພາະແມ່ນການລະບາດຂອງພະຍາດໂຄວິດ -19, ອາຊຽນຕ້ອງເພີ່ມທະວີການຮ່ວມມືໃນດ້ານການເມືອງ-ຄວາມໝັ້ນຄົງໃຫ້ຫຼາຍກວ່າອີກ
ເພື່ອຮັບປະກັນສະພາບແວດລ້ອມແຫ່ງສັນຕິພາບ, ປອດໄພ ແລະໝັ້ນຄົງ; ນີ້ແມ່ນເງື່ອນໄຂຕັດສິນເບື້ອງຕົ້ນເພື່ອຮັບມືຕໍ່ການແຜ່ລະບາດຂອງພະຍາດຢ່າງມີປະສິດທິຜົນ, ສົ່ງເສີມການຟື້ນຟູ ແລະຮັກສາການເຕີບໂຕຢູ່ໃນພາກພື້ນ.
ທ່ານລັດຖະມົນຕີໃຫ້ຮູ້ວ່າ ອາຊຽນຄວນວິທີການສໍາຜັດທີ່ຮອບດ້ານໃນການພົວພັນກັບບັນດາຄູ່ຮ່ວມມືໃນປະຈຸບັນ ກໍ່ຄືການຮ່ວມມືກັບບັນດາຄູ່ຮ່ວມມືທີ່ມີທ່າແຮງໃໝ່. ທ່ານລັດຖະມົນຕີໄດ້ສະເໜີໃຫ້ມີການກວດກາຄືນຢ່າງລະອຽດກ່ຽວກັບຂັ້ນຕອນ ແລະລະບຽບການດໍາເນີນງານຂອງກົນໄກໂດຍອາຊຽນນຳພາ ເພື່ອສືບຕໍ່ຮັກສາເປົ້າໝາຍ, ຄຸນຄ່າ ແລະບົດບາດຂອງບັນດາກົນໄກເຫຼົ່ານີ້ ກໍ່ຄືການຊຸກຍູ້ການເຂົ້າຮ່ວມ ແລະການສົນທະນາຢ່າງສ້າງສັນຂອງບັນດາຄູ່ຮ່ວມມືໃຫ້ໝັ້ນຄົງ.
ທ່ານລັດຖະມົນຕີສະເໜີວ່າ ຄວນມີວິທີການສໍາຜັດຢ່າງມີຫົວຄິດປະດິດສ້າງໃນການປະສານງານລະຫວ່າງຂະແໜງການ ແລະລະຫວ່າງເສົາຄ້ຳ; ອັບເດດບັນດາບັນຫາທີ່ພົ້ນເດັ່ນໃນປະຈຸບັນເຂົ້າໃນແຜນການສັງລວມປະຊາຄົມການເມືອງ-ຄວາມໝັ້ນຄົງ 2025 ເພື່ອຮັບປະກັນຄວາມເຂົ້າກັນ ແລະເປັນເຈົ້າການໃນການປັບຕົວຂອງອາຊຽນ.
ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ກໍ່ໄດ້ສະເໜີໃຫ້ອາຊຽນຕ້ອງເອົາໃຈໃສ່ຕື່ມຕໍ່ກັບໂຄງການດຳເນີນງານກ່ຽວກັບແມ່ຍິງ, ສັນຕິພາບ, ຄວາມໝັ້ນຄົງ ເພື່ອຊຸກຍູ້ການມີເຂົ້າຮ່ວມ, ການປະກອບສ່ວນ ແລະບົດບາດຂອງແມ່ຍິງເຂົ້າໃນຂະບວນວິວັດແຫ່ງສັນຕິພາບ, ພ້ອມກັນນັ້ນ ກໍ່ສະໜັບສະໜູນການສ້າງແຜນການກະທຳຂອງພາກພື້ນກ່ຽວກັບບັນຫານີ້.
ໄຊພອນ
